Fréttablaðið - 19.10.2010, Side 34

19. október 2010 ÞRIÐJUDAGUR22
sport@frettabladid.is
FÓTBOLTI KR-ingar eru farnir að
huga að næsta sumri. Einhverj-
ar breytingar verða á leikmanna-
hópi liðsins en meðal annars vant-
ar nýjan markvörð. Hannes Þór
Halldórsson, markvörður Fram,
er sterklega orðaður við félagið
en Lars Ivar Moldsked kemur ekki
aftur næsta sumar.
Svo er óvissa með framtíð Hol-
lendingsins Mark Rutgers hjá
félaginu. Samkvæmt heimildum
Fréttablaðsins sagði KR upp
launalið samningsins við Rutgers
og reyndi að fá Daníel Laxdal frá
Stjörnunni. Það gekk ekki eftir,
þar sem Stjarnan vildi ekki selja
fyrirliðann sinn.
Þó svo að Rutgers þurfi að endur-
semja við KR hefur hann áhuga á
að spila áfram með liðinu. Við-
ræður um nýjan samning standa
yfir og ættu þau mál að skýrast á
næstu dögum.
KR er einnig eitt þeirra félaga
sem hafa áhuga á að fá Hólmar
Örn Rúnarsson. FH hefur einnig
áhuga og svo vill Keflavík að sjálf-
sögðu halda honum. Hólmar sagði
við Fréttablaðið í gær að hann ætl-
aði sér að skoða möguleika erlend-
is áður en hann semdi við lið á
Íslandi.
Hann sagði það ekki vera
sjálfgefið að hann yrði áfram í
Keflavík. - hbg
Óvissa með framtíð Marks Rutgers hjá KR:
Stjarnan vildi ekki
selja Daníel til KR
EKKI TIL SÖLU Daníel Laxdal er ekki til sölu og KR fékk ekki að kaupa hann. Daníel á
eitt ár eftir af samningi sínum við Stjörnuna. FRÉTTABLAÐIÐ/ANTON
FÓTBOLTI Sir Alex Ferguson, stjóri
Manchester Utd, er harður í horn
að taka og hefur alla tíð verið
óhræddur við að taka á stjörnum
liðsins. Þannig hafa leikmenn á
borð við David Beckham og Jaap
Stam verið seldir frá félaginu
eftir að þeir lentu upp á kant við
stjórann.
Sagan gæti verið að endurtaka
sig eina ferðina enn því hermt var
í breskum fjölmiðlum í gær að
Wayne Rooney hefði farið fram á
að vera seldur frá félaginu. Man.
Utd var fljótt að senda frá sér yfir-
lýsingu í kjölfarið þar sem félagið
þvertók fyrir þann möguleika að
selja leikmanninn í janúar.
Staðan er mjög viðkvæm enda
á Rooney rúmlega eitt og hálft ár
eftir af samningi sínum við félag-
ið. Viðræður um nýjan samning
eru ekki lengur í gangi og Rooney
vill ekki semja.
Verði ekki samið við Rooney
þarf United að selja hann í janúar
eða næsta sumar. Annars mun
félagið missa hann án þess að fá
pund fyrir.
Samband Rooney og Sir Alex
Ferguson, stjóra félagsins, er víst
orðið mjög stirt. Ferguson hélt því
fram um daginn að Rooney gæti
ekki spilað vegna ökklameiðsla en
Rooney upplýsti síðar að það væri
nákvæmlega ekkert að honum.
Hann gæti vel spilað.
Ferguson henti honum í kjölfarið
á bekkinn um helgina gegn WBA.
Talið er að þeir hafi rifist heiftar-
lega og Rooney sé búinn að fá nóg.
Hann vilji fara.
Síðustu mánuðir hafa ekki verið
góðir fyrir Rooney. Hann olli
gríðarlegum vonbrigðum á HM
eftir að hafa átt ótrúlegt tímabil
með United.
Síðan komst upp að hann hefði
keypt sér þjónustu vændiskvenna og
ofan á allt hefur hann ekkert getað á
fótboltavellinum síðustu vikur.
Það yrði gríðarlegt áfall fyrir
United að missa Rooney, enda
var það hans hlutverk að leiða
liðið eftir að það seldi Cristiano
Ronaldo til Real Madrid fyrir
metfé.
Það er þó ekki á vísan að róa
þegar Ferguson er annars vegar.
Það geta David Beckham, Jaap
Stam, Paul Ince og Ruud van
Nistelrooy vitnað um.
henry@frettabladid.is
BÚIÐ SPIL? Það mun reyna á forráðamenn Man. Utd að bera klæði á vopnin hjá
Rooney og Ferguson næstu daga. Mikið er í húfi. NORDIC PHOTOS/GETTY
Aðalfundur
Knattspyrnudeildar Fylkis 2010
Aðalfundur Knattspyrnudeildar Fylkis verður haldinn í
Fylkishöll þriðjudaginn 2. nóvember 2010 kl. 20.30.
Dagskrá;
1. Venjuleg aðalfundarstörf
2. Önnur mál
Stjórn Knattspyrnudeildar Fylkis.
FÓTBOLTI Þriðja umferð Meistara-
deildar Evrópu hefst í kvöld í riðl-
um E til H en stórleikur kvölds-
ins verður spilaður á Santiago
Bernabéu í Madríd þar sem
Real Madrid tekur á móti AC
Milan.
Real Madrid hefur unnið
tvo fyrstu leiki sína í Meist-
aradeildinni og vann 4-1
sigur á Malaga í spænsku
deildinni um síðustu helgi.
„Þetta er einn af leikjun-
um sem allir leikmenn
vilja spila og allir fótbolta-
áhugamenn vilja sjá,“ sagði
Iker Casillas, fyrirliði og
markvörður Real (til hægri).
„Þetta er fyrsti alvöru leik-
urinn okkar á tímabilinu,“
sagði Casillas, en AC Milan er
tveimur stigum á eftir Real.
Arsenal fær góðan kunn-
ingja í heimsókn á Emirates
þegar toppliðin í H-riðlinum
mætast. Eduardo da Silva snýr
þá aftur aðeins þremur mán-
uðum eftir að Arsenal seldi
hann til Shakhtar Donetsk. „Áður
en það var dregið í riðlana var
mig farið að dreyma um að fá að
mæta Arsenal og spila fyrir fram-
an stuðningsmennina á Emirat-
es,“ sagði Eduardo, sem hefur
reyndar aðeins spilað í 15 mín-
útur í fyrstu tveimur leikj-
um Shakhtar, sem úkra-
ínska liðið hefur unnið
með markatölunni 4-0.
Chelsea fær að margra
mati fyrsta alvöru prófið
í Meistaradeildinni þegar
liðið heimsækir Spartak
á Luzhniki-leikvanginn í
Moskvu. Bæði liðin hafa
unnið tvo fyrstu leiki sína.
Þetta gæti einnig orðið tæki-
færi fyrir marga leikmenn
Chelsea til að skipta út slæm-
um minningum frá Moskvu,
en þetta er fyrsti leikur Chel-
sea í höfuðborg Rússlands síðan
liðið tapaði í vítakeppni á móti
Manchester United í úrslita-
leik Meistaradeildarinnar
árið 2008. - óój
Þriðja umferð Meistaradeildarinnar hefst í kvöld:
Risaleikur á Bernabéu
Er Rooney næstur undir
öxina hjá Ferguson?
Það var um fátt annað fjallað í breskum miðlum í gær en framtíð Wayne Roon-
ey. Samningaviðræður hans við félagið hafa siglt í strand, hann er lentur upp á
kant við stjórann, Sir Alex Ferguson, og er sagður vilja yfirgefa félagið.
KÖRFUBOLTI Fjölnir vann fyrsta
leikinn sinn undir stjórn Örvars
Þórs Kristjánssonar og Stjörnu-
menn unnu sinn fyrsta sigur frá
upphafi í Keflavík, en ÍR-ingar
misstu hins vegar frá sér fyrsta
sigur sinn í vetur þegar þriðja
umferð Iceland Express-deildar
kláraðist í gær.
Sonur Tómasar Holton, fyrir-
rennara Örvars Þórs Krisjánsson-
ar, nýs þjálfara Fjölnis, var hetjan
í dramatískum 81-80 sigri Fjölnis-
manna á Hamri í Grafarvogi í gær.
Tómas Heiðar Tómasson kláraði
Hamarsliðið á báðum endum
vallarins á æsispennandi lokasek-
úndum leiksins. Hann skoraði fyrst
sigurkörfuna 50 sekúndum fyrir
leikslok og varði síðan lokaskot
leiksins frá Andre Dabney.
Örvar Þór tók við liði Fjölnis af
Tómasi Holton fyrir helgi og það
byrjaði ekki vel því Hamarsmenn
skoruðu að vild í fyrsta leikhlutan-
um og voru sextán stigum yfir við
lok hans, 18-34.
Fjölnisliðið gafst hins vegar ekki
upp og vann sig hægt og rólega inn
í leikinn. Hamar var ellefu stigum
yfir í hálfleik, 41-52, og fimm stig-
um yfir fyrir lokaleikhlutann, 64-
69. Fjölnismenn skoruðu fyrstu
þrjú stig fjórða leikhlutans og
leikurinn var síðan æsispennandi
allan lokaleikhlutann.
Tómas kom Fjölni í 81-80 þegar
40 sekúndur voru eftir og Andre
Dabney fékk síðan tvö tækifæri
til að tryggja Hamri sigur. Fyrst
klikkaði hann á þriggja stiga skoti
en Darri Hilmarsson náði þá sókn-
arfrákastinu. Dabney reyndi að
fara nær körfunni til þess að ná
lokaskotinu en þar beið Tómas,
varði skotið og tryggði Fjölni
fyrsta sigur hans á tímabilinu.
Stjörnumenn unnu sinn annan
sigur í röð þegar liðið vann 78-
69 sigur á Keflavík í Keflavík
þar sem góðir endasprettir Garð-
bæinga í öllum fjórum leikhlutun-
um lögðu grunninn að sigrinum.
Þetta var fyrsti sigur Garðbæinga
í Keflavík en Keflvíkingar töpuðu
þarna sínum öðrum leik í röð.
KFÍ tryggði sér síðan 107-97
sigur á ÍR eftir framlengingu eftir
að staðan var 91-91 í lok fjórða
leikhluta. ÍR var yfir nær allan
leikinn en missti niður átta stiga
forskot á síðustu 93 sekúndunum
og hefur því tapað fyrstu þremur
leikjum tímabilsins. - óój
Sonur Tómasar Holton tryggði Örvari fyrsta sigurinn sem þjálfara Fjölnis:
Dramatískur sigur í fyrsta leik
HETJAN Tómas Heiðar Tómasson verst
hér Ellert Arnarsyni. FRÉTTABLAÐIÐ/VILHELM
Stigahæstir í gær
Fjölnir-Hamar 81-80 (41-52)
Ben Stywall 22 (10 frák.), Ægir Þór
Steinarsson 19 (9 frák./7 stoðs.), Tómas
Heiðar Tómasson 15 - Andre Dabney 29,
Darri Hilmarsson 22, Ellert Arnarson 10.
Keflavík-Stjarnan 69-78 (32-38)
Gunnar Einarsson 18, Hörður Axel
Vilhjálmsson 17, Sigurður Gunnar
Þorsteinsson 16 - Jovan Zdravevski 21 (11
frák.), Marvin Valdimarsson 17.
KFÍ-ÍR 107-97 (37-45, 91-91)
Craig Schoen 32 (7 frák./9 stoðs./9 stoln-
ir), Nebojsa Knezevic 26 - Kelly Biedler
32 (17 frák.), Nemanja Sovic 23, Karolis
Marcinkevicius 13.
ÞÓRUNN HELGA JÓNSDÓTTIR var Suður-Ameríkumeistari með brasilíska liðinu Santos í fyrrinótt en þetta er
annað árið í röð sem hún vinnur þennan eftirsótta titil með félaginu. Santos-liðið vann 1-0 sigur á Everton frá Chile í
úrslitaleiknum og lék Þórunn Helga allan leikinn en sigurmarkið kom beint úr aukaspyrnu á lokamínútu leiksins.