Fréttablaðið - 12.10.2010, Blaðsíða 38
30 12. október 2010 ÞRIÐJUDAGUR
FACEBOOK
„Segist stundum vera að
skúra og svona þegar hún er í
alvörunni að borða snakk og
hanga á Netinu (lesist: gúggla
sig).“
Lára Björg Björnsdóttir, bloggari og
rithöfundur
„Ég er kominn með hálsbólgu.
Þetta er fullkomin tímasetning.
Við erum að leggja lokahönd á
plötuna, Airwaves að byrja og allt
í gangi,“ segir Arnór Dan Arnar-
son, söngvari hljómsveitarinnar
Agent Fresco.
Læknir Arnórs hefur ráðlagt
honum að spara röddina ætli hann
ekki að missa hana. Tímasetn-
ing in er ekki sú besta, en Iceland
Airwaves-hátíðin hefst í vikunni
ásamt því að Agent Fresco vinnur
að því að klára upptökur á fyrstu
breiðskífu sinni.
„Það er ekki annað hægt en að
hlæja – beðinn um að þegja yfir
Airwaves-vikuna og þegar við
erum að leggja lokahönd á plöt-
una,“ segir Arnór. Agent Fresco
kemur fjórum sinnum fram á
næstu dögum, á Nasa á miðviku-
dag, í Hressó og Norræna húsinu
á fimmtudag og loks á Sódómu á
laugardag. Það verður því gríðar-
legt álag á bólgnum hálsi Arnórs,
sem tekur því með æðruleysi: „Ég
verð að reyna að tækla þetta eins
vel og hægt er,“ segir hann. „Ég
bjóst samt við þessu. Ég er búinn
að vera svo stressaður út af plöt-
unni og var ekki hissa þegar ég
vaknaði og var kominn með háls-
bólgu.“
Arnór telur að blanda af álagi og
svefnleysi hafi spilað inn í þegar
hálsinn bólgnaði upp, en hann
hefur nýtt næturnar í upptökur á
breiðskífu Agent Fresco. Hálsbólg-
an tefur útgáfuna, en platan átti að
koma út í byrjun nóvember. Arnór
er þó bjartsýnn á að platan komi út
einhvern tíma í nóvember. „Plat-
an tefst því miður,“ segir hann.
„Svona er þetta bara. Ég er ekki
að fara að taka upp helminginn af
lögunum með hálsbólgu – maður
heyrir alveg muninn. Þú heyrir
það kannski á mér núna.“
Iceland Airwaves verður þó efst
á baugi hjá Arnóri og félögum í vik-
unni, enda stærsta tónlistar hátíð
landsins og allar helstu hljóm-
sveitir landsins koma þar fram.
„Þetta verður ógeðslega gaman –
þetta eru jólin fyrir okkur,“ segir
Arnór. „Við skemmtum okkur vel
og gerum það sem við erum alltaf
búnir að gera. Þetta verður flott.“
atlifannar@frettabladid.is
ARNÓR DAN ARNARSON: REYNI AÐ TÆKLA ÞETTA EINS VEL OG HÆGT ER
Læknir skipar söngvara að
þegja í Airwaves-vikunni
ÓSTÖÐVANDI Arnór Dan glímir við svæsna hálsbólgu en hyggst engu að síður koma fjórum sinnum fram í vikunni með hljóm-
sveit sinni Agent Fresco. FRÉTTABLAÐIÐ/ANTON
„Ég kem til landsins fyrir jól til að kynna
vöruna í verslunum um allt land og verð
væntanlega í leiðinni líka að leita að litl-
um Ásdísum á aldrinum 16 til 20 ára til
að vera andlit vörunnar með mér,“ segir
fyrirsætan og athafnakonan Ásdís Rán
Gunnarsdóttir.
Ásdís hyggst setja á markað fyrir jól
Icequeen Beauty Kit, en það er snyrti-
vörulína fyrir ungar stúlkur. „Töskurnar
innihalda uppáhaldssnyrtivörurnar mínar
sem eru nauðsynlegar til að lúkka gor-
djöss,“ segir Ásdís, en hún er nú að koma
sér fyrir á nýju heimili í Þýskalandi. Ásdís
er í samstarfi við Kristínu Stefánsdóttur
hjá snyrtivörufyrirtækinu No Name en
ekki er vitað hvaða vörur verður að finna
í töskunum. „Það er ennþá leynd yfir því,
en það kemur í ljós fljótlega þegar þetta er
allt komið í sölu.“ - afb
Leitar að litlum Ásdísum
SNYRTIVÖRULÍNA Á LEIÐINNI Það geta ekki allir verið „gordjöss“, en Ásdís
Rán ætlar að hjálpa þeim sem vilja það. FRÉTTABLAÐIÐ/ANTON
Gunnar Hansson náði einstakri þrennu í
íslenskri sjónvarpssögu. Hann talaði inn á
heimildarmynd föður síns, Hans Kristjáns
Árnasonar, Frá torfbæ á forsíðu Time, hann var
auðvitað Frímann Gunnarsson í þáttunum Mér
er gamanmál, sem sýndir er á Stöð 2, og á meðan
á þessu stóð var hann að lýsa MacGladrey
Classic golfmótinu á Stöð 2 Sport. „Og svo má
ekki gleyma því að Frímann var næstum á
tveimur stöðum því pabbi er nett fyrirmyndin að
honum,“ segir Gunnar og hlær.
Golfmótið sem Gunnar fékk að lýsa var ekki
smekkfullt af stórstjörnum því þær voru flestar
að keppa á Ryder-mótinu fyrir skömmu og tóku
sér því pásu. Þetta gerði Gunnari aðeins erfiðara
um vik. „Ég var auðvitað drullustressaður, ég
var nefnilega að stökkva inn fyrir Árna bróður
minn sem þurfti óvænt að fara til útlanda,“
útskýrir Gunnar, en Árni þessi er lærður golf-
kennari. „Ég þekkti því ekki alla kylfingana
nægilega vel og notfærði mér bara útlenska þul-
inn í eyrunum sem var líka skrýtið því þá var
bara eins og ég væri að „dubba“,“ en slík tækni
er meðal annars notuð í Þýskalandi við enskar
myndir. Gunnar er sjálfur liðtækur kylfingur,
byrjaði að slá aðeins níu ára gamall og þá fyrir
tilstilli ömmu sinnar. „Hún er enn þá að, spilar
átján án þess að blása úr nös.“
Gunnar gerir mikið af því að horfa á golf,
finnst það skemmtilegasta sjónvarpsefnið og lá
til að mynda límdur yfir Ryder Cup á Skjá Golfi.
„En það er svolítið öðruvísi að lýsa golfi sjálfur
heldur en að vera uppi í sófa með bumbuna út í
loftið.“ - fgg
Á þremur stöðvum sama kvöldið
ENN EITT HLUTVERKIÐ Gunnar Hansson hljóp í
skarðið fyrir Árna bróður sinn og lýsti golfmóti á Stöð
2 Sport. Gunnar er sjálfur liðtækur kylfingur en það
var amma hans sem ýtti honum út í íþróttina þegar
hann var aðeins níu ára að aldri. FRÉTTABLAÐIÐ/ANTON
Aðalfundur CISV á Íslandi
Aðalfundur CISV á Íslandi verður haldinn í
Brautarholti 6, 105 Reykajvík, 4. hæð þann
21. október 2010 klukkan 20:00.
Dagskrá fundarins:
Venjuleg aðalfundarstörf.
Stjórn CISV á Íslandi.
HARMAGEDDON
ALLA VIRKA DAGA
KL. 15 – 17:30