Fréttablaðið - 09.10.2010, Blaðsíða 44

9. OKTÓBER 2010 LAUGARDAGUR2 ● bleika slaufan
Málsvarar sjúklinga
● BARÁTTUKONUR FÁ FYRSTU SLAUFURNAR
Í ár fengu baráttukonur um
land allt fyrstu bleiku slauf-
una, konur sem hafa barist
við krabbamein og eru marg-
ar enn að berjast, og konur
sem hafa gefið Krabbameins-
félaginu krafta sína í gegn-
um árin.
Guðbjartur Hannesson
heilbrigðisráðherra nældi
slaufur í baráttukonurnar í Reykjavík; þær Stefaníu Guðmundsdóttur,
Ágústu Ernu Hilmarsdóttur og Guðnýju Kristrúnu Guðjónsdóttur. Á
landsbyggðinni nældi t.a.m. Krabbameinsfélag Suður-Þingeyinga bleikar
slaufur í Laufeyju Skúladóttur og Elínu Kristjánsdóttur. Krabbameinsfélag
Akraness og nágrennis nældi í fyrrverandi stjórnarformann félagsins,
Elínu Sigurbjörnsdóttur, og Geirþrúði Charlesdóttur á Ísafirði var afhent
slaufan af Krabbameinsfélaginu Sigurvon.
Krabbameinsfélag Íslands bein-
ir nú í október athygli íslenskra
kvenna að því sem hver og ein
getur gert til þess að minnka líkur
á að fá krabbamein. Þetta eru til-
tölulega einföld skilaboð, og við
könnumst við þau flest. Ekki er
þar með sagt að það sé jafnein-
falt að haga alfarið lífsstíl sínum í
samræmi við þau. Við skulum hins
vegar reyna eftir bestu getu.
Samhliða þessu átaki leggjum
við áfram mikla áherslu á önnur
viðfangsefni félagsins, sem eru
m.a. að styðja og efla í hvívetna
baráttuna gegn krabbameinum,
stuðla að þekkingu og menntun
varðandi krabbamein og krabba-
meinsvarnir, efla rannsóknir á
þessu sviði og styðja framfarir í
meðferð og umönnun. Við erum
málsvarar sjúklinga og beitum
okkur í hagsmunabaráttu fyrir þá.
Við veitum sjúklingum og aðstand-
endum fræðslu, ráðgjöf og stuðn-
ing og reynum að mæta breytileg-
um þörfum þeirra á hverjum tíma.
Við leggjum okkur fram við
að sinna þessum verkefnum, og
höfum notið til þess góðs stuðn-
ings almennings í landinu. Nú
leitum við til landa okkar um að
kaupa bleiku slaufuna, sem er
seld um allt land til fjáröflunar
fyrir Krabbameinsfélagið. Kaup
á bleiku slaufunni er stuðningur
við störf okkar í þágu kvenna sem
greinast með krabbamein, og við
ætlum að láta enn meira til okkar
taka á því sviði.
Sigríður Snæbjörnsdóttir,
formaður Krabbameinsfélags Íslands
Sigríður Snæbjörnsdóttir, formaður
Krabbameinsfélag Íslands.
Í baráttunni gegn krabba-
meini hér á landi hafa unnist
margir góðir sigrar fyrir verk
fjölmargra einstaklinga um
langan tíma.
Bleikur októbermánuður er orðinn
föst hefð í íslensku samfélagi, hús
eru lýst bleik, konur ganga stoltar
með bleikar slaufur í barminum og
karlar á jakkaboðungum og bleik-
ur litur blasir við hvert sem litið er.
Við vitum líka að þetta er ekki ein-
göngu gert til þess að létta okkur
lífið í upphafi vetrar, þetta eru allt
táknmyndir fyrir árvekni- og fjár-
öflunarátak Krabbameinsfélags Ís-
lands, og hefur svo verið í áratug.
Bleiki októbermánuðurinn er helg-
aður krabbameini hjá konum, með
áherslu á brjóstakrabbamein, sem
er algengast þeirra.
Nú greinast hér á landi árlega
um 1360 manns með krabbamein,
þar af um 720 karlar og um 640
konur. Krabbamein er um fjórð-
ungur dánarmeina hérlendis og
um þriðjungur landsmanna grein-
ist með krabbamein einhvern tím-
ann á lífsleiðinni. Níunda til tíunda
hver kona getur átt á hættu að
greinast með brjóstakrabbamein.
Þessar tölur eru umhugsunarefni,
en við vitum líka að lífshorfur hafa
batnað mjög mikið, lífsgæði aukist,
meðferð fleygir fram og forvarnir
skila árangri.
Nú síðsumars og í haust höfum
við fengið fréttir um að Íslending-
ar hafi náð góðum árangri í saman-
burði við nágrannalöndin í lækkun
dánartíðni vegna nokkurra tiltek-
inna krabbameina. Við gleðjumst
öll yfir sigrunum, en við viljum og
ætlum að gera miklu betur.
Stórir sigrar vinnast venju-
lega ekki nema að undangeng-
inni baráttu. Í baráttunni gegn
krabbameini hér á landi hafa unn-
ist margir góðir sigrar fyrir verk
fjölmargra einstaklinga um lang-
an tíma. Við höfum átt þeirri gæfu
að fagna að stórhuga vísindamenn
hafa lagt sitt af mörkum til fræði-
mennsku svo eftir er tekið, öfl-
ugir heilbrigðisstarfsmenn hafa
helgað sig starfinu og tileinkað
sér framfarir í meðferð, stjórn-
völd hafa lagt áherslu á forvarn-
ir á þessu sviði og allur almenn-
ingur hefur lagt baráttunni lið
með margvíslegum hætti. Síðast
en ekki síst hafa þeir, sem greinst
hafa með krabbamein og aðstand-
endur þeirra, barist af miklu afli
fyrir framförum á þessu sviði.
Ég hvet þjóðina til þess að kaupa
bleiku slaufuna og bera hana allan
októbermánuð til þess að styðja hið
góða starf Krabbameinsfélagsins
og til að minna okkur öll stöðugt á
mikilvægi árvekni og forvarna á
þessu sviði. Guðbjartur Hannesson,
heilbrigðis- og félagsmálaráðherra.
Margir sigrar hafa unnist
Ragnheiður Haraldsdóttir, forstjóri Krabbameinsfélags Íslands, nælir bleiku slaufunni í jakkaboðung Guðbjarts Hannessonar
heilbrigðis- og félagsmálaráðherra sem keypti nokkrar fyrstu slaufurnar sem voru seldar.
● LÝSUM ALLT BLEIKT
Á hverju ári velur Krabbameins-
félagið eina byggingu á höfuð-
borgarsvæðinu til að lýsa upp í
tilefni átaksins og var Mennta-
skólinn í Reykjavík baðaður
bleiku ljósi að þessu sinni.
Ýmsar byggingar og náttúru-
fyrirbrigði voru einnig lýst um
land allt og má m.a. nefna 370
metra langt súrálsfæriband í
álveri Fjarðaráls við Reyðarfjörð,
skógarsvæði Skógræktarfélags
Hafnarfjarðar, Kotstrandarkirkju
í Ölfusi og Selfosskirkju. Þá
má nefna Safnahúsið Ísafirði,
fossinn í Búðará og Framhalds-
skólann á Húsavík. Einnig hafa
félög og fyrirtæki um allt land
tekið sig til og lýst byggingar
sínar upp í tilefni af árvekni-
mánuðinum og má þar nefna
Þjóðmenningarhúsið í Reykja-
vík, Háskóla Íslands, Þjóðminja-
safnið og turn stjórnsýsluhúss
Sandgerðis.
„Ég er á bleiku skýi“ segjum við þegar gleðin er takmarkalítil og við
erum jafnvel ekki alveg rauntengd. Á haustdögum í október vörpum
við bleikri birtu á ýmis mannvirki, mýkjum ásýnd þeirra og böðum
þau mildum bjarma. En hjá Krabbameinsfélagi Íslands vitum við samt
af raunveruleikanum, sem er stundum ekki eins mildur.
Þetta er nú í tíunda sinn sem Krabbameinsfélagið stendur fyrir
bleikum mánuði og hvetur til umhugsunar og árvekni varðandi
krabbamein hjá konum.
Á hverju ári greinast hátt á sjöunda hundrað konur með krabba-
mein, þar af vel á annað hundrað með brjóstakrabbamein. Sögur þess-
ara kvenna eru jafnólíkar og þær eru margar, og snerta í raun allt
samfélagið. Við þurfum að segja þessar sögur og hlusta á þær; hafa
þær til hliðsjónar við skipulag allrar þjónustu fyrir konur. Seinni
hluta októbermánaðar safnar Krabbameinsfélagið margvíslegum
sögum kvenna með það að markmiði að skilja betur aðstæður þeirra
og varpa ljósi á lífsbaráttuna, sigra og ósigra, gleði og sorg. Sögurnar
verða m.a. birtar á vefsíðu okkar og við notum þær til að móta störf-
in í framtíðinni.
Krabbameinsfélag Íslands verður sextíu ára á næsta ári og sinn-
ir vaxandi verkefnum. Félagið er samnefnari fyrir þrjátíu aðildarfé-
lög sem starfa um land allt. Verkefnin eru fjölbreytt og leyst af hendi
eftir aðstæðum á hverjum stað. Á vegum félagsins starfa margir eld-
hugar sem vinna óeigingjarnt starf að málefnum félagsins af mikl-
um krafti. Allt byggir þetta starf þó fyrst og fremst á vilja almenn-
ings til þess að styðja okkur.
Nú eru tímar mikilla átaka og sundrungar. Skerðing heilbrigðis-
þjónustu mun hafa mikil áhrif á heilsu og heilbrigði. Vantrú á hefð-
bundnar lausnir er áberandi og traust á mörgum stofnunum samfé-
lagsins hefur beðið hnekki. Þó er það svo að Íslendingar vilja standa
saman og styðja við bakið á þeim sem þurfa stuðning, stuðla að mótun
góðs samfélags og finna fyrir samstöðu um góð og uppbyggileg mál-
efni.
Krabbameinsfélagið hefur notið mikillar velvildar og trausts og við
ætlum okkur að standa undir því áfram. Samhliða árvekniátakinu
nú í þessum mánuði er fjáröflunarátak, og við bjóðum ykkur nú fal-
legu bleiku slaufuna til kaups, en sala hennar er ein aðalfjáröflun fé-
lagsins. Það eru allir glæsilegri með bleiku slaufuna, karlar jafnt sem
konur – og ekki er unnt að hugsa sér betri gjöf til að gefa og þiggja í
október. Ragnheiður Haraldsdóttir, forstjóri Krabbameinsfélags Íslands.
Í bleikum raunheimum
● ÞAKKIR
Stjórn Krabbameins-
félags Íslands þakkar
landsmönnum ómet-
anlegan stuðning á
undanförnum árum
og væntir öflugs lið-
sinnis í því átaki sem
nú stendur yfir. Félag-
ið hefur í sex áratugi
barist gegn krabba-
meinum og fyrir fram-
förum sem bætt geta hag krabbameinssjúklinga og aðstandenda þeirra.
Við munum gera það áfram. Krabbameinsfélagið er áhugamannafélag
sem treystir á velvild almennings. Þitt framlag skiptir máli.
Í stjórn sitja: Stefán Eiríksson, Þóra Hrönn Njálsdóttir, Sigurður P.
Sigmundsson, Sigríður Snæbjörnsdóttir, Nanna Friðriksdóttir, Jakob
Jóhannsson, Guðrún Sigurjónsdóttir
Útgefandi: Krabbameinsfélag Íslands
Heimilisfang: Skógarhlíð 8, 105 Reykjavík
Vefsíða: www.krabb.is
Netfang: krabb@krabb.is
Ritstjóri: Laila Sæunn Pétursdóttir
Ábyrgðarmaður: Ragnheiður Haraldsdóttir
Auglýsingar: Fréttablaðið/Hlynur Þór Steingrímsson. Sími 512 5439