Fréttablaðið - 20.10.2010, Qupperneq 34
20. október 2010 MIÐVIKUDAGUR26
sport@frettabladid.is
FYRIRLIÐI LEIKNISMANNA , Halldór Kristinn Halldórsson, samdi í gær til þriggja ára við Pepsi-deildar lið Vals.
Halldór er 22 ára miðvörður sem hefur, þrátt fyrir ungan aldur, leikið 125 deildarleiki fyrir Leikni frá árinu 2003. Hann hefur
borið fyrirliðabandið í 59 þessara leikja og bar það fyrst aðeins átján ára gamall. Hann var lykilmaður í vörn Leiknis sem var
hársbreidd frá því að fara upp og fékk aðeins á sig 19 mörk í 22 leikjum í sumar.
Eimskipsbikar karla
HK – Akureyri 29-30 (14-12)
Mörk HK: Ólafur Bjarki Ragnarsson 9, Bjarki
Már Elísson 5/3, Hörður Másson 4, Daníel Berg
Grétarsson 3, Sigurjón F. Björnsson 3, Vilhelm G.
Bergsveinsson 2, Atli Ævar Ingólfsson 2
Varin skot: Björn Ingi Friðþjófsson 14
Mörk Akureyrar: Oddur Grétarsson 10/2, Bjarni
Fritzson 7, Guðmundur Helgason 4, Geir Guð
mundsson 4, Heimir Örn Arnarson 3, Guðlaugur
Arnarsson 1, Hörður Sigþórsson 1.
Varin skot: Sveinbjörn Pétursson 17.
N1 deild kvenna
Fylkir-Fram 18-34 (11-17)
Markahæstar: Sunna Jónsdóttir 6, Tinna Soffía
Traustadóttir 3, Áslaug Gunnarsdóttir 2, Sunna
María Einarsdóttir 2, Arna Valgerður Erlingsdóttir
2 - Karen Knútsdóttir 10, Stella Sigurðar-
dóttir 7, Guðrún Þóra Hálfdánsdóttir 3, Sigurbjörg
Jóhannsdóttir 3, Hildur Þorgeirsdóttir 3, Anna
María Guðmundsdottir 2, Marthe Sördal 2, Ásta
Birna Gunnarsdóttir 2.
Bæði liðin voru ósigruð fyrir leikinn
Enska b-deildin
Bristol City-Reading 1-0
Brynjar og Ívar voru ekki með í gær.
Coventry-Cardiff City 1-2
Aron Einar Gunnarsson lék allan leikinn.
Millwall-Portsmouth 0-1
Hermann Hreiðarsson var ekki með.
Swansea City-Queens Park Rangers 0-0
Heiðar Helguson var í byrjunarliðinu og lék fyrstu
80 mínútur leiksins. QPR er áfram taplaust á
toppi deildarinnar.
Þýski bikarinn í handbolta
Bietigheim-TuS N-Lübbecke 30-31 (framl.)
Þórir Ólafsson tryggði TuS N-Lübbecke framleng
inu með því að jafna leikinn í 25-25 í lok venju
legs leiktíma og skoraði alls 5 mörk í leiknum.
Leipzig-Füchse Berlin 23-34
Alexander Petersson skoraði 3 mörk
ÚRSLIT Í GÆR
FÓTBOLTI Sir Alex Ferguson, stjóri
Man. Utd, reif þögnina um Wayne
Rooney í gær og staðfesti að fram-
herjinn vildi komast frá félaginu.
Það sem meira er, að Rooney lýsti
því yfir fyrir rúmum tveimur mán-
uðum. Tíðindin komu Ferguson og
félögum í opna skjöldu.
„Við byrjuðum að ræða um
nýjan samning síðasta sumar. Það
var síðan 14. ágúst að umboðsmað-
ur hans hringir í okkur og sagði
að Rooney ætlaði ekki að skrifa
undir nýjan samning. Ég skildi
það alls ekki því mánuði áður sagð-
ist Wayne elska félagið og sagðist
ætla að klára ferilinn sinn hér,“
sagði Ferguson í viðtali við sjón-
varpsstöð félagsins, MUTV.
„Ég veit hreinlega ekki hvað
breyttist hjá honum. Við vorum í
miklu áfalli yfir þessum tíðindum.
Kölluðum strákinn síðan á fund og
þar undirstrikaði hann við okkur
að hann vildi fara. Ég tjáði honum
þá að hann skyldi virða félagið
engu að síður og ekki vera í neinu
rugli. Hvort hann hefur sýnt félag-
inu virðingu verður fólk að dæma
um sjálft,“ sagði Ferguson sem er
ekki búinn að gefa upp alla von.
„Dyrnar standa honum samt
opnar ef honum snýst hugur. Þessi
ákvörðun hans veldur mér per-
sónulega miklum vonbrigðum. Ég
trúi þessu varla. Hann var nýbú-
inn að segjast ætla að vera hér
fyrir lífstíð og svo gerist þetta. Við
vorum til í að gera vel við hann.
Svo vel að hann hefði orðið launa-
hæsti leikmaður landsins.“
Engar samningaviðræður eru í
gangi sem stendur enda vill Roon-
ey ekki semja. Það er nokkuð ljóst
miðað við núverandi stöðu að Unit-
ed verður að selja leikmanninn í
janúar.
Ef ekki þá getur Rooney fengið
sig lausan næsta sumar fyrir litlar
5 milljónir punda. Það er gjafverð
ef horft er til þess að United gæti
líklega fengið að minnsta kosti 50
milljónir punda fyrir hann í dag.
Ferguson sagði einnig að hann
hefði aldrei rifist við Rooney þó
svo að þeir tveir hefðu verið á önd-
verðum meiði í yfirlýsingum um
meint meiðsli leikmannsins.
„Hann var meiddur og strákur-
inn sagði það sjálfur. Hann fór í
myndatöku þar sem það sést svart
á hvítu. Hann gat æft en var ekki
heill heilsu. Hvers vegna hann
ákvað samt að segja þetta skil ég
ekki. Það voru mér persónulega
mikil vonbrigði að hann skyldi
haga sér á þennan hátt.”
United á leik í Meistaradeild-
inni í kvöld og er ekki vitað hvort
Rooney spilar. henry@frettabladid.is
Veit ekki hvað breyttist hjá Rooney
Wayne Rooney tilkynnti forráðamönnum Man. Utd fyrir rúmum tveimur mánuðum að hann vildi yfirgefa
félagið. „Gríðarleg vonbrigði,“ segir Sir Alex Ferguson, stjóri Man. Utd. Rooney verður líklegast seldur í jan-
úar. Annars gæti félagið misst hann næsta sumar fyrir skiptimynt.
Á ÚTLEIÐ Ferguson getur ekki stöðvað Rooney sem vill komast frá Man. Utd.
NORDIC PHOTOS/AFP