Fréttablaðið - 20.10.2010, Blaðsíða 8
20. október 2010 MIÐVIKUDAGUR
NÝI TÖLVU- OG VIÐSKIPTASKÓLINN – HLÍÐASMÁRA 9 - 201 KÓPAVOGI - 544 4500 - NTV.IS
Helstu námsgreinar:
» Listar, skjalasöfn og sýnir
» Stofnun og viðhald vefja og vefsíðna
» Aðgangsstýringar, notendur og notendahópar
» Aðlögun útlits vefja
» Notkun vefparta
» Stjórnun vefsetra
» Skjalastjórnun
» Verkferli
SHAREPOINT 2010
NOTENDANÁMSKEIÐ
Lengd: 3 dagar
Verð: 147.000.- eða 3 MS leyfisdagar (allt innifalið)
Kennt er 2. til 4. nóvember frá kl. 9-16
Mjög öflugt 3ja daga námskeið fyrir Sharepoint 2010
notendur. Þetta er “hands on” námskeið þar sem nem-
endur fara í gegnum margar krefjandi æfingar undir
handleiðslu kennara sem tryggir að nemendurnir
uppgötvi sjálfir leyndardóma Sharepoint 2010.
Þetta námskeið hentar þeim sem eru að vinna með
SharePoint vefi, lista og skjalasöfn. Góð innsýn er veitt
inn í uppbyggingu SharePoint og hagnýtar aðferðir við
stjórnun efnis eru kenndar.
Kennari á námskeiðinu:
Halldór Kári Hreimsson er Microsoft ráðgjafi sem
hefur starfað hjá Opnum kerfum í 3 ár og er
reyndur fyrirlesari. Halldór hefur sinnt ráðgjöf
og þjónustu hjá mörgum af stærstu fyrirtækjum
landsins og hefur yfirgripsmikla reynslu af
innleiðingu og rekstri SharePoint lausna.
Upplýsingar og skráning:
544 4500 / www.ntv.is
HEILBRIGÐISMÁL Dr. Brigit Toebes,
lagaprófessor og virtur fræði-
maður á sviði heilbrigðisréttar og
alþjóðlegrar mannréttindavernd-
ar, segir fyrirhugaðan niðurskurð
í íslenska heil-
brigðiskerfinu
verða að taka
mið af mann-
réttindum.
Toebes heldur
fyrirlestur á
vegum laga-
deildar Háskól-
ans í Reykjavík
á morgun þar
sem hún ræðir
meðal annars sparnað í heilbrigð-
iskerfinu, hagræðingu og einka-
væðingu og hvernig það tengist
mannréttindum.
Í samtali við Fréttablaðið segir
Toebes að allar hugmyndir um nið-
urskurð og hagræðingu í íslenska
heilbrigðiskerfinu verði að sam-
ræmast þeim alþjóðlegu mann-
réttindasáttmálum sem Ísland sé
aðili að.
„Samkvæmt alþjóðasáttmálum
hefur hver einstaklingur rétt á
heilbrigðisþjónustu,“ segir Toebes.
„Þar sem Ísland er aðili að öllum
þessum samningum hafa lands-
menn lögbundinn rétt til heilsu-
gæslu.“
Hún bætir því við að þó að erfitt
sé að skilgreina nákvæmlega hvað
felist í umræddum rétti sé hægt að
finna þar ýmis lykilatriði.
„Í fyrsta lagi er það landfræði-
leg nálægð, sem felur í sér að
ákveðin lágmarksþjónusta eigi
að standa öllum til boða, einn-
ig á afskekktum svæðum. Önnur
spurning er svo hvers konar þjón-
usta á að vera í boði á staðbundn-
um heilsugæslustöðvum. Um þetta
hefur lengi verið deilt, en það er
sennilega viðunandi að sérhæfð-
ari verkefni séu á höndum stærri
sjúkrahúsanna. Hvað varðar önnur
verkefni er mikilvægt að horfa til
mannréttindasáttmála og hvað
þeir segja um réttindi viðkvæm-
ari hópa.“
Toebes tekur sem dæmi réttindi
barna og fatlaðra þar að lútandi,
en í sáttmála Sameinuðu þjóðanna
um réttindi fatlaðra er skýrt kveð-
ið á um að þjónusta skuli veitt eins
nálægt heimili og mögulegt er.
„Þá er afdráttalaust í kvenna-
sáttmálanum að stjórnvöldum beri
að tryggja konum viðeigandi þjón-
ustu í sambandi við þungun, barns-
burð og tímabilið eftir fæðingu.“
Sú röksemdafærsla hefur ekki
síst verið tiltekin sem rök gegn
skertri sjúkraþjónustu á lands-
byggðinni, en víst er að þó nokkuð
í máli Toebes á vel við í umræð-
unni hérlendis. Fyrirlestur hennar
hefst klukkan 12 og er öllum opinn.
thorgils@frettabladid.is
Heilbrigðisþjónusta
er mannréttindi
Kunn fræðikona í heilbrigðisrétti segir að hagræðing og niðurskurður í heil-
brigðiskerfinu verði að taka tillit til mannréttindasáttmála. Margir hópar eigi
rétt á þjónustu í heimabyggð. Sérhæfðari starfsemi verði þó á stærri stöðum.
DR. BRIGIT TOEBES
SJÚKRAHÚS Dr. Brigit Toebes segir að gæta verði að mannréttindum við niðurskurð í heilbrigðiskerfinu. FRÉTTABLAÐIÐ/VILHELM
DÓMSMÁL Hæstiréttur hefur vísað
frá máli Borgars Þórs Einarssonar
gegn Skattstjóranum í Reykjavík.
Krafist var viðurkenningar á því að
skattstjóra væri óheimilt að leggja
fram til sýnis álagningarskrá þar
sem tilgreindir voru skattar sem
á hann höfðu verið lagðir. Taldi
stefnandi að með þessu væri brot-
ið gegn friðhelgi einkalífs hans.
Málinu var vísað úr héraðsdómi
á síðasta ári á þeim rökum að þrátt
fyrir að tekið yrði tillit til krafna
stefnanda og bannað væri að birta
fjárhæðir einstakra skatta, sem
lög um tekjuskatt taka fram, væri
engu að síður heimilt að birta fjár-
hæð skatta og gjalda samkvæmt
öðrum lögum. Þar með talið er
útsvar, sem heyrir undir lög um
tekjustofna sveitarfélaga, og ætti
að geta gefið jafngóðar upplýsing-
ar um tekjur stefnda og hinar upp-
hæðirnar.
Því taldi Hæstiréttur að kraf-
an veitti ekki úrlausn um réttindi
hans, heldur fæli einungis í sér að
leitað væri álits dómstóla um lög-
fræðilegt efni.
Af slíku hefði stefndi ekki lög-
varða hagsmuni og því hefði verið
óhjákvæmilegt að vísa málinu frá
dómi. Aðilar munu bera hvor sinn
kostnað af málinu. - þj
SKYGGNST Í SKATTANA Borgar Þór
Einarsson mótmælti aðgangi almenn-
ings að álagningarskrám á skrifstofu
skattstjóra fyrir nokkrum árum.
Hæstiréttur Íslands vísar frá dómi kröfu gegn Skattstjóranum í Reykjavík:
Mega sýna álagningarskrár áfram
BRETLAND, AP Breska stjórnin hefur
ákveðið að grípa til sparnaðarað-
gerða í hernaðarmálum, og er það
liður í margboðuðum niðurskurði í
ríkisfjármálum sem stjórnin telur
sig nauðbeygða til að ráðast í.
David Cameron forsætisráð-
herra tók þó fram að ekkert verði
dregið úr þátttöku Breta í hernað-
inum í Afganistan. Heildarfram-
lög ríkisins til hermála verði auk
þess áfram meira en tvö prósent
af þjóðarframleiðslu, eins og Atl-
antshafsbandalagið gerir kröfu
um. Breski herinn verði áfram sá
fjórði stærsti í heimi.
Alls verður hermönnum fækkað
um sautján þúsund og starfsmönn-
um varnarmálaráðuneytisins um
25 þúsund. Þá verður öldnu flug-
móðurskipi lagt og heill floti her-
þotna tekinn úr notkun og smíði
fjögurra nýrra kafbáta verður
frestað til 2016.
Niðurskurðurinn nemur átta
prósentum af heildarútgjöldum til
hermála á fjárlögum næstu fjög-
urra ára.
Cameron skýrði Barack Obama
Bandaríkjaforseta frá þessu sím-
leiðis áður en hann kynnti bresku
þjóðinni áformin. - gb
Forsætisráðherra Bretlands kynnir harkalegan niðurskurð í hermálum:
Ekkert sparað í Afganistan
CAMERON RÆÐIR VIÐ HERMENN David
Cameron, forsætisráðherra Breta, kynnti
niðurskurðinn í gær. NORDICPHOTOS/AFP
Þar sem Ísland er
aðili að öllum þessum
samningum hafa landsmenn
lögbundinn rétt til heilsugæslu.
DR. BRIGIT TOEBES
PRÓFESSOR Í LÖGUM