Fréttablaðið - 19.10.2010, Qupperneq 10

10 19. október 2010 ÞRIÐJUDAGUR
E
N
N
E
M
M
/
S
ÍA
/
N
M
4
3
7
5
5
Kínversk fræði við HÁSKÓLA ÍSLANDS
konfusius@hi.is | www.konfusius.hi.is
Konfúsíusarstofnunin Norðurljós sýnir ...
Stofnun lýðveldis
[建國大業] (2009)
Askja st. 132, fimmtudagur 21. október,
kl. 17:30
Stórmyndin Stofnun lýðveldis var
framleidd í tilefni 60 ára afmælis
stofnunar Alþýðulýðveldisins Kína og
segir frá atburðum hinnar afdrifaríku
borgarastyrjaldar á árunum 1945-1949.
Myndin er almennt talin vera
fordómalaus, sanngjörn og laus við
áróður.
Sýningin er öllum opin og
án endurgjalds.
Sýningartími 140 mín.
SJÁVARÚTVEGUR HB Grandi hefur ákveðið að
senda Ingunni AK til veiða á íslenskri sumar-
gotssíld og tók skipið nót í Reykjavíkurhöfn
í gær. Mikil óvissa hefur verið um það hvort
ástand síldarstofnsins væri með þeim hætti að
kvóti yrði gefinn út á þessu hausti, en eins og
kunnugt er greindist sýking í stofninum.
Samkvæmt ákvörðun sjávarútvegsráðherra
hefur hins vegar verið gefinn út fimmtán þús-
und tonna byrjunarkvóti. Hlutur Granda er
um 1.800 tonn, eins og kemur fram á heima-
síðu fyrirtækisins.
Að sögn Vilhjálms Vilhjálmssonar, deildar-
stjóra uppsjávarsviðs HB Granda, var ákveð-
ið að senda Ingunni til veiða á íslensku sumar-
gotssíldinni, þar sem veðurspáin er óhagstæð
fyrir austan landið þar sem skip HB Granda
hafa stundað veiðar á norsk-íslensku síldinni.
Spáin fyrir vestanvert landið er hins vegar hag-
stæð en vitað er til þess að töluvert magn af
íslensku sumargotssíld heldur sig inni á Breiða-
firði um þessar mundir.
Alls eiga skip HB Granda nú óveidd um 1.400
tonn af norsk-íslenska síldarkvótanum, en sífellt
erfiðara er að sækja aflann. Að sögn Vilhjálms
mun framvinda mála næstu daga skera úr um
það hvort veiðunum verður haldið áfram eða
hvort eftirstöðvar kvótans verða færðar yfir á
næsta ár. - shá
Töluvert magn af síld er komið inn á Breiðafjörð og veiðar að hefjast:
Grandi byrjar síldveiðarnar í Breiðafirði
INGUNN AK Var í Reykjavíkurhöfn í gær að taka nót um
borð. Stefnan er sett á Breiðafjörð til veiða á íslenskri
sumargotssíld.
EFNAHAGSMÁL Með fyrirkomulagi
sem eykur gagnsæi og aga í ríkis-
fjármálum má koma í veg fyrir að
sú erfiða staða sem ríkissjóður er
nú í endurtaki sig. Þetta kemur
fram í áliti Viðskiptaráðs Íslands.
Í álitinu kallar Viðskiptaráð eftir
því að trúverðugleiki fjárlaga-
ramma ríkisins verði efldur með
innleiðingu bindandi útgjaldaþaks
fyrir hvert ráðuneyti yfir heilt
kjörtímabil. Með slíku fyrirkomu-
lagi er sagt að draga myndi úr pól-
itískum þrýstingi á aukin útgjöld,
óháð árferði í efnahagsmálum.
Þar segir að rík tilhneiging sé til
þess að auka útgjöld í góðæri. Það
kalli á niðurskurð þegar verr ári.
Þessi stefna ýki hagsveiflur.
„Hugmyndir um hvort ráðast
eigi í niðurskurð eða skattahækk-
anir munu ætíð vera grundvöllur
skoðanaskipta í þjóðfélaginu og
skal engan undra að svo sé enda
hafa báðar aðgerðir neikvæð áhrif
á ólíka hagsmuni tiltekinna hópa.
Ágreiningur um hvort áhersla eigi
að vera á tekjuöflun eða útgjalda-
stjórnun ætti þó almennt ekki að
koma í veg fyrir samstöðu á öðrum
sviðum,“ segir í álitinu. - óká
Á TRÖPPUM STJÓRNARRÁÐSINS Í nýju áliti kemur fram að níutíu prósent forsvarsmanna
ríkisstofnana eru hlynnt áætlanagerð til lengri tíma. FRÉTTABLAÐIÐ/GVA
Viðskiptaráð Íslands vill að fjárlagagerð ríkisins verði styrkt með útgjaldaþaki:
Vilja farsælli úrlausn til langs tíma
GENGIÐ Á FLOTBJÁLKA Eitt skemmti-
atriða á hverfishátíð í Tókýó var hópur
fólks sem sýndi færni sína í því að
ganga á fljótandi trjádrumbum.
NORDICPHOTOS/AFP