Fréttablaðið - 19.10.2010, Qupperneq 23
ÞRIÐJUDAGUR 19. október 2010 5
Hvað á ég að borða?
Þessari spurningu
þurfum við að svara á
hverjum degi og vefst
gjarnan tunga um
tönn. Í handbókinni
Mataræði gæti verið
einhver svör að
finna.
Mataræði, hand-
bók um hollustu
er titill bókar eftir
Michael Pollan,
sem á baki bók-
arinnar er sagður
baráttumaður fyrir
hollu mataræði.
Þetta er fimmta
bók hans en fyrir
nokkrum árum sökkti hann sér í
rannsóknir á mat og matarvenjum
í leit að svari við einfaldri spurn-
ingu: Hvað á ég að borða?
Bókin er byggð
upp á þægilegan
lesmáta en í henni
er að finna 64 regl-
ur eða heilræði um
mataræði. Heilræð-
in eru flest samin af
Pollan sjálfum, sem
segir að líta eigi á þau
sem hugmyndir til að
einfalda matarmenn-
ingu okkar.
Dæmi um heilræði
í bókinni eru: „Ekki
borða morgunkorn sem
breytir litnum á mjólk-
inni,“ og „Forðastu mat-
væli sem innihalda efni
sem engin venjuleg
manneskja á í búrskápn-
um,“ en þar er vísað til
rotvarnarefna ýmiss
konar sem finna má í
matvælum og bera nöfn eins og
etoxýlat-tvíglýseríð. Síðasta heil-
ræðið er síðan: „Brjóttu reglurnar
við og við.“ - rat
Brjóttu reglurnar
Mataræði, bók um
hollustu eftir Michael Pollan,
inniheldur 64 reglur um
mataræði.
„Starfsemin er fyrir konur sem
þurfa stuðning við að bæta lífs-
stílinn og skapa jákvætt hugarfar.
Við einblínum ekkert á kílóin og
hér eru konur með fjölbreytt vaxt-
arlag. Þær mæta fjórum sinnum í
viku í fjölbreyttar æfingar, sund-
leikfimi, teygjutíma og blandaða
brennslu.“
Þannig lýsir Elísa Berglind leið-
beinandi því sem fram fer í tímum
Rósanna í Mecca Spa við Nýbýla-
veg. Hún segir þær vera með
matarklúbb sem hittist einu sinni
í mánuði. Þá taka þrjár til fjórar
konur sig saman og elda eitthvað
hollt og gott heima hjá einni þeirra
og bjóða svo hinum í hópnum.
„Inntakið í okkar matarstefnu er
að neyta flestra fæðutegunda, fá
sér einu sinni á diskinn, borða
reglulega yfir daginn og aldrei
sleppa úr máltíð,“ segir Elísa
Berglind og gefur lesendum upp-
skrift að léttum og ljúffengum
rétti.
- jma, gun
Kjúklingur, grænmeti,
salsa og létt dressing
Rósirnar eru hópur kvenna sem hittist í Mecca Spa á Nýbýlavegi og setur eigin vellíðan, hreyfingu og hollt
mataræði í fyrsta sæti. Elísa Berglind Sigurjónsdóttir er önnur tveggja sem halda utan um starfsemina.
Elísa Berglind er leiðbeinandi Rósanna í Mecca Spa. FRÉTTABLAÐIÐ/ANTON
3 kjúklingabringur
oregano
rósmarín
grænmetiskrydd
sveppir
rifinn ostur
2 tsk. chili olía
ólífuolía
grænmeti, t.d. grasker, laukur, sveppir,
paprika, gulrætur, brokkolí, blómkál – bara
eftir smekk og hugmyndaflugi.
Hvítlauksolía til steikingar.
Hitið olíurnar á pönnu. Skerið kjúkl-
ingabringurnar í tvennt, kryddið og
steikið. Skerið sveppina í sneiðar og
steikið með kjúklingnum. Grænmet-
ið er steikt á pönnu og sett í eldfast
mót. Kjúklingnum raðað ofan á og
smá rifinn ostur settur á hverja bringu
ásamt steiktum sveppum. Bakað í ofni
í um það bil 30 mínútur. Notið ferskt
iceberg, tómata og balsamik til að
skreyta diskinn.
Í þennan rétt má einnig nota fisk.
salsasósa
3 tómatar
1-2 chili
3 stk. hvítlauksgeirar
2 rauðlaukur
1 paprika
3–4 msk. ferskt kóríander (má vera malað
en þá þarf aðeins minna)
1/4 tsk. cummin
safi úr 1 sítrónu
1/2 sjávarsalt
2 tsk. sæt chili-sósa
Skerið allt smátt og blandið saman.
Kælið sósuna í ísskáp í tvo tíma áður
en hún er borin fram.
agúrkudressing
3 dl grísk jógúrt
1 dl vanilluskyr (má sleppa)
1/2 agúrka
1-2 msk. límónu- eða sítrónusafi
Hrærið jógúrt, skyr og safa saman.
Skerið agúrkuna smátt og setjið út í.
KJÚKLINGUR, GRÆNMETI, SALSA OG LÉTT DRESSING
fyrir 2-3
10,6 grömm af kolvetnum (sykri) eru í hverjum 100
millilítrum af sykruðu kóki. Það þýðir að í hálfum lítra
eru um 53 grömm af sykri. Í tveggja
lítra flösku er sykurmagnið um 212
grömm. Ef þessu er breytt í sykur-
mola má segja að rúmlega 26 syk-
urmolar séu í hálfum lítra af kóki og
106 sykurmolar í tveggja lítra flösku. Sá sem drekkur
hálfan lítra af kóki á dag hvern einasta dag vikunn-
ar allan ársins hring fær með gosdrykkjunni einni
saman rúmlega eitt og hálft kíló af sykri á mánuði,
sem eru rúmlega nítján kíló á ári.
visindavefur.hi.is
Kristín Ólafsdóttir er margfaldur Íslands- og bikar meistari í frjálsum.
Mark Johnson er bikarmeistari í stangarstökki og í hópi 15 bestu stanga-
stökkvara í Bandaríkjunum. Þau stefna bæði á ÓL 2012.