Fréttablaðið - 08.10.2010, Síða 34
8. OKTÓBER 2010 FÖSTUDAGUR2 ● geðhjálp
Dagskrá geðheilbrigðisdagsins
verður fjölbreytt og fer fram í
Göngugötunni í Mjódd og í hús-
næði Hugarafls að Álfabakka 16
á sunnudag frá klukkan 13 til 16.
Hún hefst á ávarpi verkefnastjóra,
Ragnheiðar J. Sverrisdóttur, og
síðan mun Héðinn Unnsteinsson
flytja ávarp. Þá koma Unghugar
Hugarafls fram, ungliðahreyfing
Hugarafls sem var stofnuð fyrir
ári síðan. Hugmyndin þar að baki
er að mæta þörfum ungs fólks
sem hefur upplifað geðraskanir
eða aðra erfiðleika. Garðar Sölvi
Helgason, sem strítt hefur við geð-
klofasjúkdóm frá upphafi áttunda
áratugarins, kemur fram fyrir
hönd geðklofahóps Geðhjálpar.
Einnig mun Guðbjörg Sveinsdóttir
geðhjúkrunarfræðingur segja frá
samfélagsteymi. Fjölbreytt tón-
listatriði verða til skemmtunar og
meðal annarra munu Feðgarnir
Herbertsson leika nokkur lög.
Geðræktarbolir, svartir með
gulu lógói og geðorði nr. 2 á bak-
inu: Hlúðu að því sem þér þykir
vænt um, verða til sölu í göngugöt-
unni á 1.000 krónur. Rennur ágóði
í sjóð Styrktarfélags alþjóða geð-
heilbrigðisdagsins, sem er notaður
meðal annars til að standa straum
af auglýsingakostnaði og öðru er
tengist dagskránni 10. október.
Kynningar verða frá félögum og
úrræðum er varða geðheilbrigði.
Þá verða veitingar á klikkuðu
verði. Fróðleikur og góð skemmt-
un fyrir alla fjölskylduna.
Alþjóða geðheilbrigðissamtökin
(World Federation for Mental
Health) voru stofnuð 1948 til að
berjast fyrir bættri geðheilsu
meðal allra þjóða heimsins.
Stofnendur komu frá félögum í 46
löndum, en nú eru meðlimir frá
yfir 150 þjóðlöndum. Bæði félög
og einstaklingar geta átt aðild og
í þeirra hópi má finna starfsmenn
heilbrigðisþjónustu, notendur henn-
ar, aðstandendur, velunnara og al-
menning. Samtökin halda stóra ráð-
stefnu annað hvert ár þar sem þátt-
takendur bera saman bækur sínar.
Þá er sérstakur geðheilbrigðisdag-
ur haldinn árlega 10. október og
hefur hann verið haldinn hátíðleg-
ur hér á landi frá 1996.
Sjálfboðaliðar á vegum
SEEDS-samtakanna tóku að
sér viðgerðir og endurbætur
á húsi Geðhjálpar í sumar.
Reynslan opnaði mörgum nýja
og jákvæða sýn á þá sem nýta
sér geðheilbrigðisþjónustu.
Í júlímánuði komu átta ungmenni
frá Portúgal, Þýskalandi, Ungverja-
landi, Bretlandi, Spáni og Lettlandi
til þess að starfa sem sjálfboðalið-
ar í húsi Geðhjálpar við Túngötu í
Reykjavík. Sjálfboðaliðarnir komu
hingað á vegum íslensku sjálfboða-
samtakanna SEEDS en þau taka á
móti um 800 sjálfboðaliðum í ár í
verkefni sem tengjast umhverfis-
vernd, menningu eða félagsmálum.
Sjálfboðaliðarnir sem tóku að
sér ýmsar viðgerðir og endurbætur
á húsinu sáu einnig um málningar-
vinnu innanhúss, komu upp nýju
sorpflokkunarkerfi, hreinsuðu garð-
inn og settu niður ný blóm jafn-
framt því sem þeir sáðu í matjurta-
garð félagsins. Sjálfboðaliðarnir
höfðu einnig gott tækifæri til þess
að blanda geði við aðra gesti húss-
ins og settu þannig alþjóðlegan svip
á starfsemina þann tíma sem þeir
dvöldu þar. Geðhjálp sá þeim fyrir
fæði og húsnæði á meðan á verkefn-
inu stóð.
„Þetta var í fyrsta skipti sem
þátttakendur tóku þátt í verkefni
af þessum toga og voru þeir virki-
lega ánægðir með reynsluna sem
opnaði mörgum nýja og jákvæða
sýn á heim þeirra sem nýta sér geð-
heilbrigðisþjónustu,“ segir Istvan
Balog, hópstjóri SEEDS. Ungmenn-
in segjast afar stolt af því að hafa
getað lagt sín lóð á vogarskálarn-
ar í að viðhalda þessu fallega húsi
sem Geðhjálp hefur til umráða og
styðja við hið mikilvæga starf sem
þar er unnið.
Geðhjálp hefur hug á áframhald-
andi samstarfi við SEEDS og hlakk-
ar til frekari kynna við ungt fólk
hvaðanæva að úr heiminum.
Blaðið Geðhjálp hefur komið út í allnokkur
ár og hlotið góðar viðtökur í samfélaginu.
Fyrir það eru aðstandendur blaðsins og fé-
lagsins afar þakklátir. Hlýhugur og sam-
kennd samferðamanna skipta þá miklu
máli sem stríða við sjúkdóma, en senni-
lega á þetta hvergi betur við en um geð-
sjúkdóma.
Mikið hefur áunnist í því að eyða mis-
skilningi og fordómum í garð geðsjúkra,
þótt enn séu þessi mál ekki í höfn eins og
fram kemur í grein Einars Kvaran. En nú er þó svo komið að þeim
sem stríða við geðræna sjúkdóma þykir óhætt að ræða þá opinskátt,
eins og vera ber, án þess að eiga á hættu að samferðamenn snúi við
þeim baki. Það er aðeins með slíkri umræðu sem hægt er að eyða
misskilningi og koma í veg fyrir fordóma. Forsíðuviðtalið við Hörpu
Hreinsdóttur á vonandi eftir að opna augu margra fyrir því að hið
sama gildir um geðsjúkdóma og aðra sjúkdóma: við viljum auðvitað
helst vera alveg laus við þá, en það má samt sem áður lifa góðu lífi.
Enn og aftur skiptir stuðningur samferðamanna sköpum.
Lesendur geta einnig fræðst um hvernig nokkrir einstaklingar
sem haldnir eru félagsfælni hafa tekið höndum saman og stofnað
með sér hóp sem hittist reglulega í húsakynnum Geðhjálpar. Stofn-
andi hópsins er Elís V. Árnason sem lýsir því hvernig hópurinn
vinnur og hverju hann getur áorkað í lífi einstaklinga. Hér er líðan
félagsfælinna lýst af manni sem þekkir hana af eigin raun, og sem
hefur vaxið mjög með því viðfangsefni að aðstoða aðra í sömu
sporum.
Sigursteinn Másson lýsir þeirri líðan sem margir eru haldnir í
kjölfar kreppunnar. Búast má við að þeim fjölgi fremur en hitt sem
eiga eftir að stríða við geðræn veikindi á næstu árum. En það má
bregðast við áföllum og vondum tíðindum með margvíslegum hætti;
einn þeirra er að vernda geðið eftir fremsta megni.
Það kennir sem sé ýmissa grasa í blaði Geðhjálpar. Vonandi mun
það fræða landsmenn um geðræna sjúkdóma og möguleg viðbrögð
við þeim – og draga úr fordómum og skeytingarleysi í garð náung-
ans. Auður Styrkársdóttir
Gegn fordómum
● STJÓRN GEÐHJÁLPAR Aðalfundur félagsins var haldinn 27.
mars og var þá skipt um nokkra einstaklinga í stjórn. Núverandi stjórn
skipa þau sem sjást á myndinni. Efri röð f.v.: Lena Hákonardóttir, Einar
Kvaran, Sigursteinn Másson formaður, Garðar Sölvi Helgason og Lárus
R. Haraldsson gjaldkeri. Neðri röð f.v.: Margrét Ómarsdóttir, Sesselja
Jörgensen varaformaður, Auður Styrkársdóttir ritari, Erna Arngrímsdóttir
og Björk Agnarsdóttir.
Liðtækir sjálfboðaliðar í eldhúsinu. MYND/LAURA HODDAGS
Sjálfboðaliðarnir bjuggu til þessar fínu
steintröppur í matjurtagarðinn.Flott málningarvinna! MYND/LAURA HODDAGS
Geðræktarbolir verða til sölu í göngugötunni í Mjódd. MYND/ÚR EINKASAFNI
Sjálfboðaliðar í sumar
Alþjóða geðheilbrigðisdagurinn
Útgefandi: Geðhjálp | Heimilisfang: Túngata 7, 101 Reykjavík
Ritstjóri og ábyrgðarmaður: Auður Styrkársdóttir
Vefsíða: www.gedhjalp.is | Sími: 570 1700