Fréttablaðið - 19.10.2010, Blaðsíða 19

bílar
ÞRIÐJUDAGUR 19. OKTÓBER 2010
Veðurguðirnir brostu á jeppaferð fjöl-
skyldunnar síðastliðinn laugardag.
Rétt um níutíu jeppar tóku þátt í jeppaferð fjöl-
skyldunnar, sem Bílabúð Benna stóð fyrir síð-
astliðinn laugardag í einmunablíðu. Ferðin
þótti vel heppnuð í alla staði og reyndi passlega
mikið bæði á bíla og menn. Þá vildi svo vel til
að einhver heitasti októberdagur sögunnar var
á Suðurlandi þennan dag. Safnast var saman
við Vagnhöfða í Reykjavík klukkan hálf níu að
morgni og svo brunað um Þingvöll yfir á Laugar-
vatn. Lagt var í torfæruna við Miðfell og ekið
upp að Gullkistu, þaðan sem haldið var í norður
og niður á Rótarsand að Hlöðufelli og svo yfir í
Lambahraun með raflínuvegi til vesturs.
Línuveginum var fylgt að Mosafjalli og slegið
upp grilli og borðað undir harmonikkuspili. Þá
var einn ferðalangur svo heppinn að vinna glæ-
nýjan Nokia-farsíma í boði Hátækni, sem auk
Skeljungs og fleiri fyrirtækja styrkti ferðina.
Að borðhaldi og slökun lokinni var haldið
niður Mosaskarð yfir á Haukadalsheiði og í
gegnum skógræktina niður í Haukadal, þar sem
ferðafólk kvaddist við Geysi.
Ferðir sem þessi eru árviss viðburður hjá
eigendum jeppa sem ættir eiga að rekja til
Bílabúðar Benna og var í upphafi farar ekki
að heyra að menn kviðu fyrir því að stýra hátt í
hundrað jeppum í svona ferð. Benedikt Eyjólfs-
son, stofnandi Bílabúðar Benna, rifjaði upp að
einhvern tíman hefðu verið 850 jeppar á ferð
þegar 4x4 klúbburinn átti afmæli. „Og fyrst
okkur tókst að komast vel frá þessari ferð hlýt-
ur að ganga vel núna,“ sagði hann og reyndist
sannspár. - óká
Ferðalangar í jeppaferð fjölskyldunnar með Bílabúð Benna voru með eindæmum heppnir með veður síðasta laugardag, en þá var slegið hitamet í október á Suðurlandi. FRÉTTABLAÐIÐ/ÓKÁ
Jón Kr. Stefánsson, sölustjóri hjá Bílabúð Benna, spallar við
ferðalanga undir Mosfjalli. FRÉTTABLAÐIÐ/ÓKÁ
Nær hundrað bílar í árvissri ferð
Sex starfsmenn íslenska fyrir-
tækisins Arctic Trucks eru nú við
störf í Suður-Afríku við breytingar
á sex Toyota Hilux jeppum. Áður
hafði fyrirtækið breytt tveimur
jeppum hér heima og sérsmíðað
allan aukabúnað í þá sex sem nú
er unnið við í Suður-Afríku. Bíl-
arnir verða síðan fluttir til Suður-
skautslandsins, þar sem þeir munu
sinna margþættum verkefnum á
komandi árum.
Gunnar Haraldsson, sölu- og
markaðsstjóri Arctic Trucks, segir
jeppana ná margföldum hraða á
við beltatækin sem hingað til hafa
verið notuð, auk þess sem þeir
þurfi minna eldsneyti og viðhald
og komist lengra.
Fyrsti leiðangur nýju bílanna
verður farinn í byrjun nóvem-
ber og fara þaulreyndir íslenskir
fjallamenn með í þá ferð. Áætlað
er að um tuttugu starfsmenn Arc-
tic Trucks komi að verkefninu með
einum eða öðrum hætti. - fsb
Íslenskir jeppar
á Suðurskautinu
Frá og með fyrstu viku nóvember verða
tólf pólarjeppar frá Arctic Trucks á
Suðurskautslandinu.
Sex starfsmenn Arctic Trucks vinna
nú í Jóhannesarborg við breytingar á
jeppunum.
Gamalt gert upp
Bílaverkstæði Kjartans
og Þorgeirs sérhæfir sig í
viðgerðum á fornbílum.
SÍÐA 2
Úr tísku í trukka
Tískuljósmyndarinn
Roger Snider heldur
upp á ofurtrukka.
SÍÐA 3