Fréttablaðið - 19.10.2010, Side 11

ÞRIÐJUDAGUR 19. október 2010 11
FRÉTTASKÝRING
Hefði meirihlutinn í borginni átt að
auglýsa starf skrifstofustjóra borgar-
stjóra laust til umsóknar þegar starfinu
var breytt verulega?
Skipulagsbreytingar sem gerðar
voru hjá Reykjavíkurborg nýverið
eru fráleitt óumdeildar. Í þeim fólst
að hlutverk skrifstofustjóra borgar-
stjóra breyttist umtalsvert, og varð
skrifstofustjóri að nokkurs konar
staðgengli borgarstjóra.
Þrátt fyrir að verulegar breyt-
ingar hafi verið gerðar á starfssviði
skrifstofustjórans ákvað meirihlut-
inn að auglýsa starfið ekki laust til
umsóknar. Þetta gagnrýndu borg-
arfulltrúar minnihlutans harðlega.
Þeir telja að hér sé raunverulega um
að ræða nýtt starf sem búið sé til, og
þar með að eðlilegt væri að auglýsa
það laust til umsóknar.
Því hafa borgarfulltrúar meiri-
hluta Besta flokksins og Samfylk-
ingarinnar mótmælt. Þeir segja
að með þessu sé skrifstofustjór-
anum tímabundið falið það verk-
stjórnarhlutverk fyrir hönd borg-
arstjóra sem borgarritari hafi áður
farið með. Trausti Fannar Valsson,
lektor í stjórnsýslurétti við laga-
deild Háskóla Íslands, segir að
almennt auglýsi sveitarfélög stöð-
ur sem losni, séu þær ekki beinlínis
pólitískar í eðli sínu, eins og gildi
um pólitíska aðstoðarmenn. Það sé
þó ekki vegna kvaða í lögum, eins
og gildir um ríkið, heldur vegna
ákvæða í kjarasamningum og sam-
þykktum sveitarfélaga um að aug-
lýsa skuli laus störf. Ekki er alltaf
auðvelt að segja til um hvort breyt-
ingar á starfi leiði af sér að Reykja-
víkurborg eigi að auglýsa starfið
laust til umsóknar, segir Trausti.
„Almennt má segja að það megi
ganga töluvert langt í skipulags-
breytingum, og í því að færa menn
milli starfa hjá sama stjórnvaldi,“
segir Trausti. Hann segir þó vara-
samt þegar slíkar breytingar séu
gerðar til málamynda, til að komast
hjá því að auglýsa störfin. „Ef starfi
er breytt mikið er í raun verið að búa
til nýtt starf, og þar með fara fram-
hjá auglýsingaskyldunni.“ Engin
bein regla sé um þetta hjá sveitar-
félögum, og í málum af þessu tagi
sé því alltaf grátt svæði. Hann tekur
fram að hann hafi ekki kynnt sér
hvaða breytingar hafi verið gerð-
ar á starfi skrifstofustjórans. Því
vildi hann ekki tjá sig um hvort þær
breytingar væru svo viðamiklar að
auglýsa þyrfti starfið.
Það er þó ekki aðeins starf skrif-
stofustjóra borgarstjóra sem tekið
hefur breytingum. Óumdeilanlega
hefur starf Jóns Gnarr borgar-
stjóra einnig breyst verulega, þar
sem skrifstofustjórinn kemur inn
á milli borgarstjóra og yfirmanna
hjá sviðum borgarinnar á skipurit-
inu. Minnihluti Sjálfstæðisflokks
og Vinstri grænna hefur bent á
þetta. Fulltrúar minnihlutans hafa
sagt þessar breytingar vekja upp
spurningar um hvort borgarstjóri
sé að víkja sér undan starfsskyld-
um sínum. Því hafa fulltrúar meiri-
hlutans hafnað.
Þó að óljóst sé hvort auglýsa hafi
átt starf skrifstofustjórans eru vænt-
anlega allir sammála um að ekki
þurfi að auglýsa starf borgarstjór-
ans laust til umsóknar þrátt fyrir
breytingar sem verða á starfi hans
með breyttu hlutverki skrifstofu-
stjórans. brjann@frettabladid.is
Ráðning skrifstofu-
stjóra á gráu svæði
Óljóst er hvort auglýsa hefði átt starf skrifstofustjóra borgarstjóra þegar starf-
inu var breytt verulega á dögunum. Almennt má ganga langt í skipulagsbreyt-
ingum án þess að auglýsa, segir lektor í stjórnsýslurétti við Háskóla Íslands.
SKYLDUR Breytingar á starfi skrifstofu-
stjóra borgarstjóra vekja að mati minni-
hlutans spurningar um hvort borgarstjóri
sé að víkja sér undan starfsskyldum
sínum. FRÉTTABLAÐIÐ/GVA
Segja má að með breytingum sem meirihlutinn í Reykjavíkurborg hefur gert
á starfi skrifstofustjóra borgarstjóra sé embætti borgarritara vakið upp að
nýju. Það var lagt niður í nóvember 2007 af þáverandi meirihluta.
Eftir breytingarnar er skrifstofustjórinn æðsti embættismaðurinn í
stjórnkerfinu, að borgarstjóra undanskildum. Undir hann heyra sviðsstjórar
borgarinnar og aðrir yfirmenn í borgarkerfinu sem áður heyrðu beint undir
borgarstjóra.
Skrifstofustjórinn tekur þar með við ákveðnu verkstjórnarhlutverki
borgarstjóra, eins og segir í greinargerð með tillögu meirihlutans sem var
samþykkt í síðustu viku. Meirihlutinn hefur vísað til þess að fyrir dyrum sé
umfangsmikil skoðun á stjórnkerfi borgarinnar. Vinna við það muni lenda að
miklu leyti á herðum skrifstofustjórans.
Breytingarnar eru tímabundnar og munu gilda í eitt ár. Ekki þótti rétt að
festa stöðuna betur í sessi, þar sem endurskoðun á stjórnkerfinu stendur
fyrir dyrum og rétt þykir að sjá þær áherslur sem þar komi fram áður en
ákveðið verði hvort þessu fyrirkomulagi verði við haldið.
Uppvakningur borgarritarans
Á siminn.is sérðu hvort þitt heimili hefur aðgang að Sjónvarpi Símans.
Til að ná Sjónvarpi Símans þarf að hafa ADSL tengingu hjá Símanum.
Mesta úrval landsins
heima í stofu
Það er
Fyrir aðeins 790 kr. á mánuði færðu opnu, íslensku stöðvarnar og þrjár
erlendar. Einnig færðu SkjáBíó þar sem þú getur leigt þér þúsundir bíómynda
og auk þess séð sjónvarpsþætti og úrval efnis á 0 kr.
Fáðu þér Sjónvarp Símans í 800 700, siminn.is eða í næstu verslun.

Sjónvarp Símans:
Sími
Netið
Sjónvarp
þurrkar hendur vel á
10 sekúndum. Notar
80% minni orku en
hefðbundnir hand-
þurrkublásarar.
Loftblástur síaður
með HEPA-filter sem
fjarlægir meira en
99,9% af bakteríum
úr blæstrinum.
handþurrkublásari
www.tandur.is