Fréttablaðið - 21.10.2010, Qupperneq 20
20 21. október 2010 FIMMTUDAGUR
FRÁ DEGI TIL DAGS
greinar@frettabladid.is
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
HELGAREFNI: Sigríður Björg Tómasdóttir sigridur@frettabladid.is MENNING: Bergsteinn Sigurðsson bergsteinn@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Henry Birgir Gunnarsson henry@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
HALLDÓR
Erfiður dagur
Vigdís Hauksdóttir alþingismaður átti
slæman dag í vinnunni á þriðjudag.
Ekki var nóg með að hún hefði gleymt
ákvæðum laga sem hún samþykkti í
sumar heldur skolaðist ýmislegt annað
til hjá henni. Sem dæmi misskildi hún
Árna Þór Sigurðsson illilega. Hann
kvaðst í ræðu ekki vita betur en að
á vettvangi ráðherranefndar
um Evrópumál hefði verið
ákveðið að láta afgreiðslu á
svokölluðum IPA-styrkjum
bíða. Þetta skildi Vígdís
þannig að utanríkismála-
nefnd hefði látið styrkina
bíða. Árni leiðrétti Vigdísi
en engum sögum fer af því hvort sú
leiðrétting barst óbrengluð í eyru
hennar.
Ætla ekki að ræða það
Þótt Mörður Árnason Samfylking-
unni segist ekki ætla að ræða um
einhver tiltekin mál er ekki þar með
sagt að hann ætli ekki að gera það. Í
þingumræðum á þriðjudag sagði
hann: „Um trúboð í skólum
ætla ég ekki að ræða,“ og
mátti eðlilega skilja þau orð
á þann veg að hann ætlaði
ekki að tala um trúboð í
skólum. En svo var
aldeilis ekki.
En ég verð að segja
Þvert á móti ræddi Mörður um trú-
boð í skólum í svolitla stund. „Ég tel
fulla ástæðu til þess að þar sé farið
gætilega, skólarnir eru borgaralegar
stofnanir á Íslandi og ekki trúarlegar.
Ég verð hins vegar að segja að þegar
ég sé yfirlit í blöðum um hvað þar fer
fram þá hefur nú margt breyst frá því
að ég var í skóla. Ég man ekki eftir
þessum prógrömmum í kirkju-
sóknum og prestakomum þegar
ég var á þessum aldri og var ég
þó ekki í mjög ókristilegum skól-
um,“ sagði Mörður í þinginu.
bjorn@frettabladid.is
Um þessar mundir eru tvö ár liðin frá því að bankakerfi landsins hrundi
og efnahagskerfið í kjölfarið. Á þess-
um tveimur árum hefur vissulega margt
áunnist, en allt of margt á þó eftir að gera.
Mikilvægast af öllu er að þjóðin taki hönd-
um saman og horfi til framtíðar; til þess
samfélags sem við viljum búa við hér á
landi. Uppgjör og ásakanir eru eðlileg
viðbrögð við slíku áfalli sem íslensk þjóð
varð fyrir. Nú, tveimur árum eftir hrun,
á slíkt uppgjör að eiga sér stað hjá þar
til bærum aðilum. Við hin eigum að snúa
okkur að því að endurreisa Ísland.
Og hvernig þjóðfélag viljum við sjá?
Hugmyndir ríkisstjórnarinnar um það má
meðal annars sjá í fjárlagafrumvarpinu
og þær eru sláandi. Vegið er að velferð-
arkerfinu, fjöreggi þjóðarinnar. Enginn
skyldi velkjast í vafa um að fjárþörf rík-
isins er gríðarlega mikil og öll þurfum
við að færa fórnir og taka á okkur byrðar
til að mæta henni. Ákvarðanir í dag hafa
hins vegar áhrif á það samfélag sem við
byggjum börnunum okkar.
Aðgangur almennings að velferðarkerf-
inu, óháð efnahag og aðstæðum, er horn-
steinninn í því velferðarsamfélagi sem
launafólk hefur byggt upp hér á landi síð-
ustu áratugi. Núverandi fjárþörf má ekki
verða til þess að vegið sé að rótum þess
velferðarkerfis.
Í þeim óhjákvæmilega niðurskurði sem
fram undan er verður að líta til þess að
vinna ekki skemmdir á velferðarkerf-
inu. Frekar á að fara hægar í sakirnar
og greiða niður á lengri tíma, eða að leita
annarra leiða, svo sem eins og í gegnum
skattkerfið. BSRB hefur til að mynda lagt
fram tillögur um frekari hækkun á fjár-
magnstekjuskatti en fyrirhuguð er, þannig
að ekki þurfi að skerða framlög til fæðing-
arorlofssjóðs og barna- og vaxtabætur.
Velferðarkerfið er ekki tölur á blaði
sem hægt er að færa til að vild án afleið-
inga. Velferðarkerfið er fólk af holdi og
blóði, þjónusta þegnanna og öryggisnet
þjóðarinnar. Verði niðurskurðarhnífur-
inn reiddur of hátt til höggs er hætta á
því að óbætanlegur skaði verði unninn á
uppbyggingarstarfi genginna kynslóða, til
skaða fyrir komandi kynslóðir.
Horfum fram á veginn og byggjum
upp réttlátt þjóðfélag nýrra gilda sam-
ábyrgðar og jöfnuðar. Til þess að það sé
mögulegt, þurfa grunnstoðir velferðar-
samfélagsins að standa óhaggaðar. Það er
verkefni okkar allra.
Hvernig samfélag viljum við sjá?
Samfélags-
mál
Elín Björg
Jónsdóttir
Formaður BSRB
www.tandur.is sími 510 1200
Sótthreinsun
hesthúsa
FUMISPORE OPP
Eftir góða hreinsun á hesthúsinu þá er einfalt
að sótthreinsa í kjölfarið með „ dós“ af
reyksótthreinsiefninu FUMISPORE OPP
Sótthreinsiefnið smýgur með
reyknum um allt hesthúsið og
ekkert svæði „gleymist“. Vinnur
vel á bakteríum og myglu.
Í
könnun MMR sem birtist í vikunni sem leið var spurt um
traust á Alþingi Íslendinga. Aðeins 7,5 prósent þeirra sem
afstöðu tóku sögðust bera mjög mikið eða frekar mikið
traust til þjóðþingsins samkvæmt könnuninni. Tveir þriðju
svarenda sögðust hins vegar bera mjög lítið eða frekar lítið
traust til Alþingis.
Það er heldur dapurleg útreið sem þingið fær, ekki síst í ljósi
þess að ekki er nema hálft annað ár síðan þjóðin hafði tækifæri til
að kjósa nýtt þing í kjölfar skýlausrar kröfu sem hljómaði undir
búsáhaldaslætti um afsögn rík-
isstjórnar Geirs H. Haarde og
kosningar. En þarf einhver að
vera hissa á að þjóðin treysti
ekki Alþingi?
Á þriðjudag lögðu nokkrir
þingmenn úr öllum flokkum
nema Samfylkingu fram þings-
ályktunartillögu um að fela
dómsmálaráðherra að efna samhliða kosningunni til stjórnlaga-
þings til þjóðaratkvæðagreiðslu um hvort halda eigi áfram aðlög-
unar- og viðræðuferli um aðild Íslands að Evrópusambandinu.
Kosið verður til stjórnlagaþings eftir liðlega fimm vikur. Alþingi
samþykkti hins vegar í sumar mótatkvæðalaust lög um fram-
kvæmd þjóðaratkvæðagreiðslu þar sem kveður á um að til hennar
skuli gengið í fyrsta lagi þremur mánuðum og í síðasta lagi einu
ári eftir að tillaga um þjóðaratkvæðagreiðslu hefur verið sam-
þykkt á þingi.
Fyrsti flutningsmaður þingsályktunartillögunnar, Vigdís
Hauksdóttir, úr Framsóknarflokki segist einfaldlega hafa gleymt
þessu tímarammaákvæði laganna sem hún samþykkti sjálf fyrir
aðeins fjórum mánuðum! En hún brá skjótt við og skellti í breyt-
ingartillögu á lögunum þar sem tímaramminn er rýmkaður.
Einn meðflutningsmanna Vigdísar í þingsályktunartillögu um
þjóðaratkvæðagreiðslu um framhald Evrópusambandsviðræðna
er Ásmundur Einar Daðason úr Vinstri grænum. Hann er líka
einn flutningsmanna þingsályktunartillögu um að efnt verði til
viðræðna um tvíhliða fríverslunarsamning við Bandaríkin.
Að mati flutningsmanna tillögunnar er lykilatriði í endurreisn
íslensks efnahagslífs að tryggja íslenskum fyrirtækjum bestu
mögulegu viðskiptakjör og tollfrjálsan aðgang að einum stærsta
markaði heims, Bandaríkjamarkaði. Það hljómar vel en ólíklegt
er að flutningsmenn hafi kynnt sér á hverju hefur helst staðið í
fyrri viðræðum um fríverslunarsamning landanna því af hálfu
Bandaríkjamanna er forsenda slíks samnings sú að markaðsað-
gangur fyrir landbúnaðarvörur verði bættur verulega og er þar
með verið að tala um afurðir eins og kjöt og mjólkurvörur. Eða
var Ásmundur Einar ekki alltaf á móti innflutningi á landbún-
aðarvörum?
Báðar þessar þingsályktunartillögur eru dæmi um illa undir-
búin og illa ígrunduð mál sem lögð eru fyrir þingið sem þar með
þarf að verja tíma til umfjöllunar um þau. Það er líklega ekki
nema von að traust íslensks almennings á Alþingi sé lítið?
Tíma Alþingis sóað í illa ígrunduð mál.
Er skrýtið að
traustið sé lítið?
SKOÐUN
Steinunn
Stefánsdóttir
steinunn@frettabladid.is