Fréttablaðið - 09.10.2010, Blaðsíða 32
32 9. október 2010 LAUGARDAGUR
250 tóku þátt
í ljósmynda-
keppninni
Fréttablaðið efndi til ljósmyndasamkeppni í
vikunni meðal lesenda sem hvattir voru til
að senda inn myndir af fólki um haust. 250
myndasmiðir tóku þátt og má hér sjá mynd-
irnar sem hrepptu annað og þriðja sætið auk
tveggja sem þóttu sérlega athyglisverðar.
HRAFNHILDUR Í HELLISGERÐI Edda Svavarsdóttir er á listnámsbraut í Iðnskólanum í Hafnarfirði og tók þessa mynd í Hellisgerði
sem hluta af verkefni sem hún vann með hárgreiðslunema. „Við vorum paraðar saman og þurftum að redda módeli, Hrafnhildur
heitir hún. Svo sá ég keppnina auglýsta og ákvað að taka þátt, fékk leyfi hjá fyrirsætunni og sendi inn mynd.“
MYND/EDDA SVAVARSDÓTTIR
HAUSTSPOR Í SANDI Gunnar Salvarsson tók þessa mynd í fjörunni við Eyrarbakka
af frænku sinni Herdísi Heklu. „Ég er eldheitur áhugaljósmyndari og er yfirleitt með
vélina á öxlinni. Sú var raunin um síðustu helgi þegar ég var á Eyrarbakka í heimsókn
í afmæli. Við gengum svo niður í fjöruborðið og Herdís Hekla trítlaði á undan mér á
tánum enda með eindæmum hlýtt.“ MYND/GUNNAR SALVARSSON
HAUSTKYRRÐ Ljósmyndun er áhugamál
Braga J. Ingibergssonar sem tók þessa
mynd við Hreðavatn á fallegum degi
í Borgarfirðinum í haust. „Ég fer oft í
slíkar ferðir enda aðaláhugamálið og
hefur verið talsvert lengi,“ segir Bragi,
sem hreppti annað sætið í keppninni.
MYND/BRAGI J. INGIBERGSSON
Í LYSTIGARÐIN-
UM „Við vorum
saman í Lystigarð-
inum hér á Akur-
eyri feðginin að
mynda haustlauf.
Ég hef gaman af
því að mynda og
dóttir mín Helga
hefur smitast af
áhugamálinu,“
segir Benedikt
H. Sigurgeirsson.
Eftir að hafa skoð-
að afrakstur dags-
ins afréð hann að
senda inn mynd
í keppnina og
hreppti hún þriðja
sætið.
MYND/BENEDIKT H.
SIGURGEIRSSON
Alex Máni Guðríðarson
bar sigur úr býtum í ljósmynda-
keppni Fréttablaðsins. „Við vorum
að leika okkur og ég vissi af
keppninni og tók myndir þegar hún
fór að leika sér með laufblöð,“ segir
Alex Máni Guðríðarson, þrettán ára,
sem hefur haft áhuga á ljósmynd-
un síðan hann var átta ára. „Ég tek
alls konar myndir, af fólki, dýrum og
fuglum.“
Alex hlaut gjafabréf fyrir tvo frá
Iceland Express en Benedikt H. Sig-
urgeirsson og Bragi J. Ingibergsson
sem hrepptu annað og þriðja sætið
fengu gjafabréf fyrir tvo í Þjóð-
leikhúsið. Í dómnefnd sátu Pjetur
Sigurðsson, yfirmaður ljósmynda-
deildar Fréttablaðsins, Ólafur Þ.
Stephensen, ritstjóri Fréttablaðsins,
og Einar Skúlason, markaðsstjóri
Fréttablaðsins.