Fréttablaðið - 22.10.2010, Blaðsíða 2

2 22. október 2010 FÖSTUDAGUR
ÖRYGGISMÁL Göngugrindur eru sú
barnavara sem orsakar flest slys
á börnum í Evrópu. Níutíu pró-
sent slysa í göngugrindum orsaka
áverka á höfði og yfir 30 prósent
valda áverka á heila barna. Kemur
þetta fram í nýrri rannsókn evr-
ópsku öryggissamtakanna The
European Child Safety Alliance
og evrópsku neytendasamtakanna
Anec.
Herdís L. Storgaard, forstöðu-
maður Forvarnahússins, segir
tækin afar varasöm og foreldrar
ættu að gæta fyllstu varúðar við
notkun þeirra.
„Barnalæknar og sérfræðingar
mæla gegn notkun á þessum tækj-
um,“ segir Herdís. „Þetta er í raun
óþarfa búnaður.“
Herdís hefur fengið nokkur
alvarleg tilfelli inn á borð til sín
þar sem slys hafa orðið af völdum
göngugrinda. Brunaslysin segir
hún einna verst, en fallhætta og
annað slíkt geti líka verið mjög
alvarleg.
Hér á landi hafa orðið alvar-
leg brunaslys á andliti og bringu
barna í göngugrindum. Einnig
hefur það gerst að börn hafa
verið sett of ung í grindurn-
ar svo þau geta ekki haldið sér
uppi og þar af leiðandi verið
nærri köfnun. Þó er fall
algengasta orsök slysa
og þar á eftir er bruni og
eitranir sem er afleiðing
þess að grindurnar auð-
velda börnunum aðgang að
efnunum. - sv
Göngugrindur ungbarna sú barnavara sem oftast veldur slysum á börnum:
Mælt gegn notkun tækjanna
GÖNGUGRIND Barnalæknar og sérfræðingar
mælast til þess að foreldrar láti ekki ung börn sín í
göngugrindur vegna slysahættu.
VERSLUN Einkaleyfastofa hefur
úrskurðað að vörumerkið Jólaþorp
sé eign Hafnarfjarðarbæjar. Bær-
inn hafði kært fyrri úrskurð um
að jólaþorp væri almennt heiti.
Tilefni málsins var það að
markaði undir nafninu jóla-
þorp var komið á fót í miðborg
Reykjavíkur á aðventunni í fyrra.
„Almenna heitið er jólamarkað-
ur en heitið Jólaþorp hefur sjö
ára markaðsfestu og á því byggist
staðfesting Einkaleyfastofu nú,“
segir í tilkynningu frá Hafnar-
fjarðarbæ sem upplýsir að uppselt
sé í öll söluhús Jólaþorpsins sem
starfa muni á aðventunni. - gar
Hafnfirðingar vinna jólastríð:
Jólaþorp eign
Hafnarfjarðar
HEILBRIGÐISMÁL Óvenjumikið hefur
verið um það í haust að starfs-
fólk í sláturhúsum leiti læknis
vegna veirusýkingar, sem nefn-
ist sláturbóla. Þetta segir Arnar
Þór Guðmundsson, yfirlæknir á
heilsugæslunni á Selfossi.
„Sláturbólan tengist sauð-
kindum og vinnu í sláturhús-
um,“ segir Arnar. „Þessi veira
er í kindunum og fólk fær þetta
þegar það vinnur með dauð-
ar skepnur. Veiran er í vessum
innan í kindinni.“
Arnar segir að þessi veirusýk-
ing valdi blöðrum eða sárum,
einkum á höndum en geti einn-
ig komið annars staðar á líkama.
Oft verði af þessu sársaukafull
útbrot. Sýkingin gangi yfir á
fjórum til sex vikum.
„Þar sem um veirusýkingu er
að ræða er ekki mikil meðferð til
við henni, þótt menn hafi verið
að prófa sig áfram með ákveð-
in sýklalyf,“ útskýrir Arnar.
„Sé sárinu sinnt þá grær þetta
af sjálfu sér. Hins vegar sýnir
reynslan okkur, sem höfum verið
að vinna við þetta hér, að sé notað
eitt ákveðið sýklalyf virðist það
hjálpa þannig að sárið grói hrað-
ar. Þá þarf að meta hvert tilvik
fyrir sig. Það er erfitt að segja
til um hvers vegna þetta sýklalyf
virðist hraða batanum því það er
ekki beinlínis rökrétt miðað við
að við vitum að lyfið sjálft vinn-
ur ekki á þessari tilteknu veiru,
en virðist þó getað hraðað batan-
um.“
Arnar segir að fólk sem vinni
í sláturhúsum þekki sláturból-
una vel og kunni að bregðast við
henni með umbúnaði.
„Aðalvandamálið væri ef bakt-
eríusýking kæmist ofan í blöðru,
sem gerist stundum. Þá þarf að
meðhöndla það og halda fólki frá
vinnu meðan ígerð er í sárinu.
Það þarf stundum að halda fólki
frá vinnu eingöngu út af slát-
urbólunni en sé hún ekki mjög
slæm og búið vel um hana, þá
getur viðkomandi unnið.“
Arnar undirstrikar að slátur-
bólan sé ekki hættuleg, smitist
ekki milli manna og fari ekki í
nautgripi. Möguleiki sé á vægum
hita hjá þeim sem fær hana. Ein-
ungis sé um að ræða snertismit.
jss@frettabladid.is
Sláturbóla herjar á
starfsfólk sláturhúsa
Veirusýking sem nefnist sláturbóla virðist hafa herjað í óvenju miklum mæli á
starfsfólk í sláturhúsum í haust. Þetta segir Arnar Þór Guðmundsson, yfirlækn-
ir á heilsugæslunni á Selfossi. Veiran er í vessum innan í sauðfé sem slátrað er.
SLÁTURBÓLA Þannig getur sláturbólan litið út. Byrjar sem blaðra en breytist í sár,
sem síðan grær. Þetta er veirusýking sem berst í menn úr sláturfé, en smitast ekki á
milli manna. MYND GETTY
FRAKKLAND, AP Fjórða hver bens-
ínstöð í Frakklandi var orðin
bensínlaus í gær vegna verkfalla.
Mótmæli gegn hækkun eftirlauna-
aldurs verða æ háværari.
Öldungadeild franska þjóð-
þingsins ræddi í gær frumvarp
um hækkun eftirlaunaaldurs.
Atkvæðagreiðsla var á dagskrá í
gærkvöldi, en búast mátti við að
hún myndi dragast eitthvað, jafn-
vel í nokkra daga.
Sums staðar snerust mótmælin
upp í óeirðir. - gb
Franska þingið ræðir eftirlaun:
Fjórða hver
bensínstöð tóm
GENGIÐ FRAM HJÁ LÖGREGLU Þessi
háskólanemi í Lyon bar fyrir sig hend-
urnar þegar lögregluþjónar munduðu
vopn sín. NORDICPHOTOS/AFP
Íslenska parið sem lést í bíl-
slysi skammt frá bænum
Mugla í Tyrklandi á mið-
vikudag var námsfólk sem
var búsett í Danmörku. Þau
hétu Jóhann Árnason, fædd-
ur árið 1985, og Dagbjört Þóra
Tryggvadóttir, fædd árið 1976.
Rúmlega sex mánaða gam-
all sonur þeirra sem var með
í för, lifði slysið af. Hann slas-
aðist ekkert við áreksturinn
og hefur verið útskrifaður af
sjúkrahúsi.
Fulltrúar fjölskyldna þeirra
Jóhanns og Dagbjartar héldu
til Tyrklands í gær til þess að
sækja drenginn, en hann var
í umsjá ræðismanns Íslands
eftir slysið.
Létust í bílslysi
Þessi veira er í kind-
unum og fólk fær
þetta þegar það vinnur með
dauðar skepnur. Veiran er í
vessum innan í kindinni.
ARNAR ÞÓR GUÐMUNDSSON
YFIRLÆKNIR Á SELFOSSI
Helgi, eruð þið svona þaulsetn-
ir í hnakknum?
„Jú, en það er úr háum söðli að
detta þannig að það er eins gott að
halda sér á baki.“
Helgi Björnsson og Reiðmenn vindanna
hafa setið á toppi sölulistans í 16 vikur
samfleytt með plötu sína, Þú komst í
hlaðið.
DÝRAHALD Folöld hafa reynst afar
móttækileg fyrir sýkingu af völd-
um smitandi hósta í sumar og
haust.
Þetta kemur fram í tilkynningu
á vef Matvælastofnunar. Þar segir
enn fremur að í mörgum tilfellum
virðist folöldin hafa góða vörn
gegn sjúkdómnum fyrstu tvo mán-
uðina eftir fæðingu, sem líklega
megi rekja til mótefna sem þau
fái með broddmjólkinni. Að þeim
tíma liðnum standi þau berskjöld-
uð gegn sýkingunni.
„Alla jafna komast folöldin yfir
sýkinguna af eigin rammleik en
það getur tekið drjúgan tíma þar
til þau verða alveg einkennalaus.
Allmörgum hefur verið hjálpað
með pensilíngjöf og á hún allt-
af rétt á sér ef folöld eru komin
með hita eða önnur alvarleg ein-
kenni.“
Alls hafa sautján folöld verið
krufin á Tilraunastöðinni á Keld-
um. Í fimm tilfellum mátti rekja
dauða folaldanna til streptókokka-
sýkingar í lungum og þrjú önnur
dauðsföll tengjast mögulega sýk-
ingunni. Hin folöldin, níu talsins,
hafa drepist af öðrum orsökum.
- jss
Standa berskjölduð gegn sýkingu af völdum streptókokka:
Folöld enn veik af hóstaveiki
FOLÖLD Matvælastofnun ítrekar að
hestaeigendur hugsi vel um hross sín
í vetur.
FÉLAGSMÁL Vilhjálmur Birgis-
son, formaður Verkalýðafélags
Akraness, hvatti í gær Gylfa
Arnbjörnsson, forseta ASÍ, til að
endurskoða ákvörðun sína um að
bjóða sig fram til endurkjörs.
Í ræðu sinni á ársþingi ASÍ
gagnrýndi Vilhjálmur embættis-
störf Gylfa, meðal annars vegna
skuldamála heimilanna, þar sem
hann segir Gylfa hafa tekið sér
stöðu með fjármagnseigendum.
Í samtali við Fréttablaðið úti-
lokaði Vilhjálmur að hann myndi
sjálfur bjóða sig fram. „En það
kæmi mér ekki á óvart ef fram
kæmi mótframboð. Það yrði
kannski táknrænt að lýsa yfir
óánægju sinni með því.“ - þj
Formaður skorar á forseta:
Vill að Gylfi
hætti hjá ASÍ
VIÐSKIPTI Magnús Kristinsson,
útgerðarmaður í Vestmannaeyjum,
lítur á sig sem fórnarlamb markaðs-
misnotkunar æðstu stjórnenda
Landsbankans. Hann hafi borið
stórkostlegan skaða af viðskiptum
sínum við bankann.
FME kærði í vikunni til sérstaks
saksóknara meinta markaðsmis-
notkun bankans fyrir hrun. Félag
Magnúsar var í janúarlok 2008 tólfti
stærsti hluthafi bankans. Magnús
segist í tilkynningu hafa óskað eftir
því að gera sérstökum saksóknara
grein fyrir viðskiptum sínum. - jab
Magnús segist fórnarlamb:
Varð fyrir
miklu tjóni
SPURNING DAGSINS