Fréttablaðið - 11.10.2010, Blaðsíða 38

26 11. október 2010 MÁNUDAGURSJÓNVARPSÞÁTTURINN
Tónleikar ★★★★
Plastic Ono Band
Háskólabíó 9. október
Ef einhver hefði sagt mér það fyrir
nokkrum árum að ég ætti eftir að
vera á tónleikum með Yoko Ono
í Reykjavík á sjötíu ára afmælis-
degi John Lennon þá hefði ég talið
viðkomandi í besta falli algjör-
lega veruleikafirrtan. En hlutirnir
taka stundum óvænta stefnu og á
laugardags kvöldið sat ég í troðfull-
um sal Háskólabíós þar sem Yoko
Ono kom fram ásamt nýja Plast-
ic Ono bandinu sem sonur henn-
ar Sean setti saman og stjórnar.
John Lennon hefði orðið sjötug-
ur þennan dag, en Sean átti 35
ára afmæli. Yoko Ono hefur lengi
verið umdeild. Mér hefur samt
alltaf fundist hún flott. Aldrei
verið einn af þeim sem þola ekki
„jarmið í Yoko“. Þvert á móti hefur
mér þótt tónlistin hennar vanmet-
in, bæði sólóplöturnar hennar og
það sem hún gerði með Lennon, t.d.
á hinni stórskemmtilegu Sometime
in New York City.
Dagskráin á laugardagskvöldið
hófst á stuttri kvikmynd um Yoko
þar sem farið var hratt yfir feril-
inn með myndbrotum allt frá æsku
hennar í Japan til friðarsúlunnar
í Viðey. Að henni lokinni birtist
Yoko ein á sviðinu og byrjaði að
syngja lagið It Happened af plöt-
unni hennar A Story sem kom út
1974. Þegar lagið var hálfnað var
tjaldið dregið frá og nokkrir með-
lima Plastic Ono Band birtust á
sviðinu og spiluðu með. Dagskrá
tónleikanna samanstóð að stórum
hluta af lögum af plötu Yokoar með
Plastic Ono bandinu frá því í fyrra,
Between My Head & the Sky. Frá-
bær plata, framsækin og tilrauna-
kennd og þannig voru tónleik-
arnir í Háskólabíói að stærstum
hluta, svolítið hráir og lausir í sér
og spilagleðin og tilþrif hljóðfæra-
leikaranna réðu ríkjum. Auk laga
af nýju plötunni eins og The Sun Is
Down, Waiting for the D Train og
High Nobura tók Yoko meðal ann-
ars diskósmellinn Walking on Thin
Ice og lagið Mind Train af plötunni
Fly frá 1971.
Hljómsveitin var firna flott.
Níu manns í heildina. Sean spil-
aði á bassa, gítar og píanó, en
auk hans voru m.a. á sviðinu
Harumi Hosomo (úr Yellow Magic
Orchestra), Yuka Honda (úr Cibo
Matto), Keigo Oyamada (Corneli-
us), Nels Cline gítarleikari Wilco
og trompetleikarinn Michael Leon-
hart. Hörku lið. Yoko sjálf var eins
og maður bjóst við. Söngurinn
hennar var ekki alltaf hefðbund-
inn, en stunurnar, skerandi ópin og
hvell hrópin pössuðu vel inn í tón-
listina. Geri aðrir 77 ára betur.
Hápunktur tónleikanna kom í
lokin þegar allir tónlistarmenn-
irnir komu upp á svið til að syngja
Give Peace a Chance og að auki
nokkrir vel valdir gestir eins og
Olivia Harrison (ekkja George),
Alice Walker, Jón Gnarr („the
hippest mayor on this planet“ sam-
kvæmt kynningu Sean) og sjálfur
Ringo Starr. Salurinn tók kröftug-
lega undir og Ringo var í stuði.
Sannkallaður draumaendir. Að
laginu loknu var 35 kerta afmælis-
terta borin upp á svið, Sean blés
og salurinn söng afmælissönginn
bæði fyrir Sean og John. Ást og
friður.
Trausti Júlíusson
Niðurstaða: Mæðginin Sean og Yoko
og þétt skipað Plastic Ono bandið
buðu upp á hráa og tilraunakennda
tónlistarveislu í Háskólabíó á laugar-
dagskvöldið.
Einstök kvöldstund
með Yoko Ono
„Ég er rosalega mikið fyrir saka-
málaþætti. Til dæmis bresku
þættina um Barnaby sem leysir
hvert morðmálið á fætur öðru í
litlu smáþorpi. Svo eru þættirnir
Sporlaust í miklu uppáhaldi á
mínu heimili.“
Sveinn Kjartanson, matreiðslumaður og
annar umsjónamaður sjónvarpsþáttana
Fagur fiskur í sjó.
„Ég hlakka mikið til að troða upp í Hörpu,
það er búið að bíða lengi eftir þessu húsi,“
segir Rúnar Freyr Gíslason leikari. Hann
mun leika stórt hlutverk í söngleiknum
Chess eftir Abba-félagana Björn og Benny
og textahöfundinn Tim Rice sem verður
frumsýndur í nýju tónlistar- og ráðstefnu-
húsi Reykjavíkur þegar það verður vígt
næsta sumar. Rúnar mun þar leika á móti
fyrrverandi eiginkonu sinni, Selmu Björns-
dóttur, en skilnaður þeirra fyrr á þessu ári
fór ekki framhjá neinum. Rúnar vildi ekki
mikið tjá sig um það, sagði það bara milli
hans og Selmu. „Það hefur annars alltaf
verið gott að vinna með Selmu og ég kvíði
því ekkert,“ segir Rúnar, sem er staddur í
London um þessar mundir að leika í Faust
með Vesturporti í Young Vic-leikhúsinu.
Þetta verður síður en svo í fyrsta skipti
sem Rúnar og Selma leika á móti hvort öðru
í söngleik. Þau léku Danny og Sandy í frægri
uppfærslu á Grease og svo í Singin‘ in the
Rain á fjölum Þjóðleikhússins en þar brugðu
þau sér í líki Don og Kathy sem Gene Kelly
og Debby Reynolds höfðu gert fræg rúmri
hálfri öld áður.
Rúnar segir hlutverkið í Chess feykilega
krefjandi hvað sönginn snertir og bendir
á að Murray Head hafi sungið það á sínum
tíma í London. „En fyrir þá sem ekki vita þá
söng hann hlutverk Júdasar í upprunalegu
útgáfunni af Jesus Christ Superstar.“ Rúnar
hefur hingað til ekki verið mjög frægur fyrir
söng en hann leggur traust sitt á leikstjórann
Pál Baldvin Baldvinsson. „Ég fór allavega í
prufur og hann veit alveg hvað ég get.“ - fgg
Rúnar Freyr og Selma saman á ný
„Ég er svona hæfilega mikið jóla-
barn. Finnst þetta mjög notalegur
tími á árinu,“ segir Sigurður Guð-
mundsson tónlistarmaður, sem
gefur út jólaplötu í ár í samvinnu
við Memfismafíuna. Sigurður er
þessa dagana að klára upptökur
og um helgina hittist hljómsveitin
í Stúdíó Sýrlandi til að leggja loka-
hönd á verkið. Hljómsveitarmeð-
limir voru í hátíðisklæðnaði og
drukku malt og appelsín til koma
sér í réttu jólastemninguna.
„Platan verður svona ljúf og
þægileg. Nokkrir gamlir slagar-
ar verða en mest eru þetta frum-
samin lög eftir mig og Braga
Valdimar Skúlason,“ segir Sig-
urður og lofar að á plötunni verði
að finna lög um Jesúbarnið, jóla-
stjörnur og hinn almenna jóla-
undirbúning. „Ég sjálfur kemst
yfirleitt í jólaskapið þegar komið
er að jólabaðinu. Hið árlega jóla-
bað,“ segir Sigurður hlæjandi.
Það verður mikið að gera hjá
Sigurði um jólin því fyrir utan
plötuútgáfuna á hann von á jóla-
stúlku með unnustu sinni, Tinnu
Ingvarsdóttur. „Fyrst var stóri
dagurinn sjálfur aðfangadagur
en nú hefur settum fæðingardegi
verið seinkað til 27. desember.
Hún kemur á jólatímabilinu, milli
aðfangadags og þrettándans,“
segir Sigurður og kveðst veru-
lega spenntur yfir föðurhlutverk-
inu. Hann ætlar sér að vera með
tónlistaruppeldi og gengur að
því sem vísu að dóttirin erfi sín
tónlistargen. „Já, ég verð fyrir
vonbrigðum ef hún heldur ekki
lagi,“ segir Sigurður í glettnum
tón og bætir við að hann sé þegar
byrjaður að raula fyrir bumbuna.
„Maður verður að byrja snemma
að leggja línurnar,“ segir Sigurð-
ur en hann er einnig nýfluttur í
miðbæ Reykjavíkur eftir að hafa
búið í bílskúrnum í húsi móður
sinnar síðustu ár. Má segja að
hann sé að flytja í fyrsta sinn
að heiman? „Nei, kannski ekki
alveg. Ég er búinn að vera með
annan fótinn hjá mömmu síðan
ég flutti heim frá Ítalíu árið 2004.
Þetta eru ákveðin tímamót og nú
erum við komin með íbúð í hjarta
bæjarins. Alveg frábært.“
alfrun@frettabladid.is
SIGURÐUR GUÐMUNDSSON: GEFUR ÚT JÓLAPLÖTU OG VERÐUR FAÐIR
Byrjaður að raula fyrir
væntanlegt jólabarn sitt
JÓLASTEMNING Jólin 2010 verða eflaust eftirminnileg hjá Sigurði Guðmundssyni tónlistarmanni en hann er bæði að gefa út sína
fyrstu jólaplötu með Memfismafíunni og verða faðir í fyrsta sinn. Sigurður og félagar voru við upptökur í Stúdíó Sýrlandi í gær og
þar var hlýleg stemning. FRÉTTABLAÐIÐ/VALLI
Ólína Sigurjónsdóttir ekur um göt-
urnar á afskaplega fallegum bíl og
hefur vakið verðskuldaða athygli
meðal annarra ökumanna. Bíll
Ólínu skartar fallegum, löngum
augnhárum yfir framljósunum og
er án efa einn sætasti bíll landsins
um þessar mundir.
„Dóttir mín var að skoða vef-
síðuna Pressan.is og las grein um
að konur gætu nú loks gert bíl-
ana sína svolítið kvenlegri með
því að skreyta þá með augnhár-
um. Fyrst þetta var ekki svo dýrt
ákvað ég að splæsa svona á bílinn
minn. Þetta var nú aðallega í gríni
gert,“ útskýrir Ólína. Augnhárin
voru pöntuð af vefsíðunni www.
carlashes.com og send hingað frá
Bandaríkjunum og kveðst Ólína
ánægð með kaupin. „Mér fannst
ég þurfa að lífga svolítið upp á bíl-
inn og þótti þetta skemmtileg leið.
Karlmenn geta bætt við allskyns
skrauti á bílana sína, eins og pústi
og vindskeið, en fyrir okkur kon-
urnar var ekki um svo mikið að
velja. Nema þá kannski loðin stýri
og annað slíkt.“
Aðspurð segir Ólína bílinn hafa
vakið athygli meðal manna og
finnst henni ágætt að geta gefið
fólki eitthvað til að brosa yfir.
„Fólk brosir yfir þessum skrítna
bíl í umferðinni. Sumir öskra og
hlæja aðrir bara stara, en sem
betur fer hefur þetta ekki valdið
neinum árekstrum,“ segir Ólína
hlæjandi og bætir við: „Sumir
spyrja hvort ég ætli ekki að bæta
við glossi á bílinn en ég svara að
bara að bónið á bílnum sé nógu
mikill glans fyrir mig.“ - sm
Sætur bíll sem gleður augað
SÆTUR BÍLL Ólína Sigurjónsdóttir
skreytti bíl sinn með augnhárum fyrir
framljósin og hefur uppátækið vakið
mikla athygli. FRÉTTABLAÐIÐ/VALLI
EINSTÖK STUND Yoko Ono, Sean Lennon og félagar sungu Give Peace a Chance í lok
tónleikanna. Meðal þeirra sem sungu með voru Olivia Harrison, Jón Gnarr og Ringo
Starr. FRÉTTABLAÐIÐ/DANÍEL
Þú getur alltaf lesið Fréttablaðið frítt á Vísi
eða fengið sendan daglegan tölvupóst
með blaði dagsins. Nánari
upplýsingar á: visir.is/dreifing
FRÉTTABLAÐIÐ Á NETINU
SAMAN Á SVIÐI Rúnar
Freyr og Selma Björns-
dóttir munu leika á móti
hvort öðru í söngleiknum
Chess sem verður eitt af
opnunaratriðum Hörpu á
næsta ári.