Fréttablaðið - 21.10.2010, Side 66
42 21. október 2010 FIMMTUDAGUR
bio@frettabladid.is
Óskarsverðlaunahafinn Adrien
Brody stendur nú í miklu stappi
við ítalska kvikmyndaframleiðend-
ur og reynir að fá lögbann á hryll-
ingsmyndina Giallo. Leikstjóri
myndarinnar er Dario Argento,
heimsfrægur í hryllingsmyndageir-
anum, og hafði Brody lengi dreymt
um að vinna með honum. Tækifær-
ið kom með Giallo en Brody hefur
hins vegar enn ekki fengið greitt
fyrir leik sinn. Samkvæmt vefsíðu
Empire virðist myndin sjálf vera
mesti hryllingurinn því hún þykir
skelfileg og hefur verið slátrað af
gagnrýnendum, var meðal annars
send beint á DVD í Ameríku en þar-
lendir unglingar hafa löngum verið
ginnkeyptir fyrir hryllingi.
Brody krefst þriggja milljóna
dala og vill blátt bann á dreif-
ingu myndarinnar þar til skuldin
hefur verið greidd. Brody segir
að framleiðendur myndarinnar
hafi ítrekað logið að honum, hann
hafi til að mynda hætt á einum
tímapunkti sökum þess að mynd-
in var ekki fullfjármögnuð eins
og framleiðendurnir höfðu lýst
yfir. Þeir fengu Brody síðan til
að koma aftur með loforðum um
að dreifingarsamningar hefðu
gefið vel af sér. En þau loforð
virtust líka hafa verið byggð á
sandi. Talið er líklegt að Brody
verði að bíða ansi lengi áður en
næst í skottið á framleiðendum
myndarinnar.
Vill fá launin sín
FÆR EKKI LAUN Adrien Brody var svikinn af ítölskum framleiðendum um laun upp á
þrjár milljónir dala.
Þeir sem hafa gaman af flóknum
fjölskyldumynstrum og barneign-
um ættu að geta fundið eitthvað
við sitt hæfi í kvikmyndahúsum
borgarinnar því tvær myndir, The
Kids Are Alright og The Switch,
verða frumsýndar um helgina.
Fyrri myndin er á öllu alvar-
legri og dramatískari nótunum
og fjallar um systkinin Joni og
Laser sem eru alin upp af tveim-
ur mæðrum. Þau ákveða að finna
líffræðilegan föður sinn, með
ófyrirséðum afleiðingum. Með
aðalhlutverkin fara þau Julianne
Moore, Annette Bening og Mark
Ruffalo auk Miu Wasikowska
og Josh Hutcherson. Leikstjóri
myndarinnar er Lisa Cholodenko
sem hefur að mestu leyti leikstýrt
í sjónvarpi, meðal annars þáttum
á borð við Hung, The L Word og
Six Feet Under.
Hin myndin er í aðeins léttari
kantinum og heitir The Switch.
Hún skartar þeim Jason Bate-
man og Jennifer Aniston í aðal-
hlutverkum. Myndin segir frá
Wally Mars, sem fréttir að besta
vinkona hans hafi fengið sæði og
vilji verða ólétt. Hann ákveður að
skipta á því sæði og sínu eigin og
verður því óvænt faðir í fyrsta
sinn. Leikstjóri myndarinnar eru
Josh Gordon og Will Speck sem
gerðu hina sprenghlægilegu
Blades of Glory.
ÓLÉTT Jennifer Aniston gengur
með barn besta vinar síns án þess
að vita af því í gamanmyndinni The
Switch.
Mel Gibson hyggst koma lífi sínu og ferli
á réttan kjöl og telur besta ráðið til þess
að leika lítið gestahlutverk í kvikmynd-
inni The Hangover 2. Samkvæmt vefsíð-
unni Pagesix.com hefur verið gengið
frá samningum við Hollywood-stjörn-
una og mun Gibson leika húðflúr-
listamann í Bangkok. Tökur fara
fram í myndveri Warner Bros, þar
sem nákvæm eftirmynd af Bangkok
hefur verið byggð, en myndin segir
frá því þegar gengið úr fyrri myndinni
heldur í stórhættulega ferð til Taílands.
Þeir Bradley Cooper, Ed Helms, Zack
Galifianakis og Justin Bartha verða á
sínum stað, auk þess sem Ken Jeong
mun endurtaka hlutverk sitt sem hinn
hættulegi glæpaforingi Mr. Chow.
Gibson er sagður vonast til þess að
hlutverkið muni endurreisa ímynd hans,
svipað og fyrri myndin gerði fyrir Mike
Tyson. Ferill Mel Gibson hefur verið í
mikilli lægð undanfarin ár; fyrst var
hann handtekinn fyrir ölvunarakst-
ur og blótaði gyðingum í sand og ösku.
Og var ákaflega drukkinn eftir að hafa
verið edrú í dágóðan tíma. Síðan skildi
hann við eiginkonu sína og tók saman
við rússnesku söngkonuna Oksönu
Grigorievu en ekki sér fyrir endann á
því hvernig því sambandi lýkur þar sem
ásakanir um heimilisofbeldi og kúgun
hafa flogið á milli þeirra. Þar að auki
treystir enginn sér til að dreifa kvik-
myndinni The Beaver með Gibson og
Jodie Foster í aðalhlutverkum.
Mel Gibson í Timburmönnum tvö
BJARGAR SÉR Mel Gibson vonar að Timbur-
menn tvö bjargi sér og ferli sínum og kannski
engin vanþörf á.
> KEITH Í NÚMER FJÖGUR
Rolling Stones-goðsögnin Keith
Richards hefur staðfest að hann
muni endurtaka hlutverk sitt sem
pabbi Jacks Sparrow í mynd-
unum um sjóræningjana á
Karíbahafinu. Sem er gott,
því Richards var eini ljósi
punkturinn í þriðju mynd-
inni.
Óttar Guðnason kvik-
myndatökumaður segir
að vinnan við Inhale hafi
verið stíf enda myndin gerð
á aðeins 29 dögum. Hann
segir jafnframt sig langa til
að gera mynd á íslensku.
Óttar Guðnason hefur verið á far-
aldsfæti undanfarin ár, unnið við
tökur á kvikmyndum og auglýs-
ingum. Nýjasta kvikmynd hans,
Inhale í leikstjórn Baltasars Kor-
máks, verður frumsýnd á föstu-
daginn en Óttar segir tökurnar
hafa bæði verið skemmtilegar
og erfiðar. „Það var náttúrulega
heitt og mesta áskorunin fólst í
því að breyta þessum bæ, Las
Vegas í Nýju Mexíkó, í Mexíkó,“
útskýrir Óttar en að gefnu tilefni
skal tekið fram að umræddur bær
á ekkert skylt við syndaborgina í
Nevada og að bærinn var einnig
sögusviðið fyrir Coen-myndina
No Country for Old Men. „Það var
sett ryk yfir allar göturnar, mold
og ljósamöstur og þetta gekk allt
mjög vel.“ Að sögn Óttars var
dagskráin mjög þéttskipuð enda
stóðu tökurnar yfir í aðeins 29
daga, sem þykir frekar lítið.
Óttar hefur áður unnið með
Baltasar Kormáki, það var við
A Little Trip to Heaven. Hann
segir leikstjórann vera vinnu-
fíkil á tökustað, hann sé alltaf
að, nánast allan sólarhringinn.
„Mér sjálfum fannst frábært
hversu miklu Baltasar náði út
úr aðalleikaranum, Dermot Mul-
roney. Þetta hlutverk var svolít-
ið nýtt fyrir Mulroney, hann er
í mynd nánast allan tímann og
hann var algjörlega búinn á því
undir lokin. Balti vinnur alltaf
eins, og hjólar í fólk ef hann er
ekki sáttur, alveg sama hvað það
heitir. Hann barðist með kjafti og
klóm fyrir öllu í myndinni og það
var virkilega gaman að upplifa
þetta með honum.“ Svo skemmti-
lega vildi til að Óttari og Dermot
varð vel til vina og þegar leikar-
inn fékk tækifæri til að leikstýra
sinni fyrstu mynd fékk hann
Óttar sem tökumann. Myndin
heitir Love, Wedding, Marriage
og skartar Mandy Moore, Kellan
Lutz og Jane Seymour í aðalhlut-
verkum.
Óttar staldrar ekki lengi við á
Íslandi því hann heldur eftir tíu
daga til Kína að taka upp ævin-
týramyndina Mulan undir stjórn
hollenska leikstjórans Jan de
Bont. De Bont er hvað þekkt-
astur fyrir stórmyndina Speed
en Óttar og hann hugðust gera
saman Stopping Power, hasar-
mynd í Berlín, sem hætt var við.
„Þetta er taka tvö hjá okkur. Ég
er akkúrat á leiðinni niður í kín-
verska sendiráðið til að ná í papp-
íra. Myndin er stór, það verða
nokkur hundruð manns við störf
á henni, tvær leikmyndir byggð-
ar og mér skilst að þeir ætli að
reisa líkan af Kínamúrnum. Þetta
verður bara virkilega spenn-
andi, mikið af stórum hesta- og
bardagasenum.“ Þrátt fyrir allt
heimshornaflakkið hefur Óttar
hins vegar aldrei gert kvikmynd
á íslensku en hann segist gjarn-
an vilja það. „Ég auglýsi hér með
bara eftir áhugasömum.“
freyrgigja@frettabladid.is
ÓTTAR Á LEIÐ TIL KÍNA
BALTASAR VINNUFÍKILL Óttar Guðnason segir Baltasar vera algjöran vinnufíkil á
tökustað en hann sé góður verkstjóri og nái því besta úr sínu fólki. FRÉTTABLAÐIÐ/VALLI
Barnaflækjur í bíóhúsum
Heimsfrumsýnd 22. október
Það var náttúrulega
heitt og mesta áskor-
unin var að breyta Las Vegas
í New Mexico í Mexíkó.
ÓTTAR GUÐNASON
KVIKMYNDATÖKUMAÐUR