Fréttablaðið - 21.10.2010, Page 64
40 21. október 2010 FIMMTUDAGUR
tonlist@frettabladid.is
Belle & Sebastian gaf fyrir
skömmu út sína áttundu
hljóðversplötu, þar sem
góðir gestir koma við sögu.
Umfjöllunarefnið er ástin í
allri sinn dýrð.
Áttunda hljóðversplata skosku popp-
sveitarinnar Belle & Sebastian, sem
nefnist Belle & Sebastian Write
About Love, kom út fyrir skömmu.
Stuart Murdoch hefur verið for-
sprakki sveitarinnar síðan hann
stofnaði hana ásamt Stuart David
árið 1996. Murdoch kom fyrst
nálægt tónlist opinberlega sem
útvarpsmaður í Glasgow-háskóla.
Á háskólaárum sínum undir lok
níunda áratugarins veiktist hann af
síþreytu og gat ekki unnið í sjö ár.
Á þessum erfiða tíma, þegar hann
var mikið einn með sjálfum sér,
fékk hann áhuga á lagasmíðum.
„Þetta var mikil eyðimerkurganga
og hálfgert tómarúm í lífi mínu. Út
frá þessu fór ég að semja þessi lög
og melódíur þar sem ég fékk útrás
fyrir líðan mína,“ sagði Murdoch.
Árið 1995 hafði hann að mestu jafn-
að sig á veikindunum og fór að smala
saman í hljómsveit, sem varð á end-
anum hin ástsæla Belle & Sebasti-
an. Á þessum tíma fékk hann vinnu
sem húsvörður í safnaðarheimili og
bjó einnig á efri hæð þess. Þar starf-
aði hann allt til ársins 2003. Text-
ar Belle & Sebastian hafa einmitt á
köflum endurspeglað áhuga Mur-
dochs á trúmálum.
Nýjasta plata sveitarinnar fjallar
eins og nafnið gefur til kynna um
ástina og var tekin upp í Los Angel-
es. Upptökustjóri var Tony Hoffer,
sem einnig stjórnaði upptökum á
síðustu plötu sveitarinnar, The Life
Pursuit. Góðir gestir koma við sögu
á nýju plötunni, en það eru banda-
ríska söngkonan Norah Jones og
enska leikkonan Carey Mulligan,
sem sló í gegn í kvikmyndinni An
Education og var tilnefnd til Óskars-
verðlauna fyrir frammistöðu sína.
Fjögur ár eru liðin síðan The
Life Pursuit kom út. Hún seldist í
um 250 þúsund eintökum og þótti
vel heppnuð. Sveitin fylgdi plöt-
unni eftir með stórri tónleikaferð
og spilaði meðal annars á tvenn-
um tónleikum á Íslandi í júlí 2006,
á Nasa og á Bræðslunni á Borgar-
firði eystri.
Belle & Sebastian Write About
Love hefur verið vel tekið. Hún fór
beint í áttunda sætið á breska breið-
skífulistanum, sem jafnar besta
árangur sveitarinnar sem hún náði
með The Life Pursuit. Tónleikaferð
um Suður-Ameríku er fyrirhuguð
í nóvember en í desember verður
ferðast vítt og breitt um Bretlands-
eyjar. freyr@frettabladid.is
TÓNNINN GEFINN
Trausti Júlíusson Góðir gestir á ástarplötu
Þá er fyrsta Airwaves-hátíðin undir nýrri framkvæmdastjórn að baki og
ekki hægt að segja annað en að hún hafi tekist mjög vel. Fimm daga tónlist-
arfyllerí og tilfinningin daginn eftir mikil gleði yfir öllu þessu frábæra sem
manni tókst að sjá og smá tregi yfir því sem maður náði ekki.
Alveg eins og það á að vera.
Iceland Airwaves byggir á formúlu sem er margbúin að sanna sig, en
það voru samt smá áherslubreytingar á hátíðinni í ár. Airwaves hefur allt-
af lagt mest kapp á að kynna nýja og upprennandi listamenn og það var enn
þá aðalhugsunin á
bak við valið á tón-
listaratriðunum
í ár. En nú fengu
eldri listamenn
samt að fljóta með
í ríkari mæli en
áður. Fimmtudags-
kvöldið á Nasa var
t.d. hálfgert end-
urkomukvöld, með
S.H. Draum, Ham
og Ensími, allt
sveitir sem sjald-
an koma fram og
S.H. Draumur
meira að segja að
spila í fyrsta sinn
í sautján ár.
„Gömlukallakvöldið“, eins og einhver kallaði það, tókst frábærlega, sem
væntanlega verður til þess að áframhald verður á einhverju svipuðu. Það
er mikilvægt að hátíðin einbeiti sér áfram að nýrri tónlist, en eftir tíu ár
má líka alveg breyta einhverju og það styrkir bara hátíðina að víkka hana
aðeins út. Hvaða sveit ætli verði endurvakin næst? Kannski Risaeðlan,
Bubbleflies eða Lojpippos og Spojsippus? Hvað með KUKL?
Airwaves 2.0 fór vel af stað
HAM Var flott á „gömlukallakvöldinu“ á Nasa. FRÉTTABLAÐIÐ/ARNÞÓR
> Plata vikunnar
JÓNAS SIGURÐSSON - ALLT ER
EITTHVAÐ
★★★★
„Jónas Sigurðsson fylgir
Malbikinu eftir með enn betri
plötu.“ - tj
Sýningin Pönkið fært til fjöldans, þar sem
rokksveitin Nirvana verður í aðalhlutverki,
verður opnuð í heimaborg hennar Seattle í
apríl á næsta ári. Sýningin mun standa yfir
í tvö ár.
Ýmsir áhugaverðir munir úr sögu
Nirvana verða þar sýndir, þar á meðal
nokkur málverk sem söngvarinn Kurt
Cobain gerði í menntaskóla, hand-
skrifaðir textar við lögin Spank Thru
og Floyd the Barber og partar af
fyrsta gítarnum sem hinn sálugi
Cobain eyðilagði á sviði.
„Cobain var framsækinn
listamaður sem náði til fólks
úti um allan heim,“ sagði
bassaleikarinn Krist Nov-
oselic. „Það er frábært að
brátt verði hlutum safnað saman þar sem
framlagi hans til tónlistar og menningar er
gert hátt undir höfði. Nirvana er miðdep-
illinn í þessari sögu,“ sagði hann. „En svo
margt fólk, hljómsveitir og stofnanir sem
voru hluti af þessu tónlistarsamfélagi koma
líka við sögu. Tónlist norðvesturríkjanna er
hyllt á þessari sýningu.“
Á meðal fleiri muna sem verða á sýn-
ingunni er fræg peysa sem Cobain
klæddist oft snemma á níunda
áratugnum og engill sem
var notaður á tónleikaferð
Nirvana til að kynna plötuna
In Utero.
Nirvana-sýning á næsta ári
> Í SPILARANUM
Elvis Costello - National Ransom
Tryggvi Hübner - 2.0
Ýmsir - Weirdcore 3
Órói - Tónlist úr mynd
MEIRA FRÁ SKOTLANDI
The Vaselines
Simple Minds
The Proclaimers
Primal Scream
Mogwai
Travis
Paolo Nutini
Franz Ferdinand
Biffy Clyro
The Fratellis
NÝ PLATA KOMIN ÚT
Stuart Murdoch, forsprakki Belle
& Sebastian, á tónleikum í Englandi
í sumar. Norah Jones og Carey
Mulligan eru gestir á nýjustu plötu
sveitarinnar.
NORDICPHOTOS/GETTY
TÓNLISTINN
Vikuna 14. - 20. október 2010
LAGALISTINN
Vikuna 14. - 20. október 2010
Sæti Flytjandi Lag
1 Páll Óskar og Memfismafían ......Það geta ekki allir...
2 Cee Lo Green ....................................... Forget You (F U)
3 Sálin hans Jóns míns.........Fyrir utan gluggann þinn
4 Hurts ..........................................................Wonderful Life
5 Kings Of Leon ................................................Radioactive
6 Bjartmar og Bergrisarnir ........................................Negril
7 Robbie Williams / Gary Barlow ........................Shame
8 Klassart ............................................. Gamli grafreiturinn
9 Bubbi Morthens.............................................................Sól
10 Lifun ..................................................................Ein stök ást
Sæti Flytjandi Plata
1 Helgi Björnsson og reiðmenn ......Þú komst í hlaðið
2 Amiina ....................................................................... Puzzle
3 Jónas Sigurðsson ........................................ Allt er ekkert
4 Ólöf Arnalds .............................................Innundir skinni
5 Rökkurró ..................................................... Í annan heim
6 FM Belfast ....................................How To Make Friends
7 Retro Stefson ...................................................Kimbabwe
8 Skúli Sverrisson ......................................................Sería II
9 Friðrik Ómar .................................................................Elvis
10 Bloodgroup .........................................................Dry Land
Þátttakendur í Lagalistanum: Bylgjan, FM957, Xið 977, Rás 2, Kaninn, tonlist.is. Verslanir í Tónlistanum: Skífan, Hagkaup, Penninn/Eymunds-
son, 12 tónar, Smekkleysa plötubúð, Havarí, Elkó, tonlist.is
Listarnir eru teknir saman fyrir Félag hljómplötuframleiðenda. Listarnir eru birtir í heild sinni á Vísir.is.
Stendur í stað síðan í síðustu viku Fellur um sæti síðan í síðustu viku Hækkar á lista síðan í síðustu viku Nýtt á lista
Skýringar:
KURT COBAIN Peysa Cobains verður
til sýnis í Seattle.