Fréttablaðið - 12.10.2010, Blaðsíða 20
12. 4
„Frændi minn, Paul Nabil Bust-
any, greindist með liðsarkmein,
eða synovial sarcoma, um tvítugt.
Hann barðist hetjulega við meinið
í tólf ár en hann lést 19. ágúst árið
2006, þá 33 ára,“ segir Birna Þór-
arinsdóttir en þau Nabil voru syst-
kinabörn.
Um helgina ætlar hópur fólks,
fjölskylda Nabils og vinir, að
hlaupa maraþon í Tyrklandi og
safna áheitum en fjölskylda Nabils
stofnaði styrktarsjóð í hans nafni
til rannsókna á krabbameininu
þegar hann lést. Liðsarkmein er
sjaldgæft og lítið var um það vitað
þegar Nabil greindist. Sjóðurinn
var settur á laggirnar í Bandaríkj-
unum en þar var Nabil fæddur og
uppalinn.
„Þetta er, að því er við best vitum,
eini einkarekni styrkarsjóðurinn
fyrir þessa tegund krabbameins í
heiminum,“ segir Birna en í veik-
indunum lagði frændi hennar sig
fram um að fræðast um sjúkdóm-
inn og leita uppi lækna sem unnu
að rannsóknum á honum.
„Það eru færir prófessorar að
rannsaka liðsarkmein í Banda-
ríkjunum, meðal annars Nóbels-
hafi í læknavísindum frá árinu
2007. Frændfólk mitt er í góðu
sambandi við þessa lækna en sam-
tals höfum við safnað um 300.000
dollurum fram til þessa,“ útskýrir
Birna og segir jafnframt mikinn
samhug einkenna söfnunina en
ári eftir að Nabil lést hlupu sjötíu
manns í Reykjavíkurmaraþoninu
fyrir sjóðinn.
„Nabil frændi var ein yndisleg-
asta og merkilegasta manneskja
sem ég hef kynnst og hann mark-
aði djúp spor í líf okkar allra sem
nutum þess að kynnast honum. Í
Reykjavíkurmaraþoninu komu 35
manns víða að úr heiminum, frá
Bandaríkjunum, Líbanon, Egypta-
landi, Frakklandi, Tyrklandi og
víðar. Á sunnudaginn ætlum við að
endurtaka leikinn og hlaupa fjöru-
tíu saman í Istanbúlmaraþoninu.
Við förum tíu frá Íslandi og einnig
koma vinir og ættingjar Nabils all-
staðar að úr heiminum. Með hlaup-
inu erum við að safna áheitafé en
ekki síður er tilgangurinn að koma
saman til að njóta minningarinnar
um einstakan mann.“
Á heimasíðunni www.pnbustany.
org er haldið utan um styrktarsjóð-
inn. Þar er einnig að finna upplýs-
ingar um Nabil sjálfan og sjúkdóm-
inn svo og upplýsingar um hlaupin.
heida@frettabladid.is
Hlaupa fyrir látinn frænda
Paul Nabil Bustany lést árið 2006 úr sjaldgæfu krabbameini. Hann var hálfíslenskur og hálflíbanskur og
hefur fjölskylda hans og vinir hlaupið til styrktar rannsóknum á sjúkdómnum í hans nafni.
Vilhjálmur Alvar Halldórsson og Birna Þórarinsdóttir hlaupa í Istanbúlmaraþoninu á sunnudaginn ásamt fjölskyldu og vinum í
Konur geta dregið úr líkum á
brjóstakrabbameini með því að
fara í megrun tvo daga vikunnar.
Þetta kemur fram í rannsókn
breskra vísindamanna sem fylgdust
með hundrað konum í yfirvigt sem
einnig áttu á hættu að þróa með sér
sjúkdóminn. Niðurstöður sýndu að
með því að fækka hitaeiningum má
verulega draga úr hormónum sem
geta valdið brjóstakrabbameini.
Dr. Michelle Harvie hjá for-
varnar miðstöð brjóstakrabbameins
á Wythenshawe-spítala í Manchest-
er segir þetta geta skipt sköpum
fyrir konur sem eigi erfitt með að
vera í megrun alla daga vikunnar.
Í rannsókninni var einn hópur
kvenna settur á 650 hitaeininga
mataræði tvo daga í viku í hálft
ár, og annar hópur á 1.500 hita-
einingar. Árangurinn var sá sami
í báðum hópum; konurnar létt-
ust að meðaltali um sjö kíló og
umtalsverð fækkun varð á tveimur
hormónum og prótíni sem tengj-
ast sjúkdómnum. Eftir hálft ár
hafði styrkur hormónsins leptíns
minnkað um fjörutíu prósent, insúl-
ín lækkað um 25 prósent og bólgu-
valdandi prótín um fimmtán pró-
sent, en þetta þrennt hefur verið
tengt brjóstakrabbameini.
Hinar 650 hitaeiningar fengust
úr tveimur glösum af undanrennu
á dag, tei og banana í morgunmat,
gulrót og kóríandersúpu í hádegis-
mat og grænmeti í karríi í kvöld-
mat. Þær sem fóru eftir 1.500
hitaeininga kúrnum fylgdu Mið-
jarðarhafsmataræði og fengu fersk-
an fisk, salat, grænmeti, ólífuolíu,
ost og jógúrt. - þlg
Megrun í tvo daga
gegn brjóstakrabba
Konurnar sem tóku þátt í rannsókninni
borðuðu ríkulega af grænmeti þá daga
sem þær voru í megrun. FRÉTTABLAÐIÐ/GVA
Vefjagigt.is er fræðsluvefur um vefjagigt og síþreytu. Þar er
að finna ítarlegar upplýsingar um sjúkdóminn, einkenni hans,
meðferð, reynslusögur og sjálfshjálp.
teg. 3911
- heldur mjög vel að
og fæst í D,DD,E,F,FF,G
skálum frá
36-44 á
kr. 7.760,-
Laugavegi 178 - Sími: 551 2070
Sími 551 3366.
Opið mán.-fös. 10-18. Lau. 10-14.
Góð þjónusta - fagleg ráðgjöf.
www.misty.is
Vertu vinur
STÓR
góður
Heilsusetur Þórgunnu
552 1850 / 896 9653 · www.heilsusetur.is
Viðurkenndur sérmenntaður
kennari með 20 ára reynslu
NÁMSKEIÐ Í
BAKNUDDI
Helgina 16.-17. október kl. 11-15
· ATH! Aðeins 6 manns í hóp ·
Upplýsingar í síma 896-9653
og á www.heilsusetur.is.
Þú færð Fréttablaðið
á kostnaðarverði á 90 stöðum
um land allt. Nánari upplýsingar
á visir.is/dreifing
Þú getur alltaf lesið Fréttablaðið frítt
á Vísi eða fengið sendan daglegan
tölvupóst með blaði dagsins. Nánari
upplýsingar á: visir.is/dreifing
FRÉTTABLAÐIÐ Á NETINU
Í bókinni Mataræði
Handbók um hollustu
eftir Michale Pollan
er að finna alls kyns
ráðleggingar um hollt
mataræði. Höfundin-
um þykir orðið helst
til flókið að borða
í nútímasamfélagi
og leggur upp með
einföld ráð eins og
„borðaðu ekkert sem
langamma hefði ekki
kannast við sem mat“
og „borðaðu
aðeins mat
sem rotnar“.
Mataræði handbók
um hollustu