Fréttablaðið - 21.10.2010, Blaðsíða 46

21. OKTÓBER 2010 FIMMTUDAGUR
●MIKILVÆGT AÐ FYLGJA
ÞVOTTALEIÐBEININGUM
„Úlpunum og göllunum frá Ticket to heaven fylgja góðar
þvottaleiðbeiningar og mikilvægt að fylgja þeim til að
tryggja endingu fatnaðarins,“ segir Helga. Ekki sé ráðlegt að
þurrka yfirhafnirnar í þurrkara.
„Þetta eru góð föt og þola ýmislegt en almennt er
ekki gott að setja vatnsheldar flíkur í þurrkskápa, sem
er til dæmis að finna víða á leikskólum. Það eyðilegg-
ur vörnina í efninu. Það má þvo úlpurnar og gallana á
40 með þvottaefni fyrir litaðan þvott og vinda á
fullri vindu. Gallana á að hengja upp á skálmunum, á
réttunni í ca klukkutíma, snúa þeim þá á rönguna og
láta þá þorna þannig alveg. Þetta er fljótlegasta leiðin til
að þurrka gallana en vegna þess að efnið er vatnshelt sígur
bleytan niður og stoppar þá í skálmunum ef gallinn er hengdur
upp á herðatré. Þannig er gallinn lengur að þorna. Eins mælum við
með að taka skinnið af hettunni áður en þvegið er, renna upp öllum
rennilásum og passa að taka steina og annað smádót sem börn safna
gjarnan í vasa úr fyrir þvott en efnið slitnar hratt ef steinarnir fara með í
þvottavélina.“
Verslunin Englabörnin í
Kringlunni hefur boðið vörur
frá danska merkinu Ticket to
heaven síðastliðin tíu ár. Vör-
urnar henta íslenskri veðráttu.
„Við bjóðum upp á úrval yfirhafna
og útifatnaðar fyrir bæði kynin,
meðal annars undir danska merk-
inu Ticket to heaven. Þetta eru
sterkar og góðar flíkur sem henta
vel íslenskri veðráttu,“ útskýrir
Helga Karlsdóttir, verslunarstjóri
barnafataverslunarinnar Engla-
börnin í Kringlunni.
Úlpurnar frá Ticket to heaven
eru allar vind- og vatnsheldar. Á
hettunni er kantur úr gerviskinni
en fyrirtækið leggur áherslu á
náttúruvernd og notar ekki ekta
skinn. Kantinum má smella af
og einnig má smella hettunni af.
Helga bendir einnig á úrval hlífð-
arbuxna í versluninni.
„Við eigum snjóbuxur í litum
sem passa við úlpurnar. Fólk er
ekkert endilega að taka buxur og
úlpur í sama lit, það má blanda
þessu allavega saman, bæði litum
og munstrum. Úlpurnar eru þannig
búnar að það blæs ekki undir þær.
Þær þola allt að 30 stiga frost en
eru þó léttar og liprar. Við höfum
fengið að heyra frá ánægðum við-
skiptavinum, til dæmis dagforeldr-
um, að úlpurnar hefti ekki börnin
í leik. Börnin vilja ekki stífar og
þykkar úlpur.“
Helga segir uppbyggingu efnis-
ins í úlpunum gera það að verkum
að þær séu hlýjar án þess að vera
þykkar og efnismiklar. Ytra byrðið
sé bæði vin- og vatnshelt og fóðrið
haldi varma að líkamanum.
„Það þarf því ekki að dúða börn-
in mikið undir úlpurnar. Einnig
eigum við heilgalla frá sama merki
og lipur ullarföt innan undir. Ef
fólk er að leita eftir spariflíkum
eigum við einnig fallegar úlpukáp-
ur sem fara vel yfir jólakjólinn en
nýtast í skólann líka.“
Góð reynsla er komin á fatnað-
inn frá Ticket to heaven. Stærð-
irnar á úlpum hlaupa frá 92 til
152 og verð er á bilinu 16.990 til
18.990 krónur. Heilgallarnir eru í
stærðunum 74 til 140 á verðbilinu
14.990 til 22.990 krónur. Einnig er
í versluninni gott úrval af húfum,
vettlingum og öðrum fylgihlutum
í stíl.
Slitsterk föt á káta krakka
Helga Karlsdóttir verslunarstjóri segir útifatnaðinn frá danska merkinu Ticket to
heaven slitsterkan og hlýjan og henta íslenskri veðráttu vel. FRÉTTABLAÐIÐ/ANTON
Gott úrval fylgihluta er að finna í búðinni.