Fréttablaðið - 18.10.2010, Blaðsíða 54
30 18. október 2010 MÁNUDAGURSJÓNVARPSÞÁTTURINN
„America’s Next Top Model
er án efa besti þáttur í heimi
og ég hef hreina unun af því
að fylgjast með viðskiptaviti
þáttastjórnandans, Tyru Banks.
Hún fléttar nefnilega stöðugar
auglýsingar inn í þættina, þó að
maður horfi á Netinu.“
Margrét Erla Maack, fjölmiðlakona
„Ég er í rauninni að fylgja ákveðinni hefð
sem hefur skapast í kringum mín skrif en
þegar ég vann hinar tvær bækurnar mínar
dvaldi ég á tímabili á heilsuhælinu í Hvera-
gerði,“ segir Þorbjörg Marinósdóttir, kynn-
ingarfulltrúi og rithöfundur, en hún er
þessa dagana í eins konar fríi og vinnuferð
í Hveragerði.
Tobba, eins og hún er kölluð, ætlar að
dveljast á heilsuhælinu í viku en á milli
þess að liggja í gufu og fara í nudd leggur
hún drög að sinni þriðju bók, Makalaus 2.
„Ég vil byrja strax að skrifa því persónurn-
ar í bókinni eru ferskar í hausnum á mér
núna. Ég er nýbúin að fara yfir handritið
að sjónvarpsþáttunum og var því farið að
klæja í puttana að demba mér í næstu bók,“
segir Tobba og bætir því við að bókin muni
líklega gerast að hluta til í Hveragerði,
jafnvel á heilsuhælinu. „Ég var að fá fregn-
ir af því að heilsuhælið væri uppspretta
margra ástarsambanda og í rauninni falin
perla fyrir deitmenninguna. Ég ætla að
rannsaka hvort eitthvað sé til í því.“
Tobba á rætur sínar að rekja til heilsu-
hælisins í Hveragerði en langalangalang-
afi hennar átti þátt í að stofna það á sínum
tíma. „Þetta er yndislegur staður og full-
kominn ef maður vill vera í ró og næði. Við
fjölskyldan höfum farið þangað á hverjum
sunnudegi og borðað grænmetishádegis-
mat,“ segir Tobba að lokum, spennt yfir að
ná loksins að slaka á eftir annasamt ár.
- áp
Tobba komin á heilsuhælið í Hveragerði
SLAKAR Á Í HVERAGERÐI Tobba Marinós er þessa
dagana í Hveragerði þar sem hún fer í nudd og byrjar
að skrifa Makalaus 2.
Sambíóin stefna á að opna nýtt kvikmyndahús í Egils-
höll hinn 4. nóvember. Um hundrað iðnaðarmenn eru
nú að störfum við að gera allt klárt en kvikmyndahús-
ið mun skarta einu stærsta breiðtjaldi Evrópu.
„Við vorum bara nokkrum vikum frá opnun árið
2008. En þá fór allt á hliðina og þetta var sett í frost.
Nú stefnum við á 4. nóvember,“ segir Björn Árnason
hjá Samfilm. Hugmynd sem kviknaði hjá honum
fyrir sjö árum er nú loks að verða að veruleika; kvik-
myndahús í Grafarvogi. „Þetta er 41 þúsund manna
svæði með Kjalarnesinu, Mosfellsbæ og Grafarvog-
inum. Markaðurinn er því fyrir hendi,“ segir Björn.
Yfir aðalsjoppunni verður strengdur hátt í fimm-
tíu metra langur borði með myndum af kvikmynda-
stjörnum, bæði íslenskum og erlendum.
Þegar leiðin liggur inn í aðalbíósal kvikmynda-
hússins er ljóst að þar hefur ekkert verið til sparað.
„Upphaflega átti salurinn að vera með fjögur hundr-
uð sætum. En við ákváðum að fórna nokkrum stól-
um fyrir aðeins meira pláss,“ segir Björn og bætir
við að allir stólarnir séu stakir og úr leðurlíki. Hins
vegar er stjarna salarins án nokkurs vafa breiðtjald-
ið í stóra salnum. Það er tuttugu metrar að lengd
og að sögn Björns er það því stærsta breiðtjaldið á
Íslandi og þótt víðar væri leitað. Stóru hasarmynd-
irnar frá Hollywood fá því að njóta sín. „Við ætluðum
að hafa Bond-myndina Quantum of Solace sem opn-
unarmyndina 2008. En nú verður það Due Date með
Robert Downey Jr. og Zach Galifianakis úr The
Hangover.“ - fgg
Stærsta breiðtjald landsins
GLÆSILEGT Björn í
aðalsalnum þar sem
kvikmyndum verður
varpað á stærsta breið-
tjald landsins. Allir stól-
ar verða stakir og því
leikur aldrei neinn vafi
á því hver á hvaða gos
og hvaða popppoka.
FRÉTTABLAÐIÐ/VILHELM
„Ég bjóst ekki beint við því að
lagið mundi slá í gegn en var að
vonast eftir því að það fengi spil-
un. Svo var bara flaggað heima
þegar það heyrðist fyrst í útvarp-
inu,“ segir Bjarki Lár, fimmtán ára
strákur frá Hafnarfirði sem hefur
slegið í gegn með lagið Bara þú.
Lagið er samið af tónlistarmann-
inum Friðriki Dór en um tuttugu
þúsund manns hafa horft á mynd-
bandið á Youtube. Einnig er það
byrjað að heyrast á útvarpsstöðv-
unum FM957 og Kananum.
„Lagið er búið að fá mjög góðar
viðtökur og ég er glaður að Frið-
rik Dór samdi fyrir mig lagið. Svo
voru það strákarnir í Red Light
sem útsettu það. Það er búinn að
vera einhver misskilningur um að
ég hafi keypt lagið en svo er ekki.
Friðrik hafði bara trú á mér og
vildi semja fyrir mig lag,“ segir
Bjarki Lár, sem er farinn að finna
fyrir frægðinni en um 1.100 manns
hafa „like-að“ við aðdáendasíðu
hans á Facebook.
Söngur og útlit Bjarka minnir
óneitanlega á eina vinsælustu
poppstjörnu í heiminum í dag,
ungstirnið Justin Bieber. „Já,
þetta hef ég heyrt oft áður. Ég tek
því sem hrósi enda er Justin Bie-
ber frábær tónlistarmaður sem
gerir flott lög að mínu mati,“ segir
Bjarki Lár hress en hann hefur
orðið var fylgifiska frægðarinn-
ar. „Ég er farinn að finna fyrir
því að fólk þekkir mig úti á götu
og svo hrúgast vinabeiðnirnar inn
á Facebook, sem getur verið þreyt-
andi,“ segir Bjarki Lár en hann
stefnir ótrauður áfram í tónlistar-
bransanum.
Hann hefur sungið frá því hann
man eftir sér og er að læra meira
á því sviði. „Ég er að læra söng
BJARKI LÁR: FINNUR FYRIR FRÆGÐINNI EFTIR VINSÆLDIR BARA ÞÚ
Tek því sem hrósi þegar
mér er líkt við Justin Bieber
Justin Bieber er fæddur 1994 og er frá Kanada. Hann var uppgötvaður
árið 2008 eftir að hafa sett myndbönd af sér að syngja á netið. Núna er
drengurinn heimsfrægur og fyrsta plata hans, My World, fór í platínusölu
í Bandaríkjunum. Í kjölfarið varð Bieber fyrsti tónlistarmaðurinn til að ná
sjö lögum inn á Billboard Topp 100 listann á sama tima. Vinsælasta lag
kappans er án efa lagið Baby, sem kom út í
janúar á þessu ári.
HINN ÍSLENSKI
BIEBER Bjarki
Lár hefur slegið
í gegn á Netinu
með lagið Bara
þú og tekur lík-
ingunni við Justin
Bieber vel.
HEIMSFRÆGUR STRÁKLINGURINN
Suðurlandsbraut 20, Reykjavík | Sími 588 0200 | www.eirvik.is
Sparaðu með Miele
Kynntu þér málið hjá sölumönnum Eirvíkur
Íslenskt stjórnborð - Stórt hurðarop
Íslenskar leiðbeiningar - 20 ára ending
Miele þvottavélar hafa verið framleiddar í yfir hundrað ár.
Miele þvottavélar og þurrkarar eru framleidd til að endast.
Fimm rétta
Diwali hátíðarseðill
alla daga
4.990 kr.
Hátíð ljóssins hjá
Austur-Indíafjelaginu
Indverjum duga ekki færri en fimm dagar til að
halda upp á hátíð ljóssins, Diwali, sem nú á hug
þeirra og hjörtu. Við hjá Austur-Indíafjelaginu
viljum færa örlitla birtu inn í byrjun vetrar og
bjóðum því upp á sérstakan fimm rétta Diwali-
hátíðarmatseðil í október á afar góðu verði:
4.990 kr. alla daga.
Borðapantanir í síma 552 1630
Sjá matseðil á austurindia.is.
www.austurindia.is
hjá Sönglist í Borgarleikhúsinu og
var valinn ásamt nokkrum öðrum
til að syngja inn lög á disk sem
kemur út fyrir jólin. Það er mjög
spennandi að fá að syngja inn á
disk sem verður gefin út,“ segir
Bjarki en hann er þessa dagana
að skoða hvort hægt sé að gefa út
lagið Bara þú. „Ég veit ekki alveg
hvernig málin standa en núna er
hægt að hlusta á lagið á netinu og
í útvarpinu.“ alfrun@frettabladid.is