Fréttablaðið - 21.10.2010, Side 62
38 21. október 2010 FIMMTUDAGUR
Tónlist ★★★
Kammermúsíkklúbburinn í
Bústaðakirkju.
Verk eftir Zelenka og Bartók
„Munurinn á Bach og Zelenka
er eins og munurinn á Benz og
Skoda.“
Þetta sagði einn náungi við mig
í hléinu á tónleikum Kammer-
músíkklúbbsins á sunnudagskvöld-
ið. Tilefnið var nýafstaðinn flutn-
ingur á tveimur sónötum, op. 181
nr. 1 og 2 eftir Jan Dismas Zelenka,
sem var tékkneskur samtímamað-
ur Bachs.
Ég veit nú ekki hvort þetta er
rétt. Zelenka hefur sinn eigin stíl
sem gengur alveg upp. Tónlist hans
er öðruvísi en sú sem Bach samdi,
hún er ekki eins öguð. Á vissan
hátt er hún öfgafyllri. Hljóma-
gangurinn er stundum óvæntur og
hljóðfæraleikararnir þurfa að spila
mikið af hröðum nótum. Ekki er
það neitt verra.
Fyrir utan Guðrúnu Óskarsdótt-
ur semballeikara, Sigurð Halldórs-
son sellóleikara og Kristínu Mjöll
Jakobsdóttur fagottleikara héldu
tveir óbóleikarar uppi fjörinu.
Óhætt er að segja að þeir hafi þurft
að vinna fyrir kaupinu sínu.
Þetta voru þau Eydís Franzdóttir
og Peter Tompkins. Dálítill glímu-
skjálfti var fremur áberandi hjá
hinni fyrrnefndu, en hann lagaðist
er á leið. Hljómurinn í óbóinu hjá
Tompkins var fágaðri og öruggari.
Kannski hefðu þó mátt vera fleiri
litir og blæbrigði hjá þeim báðum.
Andstæðurnar hefðu þurft að vera
snarpari. Útkoman var nokkuð eins-
leit; það gerðist ekki mikið í túlkun-
inni þrátt fyrir hraðar nótur.
Meira var varið í tónlistarflutn-
inginn eftir hlé. Þar stigu á sviðið
fiðluleikararnir Hildigunnur Hall-
dórsdóttir og Bryndís Pálsdótt-
ir, Svava Bernharðsdóttir víólu-
leikari og Sigurður sellóleikari.
Á dagskránni var þriðji strengja-
kvartettinn eftir Bartók. Hann er
ekki beint aðgengilegur, hljómarn-
ir eru sérkennilegir og laglínurnar
hráar, jafnvel kuldalegar. Þetta er
„vitræn“ tónlist, formið er úthugs-
að og framvindan rökrétt. Það er
hins vegar fátt sem maður getur
blístrað við uppvaskið.
Fráhrindandi tónlistin kom
undar lega vel út á tónleikun-
um. Fjórmenningarnir spiluðu af
öryggi, túlkunin var heiðarleg,
blátt áfram og stílhrein. Það var
hvergi dauður punktur í leiknum.
Kannski hefði mátt vera meiri
fágun, tærari fiðluraddir og fyllri
sellóhljómur – en í það heila var
útkoman góð.
Allir strengjakvartettar Bartóks
verða fluttir á tónleikum Kamm-
ermúsíkklúbbsins í vetur. Þessi
mergjaða tónlist er frábær. Maður
hlakkar óneitanlega til. Jónas Sen
Niðurstaða: Líflegur en dálítið
einhæfur flutningur á tónlist eftir
Zelenka. Strengjakvartett eftir Bartók
kom betur út.
Stílhreint
og blátt áfram
HILDIGUNNUR HALLDÓRSDÓTTIR
HVAÐ? HVENÆR? HVAR?
Fimmtudagur 21. október
➜ Fundir
20.00 Félagið Matur-saga-menning
stendur fyrir fundaröð um „Mat úr
villtri náttúru Íslands“. Fyrsti fundur
fer fram í Sjóminjasafninu Víkinni,
Grandagarði, í kvöld frá kl. 20-22. Allir
velkomnir og aðgangur ókeypis.
➜ Ópera
20.00 Söngleikhús-
ið „Lífsins karnival“
verður fært á svið í
Íslensku óperunni
í kvöld kl. 20. Á
tónleikunum koma
fram Ingveldur Ýr,
Garðari Thór Cortes
auk leynigesta.
➜ Tónleikar
20.00 Fimmtudagsforleikur Hins
hússins verður haldinn í kvöld kl.
20.00. Fram koma Sgh. Miller Misbeh-
avious daughter og The Assassin of
a Beautiful Brunette. Húsið opnar kl.
19.30 og eru allir velkomnir. Frítt inn.
20.30 Í Menningarhúsinu Hofi á
Akureyri fara fram tónleikar í kvöld
undir yfirskriftinni „Konur fyrir konur“.
Allur aðgangseyrir rennur óskiptur til
Bleiku slaufunnar, en miðaverð er 2.500
krónur. Tónleikarnir hefjast kl. 20.30.
22.00 Hljómsveitin Ég efnir til útgáfu-
tónleika á Faktorý í kvöld kl. 22 í tilefni
af útgáfu nýrrar plötu sinnar Lúxus upp-
lifun. Aðgangseyrir er 1.000 krónur og
opnar húsið kl. 21.
➜ Opnanir
17.00 Í Hafnarhúsi opnar sýning
Gardars Eide „Power has a fragrance“.
Norski sendiherrann á Íslandi, Hr. Dag
Wernö Holter opnar sýninguna kl. 17
í dag.
➜ Sýningar
20.00 Í Salnum, Kópavogi, verður
haldið Töfrakvöld HÍT 2010. Dagskrá
hefst kl. 20.00 og er kynnir kvöldsins
Eiríkur Fjalar. Aðgangseyrir 2.900
krónur.
➜ Kvikmyndir
17.30 Kvikmyndin Stofnun lýðveldis
verður sýnd í Öskju, stofu 132, í kvöld
kl. 17.30. Sýningin er á vegum Konfús-
íusarstofnunarinnar Norðurljós. Allir
velkomnir og aðgangur ókeypis.
➜ Bókmenntir
17.00 Í tilefni af end-
urútgáfu Sturlungu
verður efnt til hátíðar-
dagskrár í Þjóðmenn-
ingarhúsinu í dag frá
17-19. Sérlegur hátíð-
arstjóri er Einar Kára-
son. Léttar veitingar og
allir velkomnir.
➜ Fyrirlestrar
12.00 Dr. Brigit Toebes heldur fyrir-
lestur á vegum lagadeildar Háskólans í
Reykjavík í dag frá 12-13 í stofu v.1.0.2.
(Betelgás) í húsnæði HR, að Mennta-
vegi 1. Fundurinn fer fram á ensku. Allir
velkomnir og aðgangur ókeypis.
17.00 Fræðslufundur Minja og
sögu verður haldinn í Þjóðminjasafni
Íslands í dag kl. 17.00. Fyrirlesari er
Steinunn Kristjánsdóttir, en erindi
hennar fjallar um uppgröftinn á Skriðu-
klaustri. Allir velkomnir og ókeypis inn.
20.00 Annað rann-
sóknarkvöld Félags
íslenskra fræða
verður haldið í kvöld
kl. 20.00 í húsi
Sögufélagsins, Fischer-
sundi 3. Haukur
Ingvarsson flytur
erindi. Allir velkomnir.
Upplýsingar um viðburði sendist á
hvar@frettabladid.is
Sækir í sterkar konur
Sjónvarpsmaðurinn Hjörvar Hafliðason slær í gegn hjá kvenþjóðinni.
Tónleikaröð Tríós Reykjavíkur í
samvinnu við Hafnarborg, menn-
ingarmiðstöð Hafnarfjarðar, hefur
göngu sína í 21. sinn sunnudaginn
24. október klukkan 20. Ástríður
Alda Sigurðardóttir leikur þá
þrjár sónötur fyrir fiðlu og píanó
ásamt Guðnýju Guðmundsdóttur,
fiðluleikara Tríós Reykjavíkur.
Ástríður Alda hefur nú þegar,
þrátt fyrir ungan aldur, skipað
sér í flokk fremstu píanóleikara
landsins. Hún hefur komið fram
sem einleikari með Sinfóníu-
hljómsveit Íslands, leikið marga
einleikstónleika og komið fram á
tónlistarhátíðum, meðal annars á
Björtum sumarnóttum í Hvera-
gerði með Tríói Reykjavíkur síð-
astliðið vor.
Fyrst á efnisskrá tónleikanna
verður sónata eftir Jón Nordal.
Því næst frumflytur tríóið á
Íslandi sónötu eftir rússneska tón-
skáldið Sergei Bortkiewicz.
Næstu tónleikar í röðinni,
Klassík við kertaljós, verða 28.
nóvember. Þá verður Chopin
heiðraður á 200 ára afmæli með
flutningi á sönglögum, sellósónötu
og píanótríói.
Tónleikaröð í Hafnarborg
ÁSTRÍÐUR ALDA SIGURÐARDÓTTUR
Leikur þrjár sónötur fyrir fiðlu og píanó á
sunnudagskvöld.