Fréttablaðið - 22.10.2010, Blaðsíða 28

22. október 2010 FÖSTUDAGUR4
„Ásatrúarmenn biðja ekki bænir
en geta ákallað guðlega vætti eftir
aðstæðum. Í sjávarháska væri þá
einhver sjávarguðanna ákallaður,
Njörður, Ægir eða Rán, og í ást-
arsorg ástargyðjan Freyja. Freyr
gæti aðstoðað fólk í ófrjósemi og
til eru goð fyrir hverja raun, eins
og Óðinn með visku sína og galdur,
Þór með styrk og hugrekki, Bragi
með skáldagáfu og Iðunn og Eir
með heilbrigði,“ segir Óttar Ottós-
son, lögsögumaður Ásatrúarfélags-
ins, sem að venju heldur haustblót
fyrsta dag vetrar.
Óttar kom út úr trúarskápnum
fyrir áratug, eftir að hafa stað-
ið utan trúfélaga í aldarfjórðung.
„Það hvarflaði ekki að mér annað
en að fermast, en átján ára sagði
ég mig úr Þjóðkirkjunni, þótt til-
gangurinn hafi ekki verið að
afneita kristni. Kristnin lak svo úr
mér með árunum og þegar ég svar-
aði innbyggðri trúarþörf var aug-
ljóst að ásatrú yrði fyrir valinu,
enda held ég því fram að við séum
öll heiðingjar inn við beinið. Ef
grannt er skoðað var ásatrú mótuð
af líkt hugsandi forfeðrum okkar,
en kristni er af allt öðrum menn-
ingarheimi,“ segir Óttar, sem fann
sig strax meðal ásatrúarmanna og
segist ekki missa af einni einustu
samverustund síns fólks; slík sé
gleðin meðal trúariðkenda.
„Mörgum finnst ásatrú sveip-
uð dulúð og víst eru fleiri kyn-
legir kvistir meðal okkar en ann-
ars staðar í þjóðfélaginu, en það
er bara betra. Allir eru alltaf vel-
komnir á okkar samkomur, hverrar
trúar sem þeir eru, og skiljanlegt
að fólki finnist blót okkar spenn-
andi. Verulegur vöxtur hefur enda
verið í félaginu undanfarin ár, en
ekki síst nú eftir að hópar fólks
sögðu sig úr Þjóðkirkjunni vegna
vandræðagangs hennar,“ segir
Óttar.
Hann segir gildi fyrsta vetrar-
dags nú hið sama fyrir ásatrúar-
menn og síðustu árþúsundir. „Því
þótt við lifum í nútímanum er
mannfólkið enn þá mannfólk og
trúin fylgir með. Tíminn og lífið er
hringrás, eins og túlka má í merki
félagsins, sem er hringur með fjór-
um krossörmum. Armana má túlka
sem árstíðirnar fjórar eða höfuð-
áttirnar. Hér passar táknið við
hringrás ársins og fyrsta vetrar-
dag mætum við nýjum áfanga og
tímum í lífi okkar og starfi, eins
og gerist líka um jól, vor og sumur,
sem eru höfuðblótstímar ásatrúar-
manna,“ segir Óttar.
Á haustblóti er miði hellt úr
drykkjarhorni sem táknræn fórn.
„Ásatrú snýst ekki bara um goðin
Þór, Óðin og öll hin, heldur líka
vætti, dýr, skapanornir og annan
fjölskrúðugan hóp sem hefur lifað
með norrænum þjóðum. Hér tókst
aldrei að uppræta þjóðtrúna sem
á heima í ásatrú. Forfeður okkar
tóku enda kristni með hálfum
huga og ákváðu að þykjast kristn-
ir á yfirborðinu því ella stóðu
þeir frammi fyrir því að einangr-
ast þegar kristnar þjóðir lokuðu á
heiðingja sem að þeirra dómi höfðu
ekki rétta trú eftir kristnitöku.“
thordis@frettabladid.is
Guðlegir vættir ákallaðir
Haustblót ásatrúarmanna fer fram í Öskjuhlíð á morgun, fyrsta vetrardag. Slíkt blót er jafnan sjónarspil
þeim sem ekki þekkja til og öllum velkomið að fagna vetri með goðum, vættum og skapanornum.
Óttar Ottósson lögsögumaður við minnisvarða Sveinbjörns Beinteinssonar allsherjargoða í útjaðri byggingarreits Ásatrúarfé-
lagsins í Öskjuhlíð. Gengið verður að minnisvarðanum frá Nauthóli klukkan 17 á morgun og haldin hátíðleg athöfn. Um kvöldið
verður aftur blótað með mat á samkomu í Mörkinni 6. FRÉTTABLAÐIÐ/GVA
Í tengslum við sýningar myndlistarmannanna Ólafs Elíassonar og
Péturs Thomsen í Listasafni Íslands, Cars in rivers eftir Ólaf Elías-
son og Aðflutt landslag eftir Pétur Thomsen, hafa vaknað spurn-
ingar um fagurfræðilegt gildi náttúrunnar, náttúruvernd, nýtingu
náttúruauðlinda og pólitísk áhrif myndlistar. Forsvarsmenn Lista-
safns Íslands ætla af því tilefni að efna til umræðna um málefnin
á morgun, laugardag. Umræður hefjast klukkan ellefu og standa
til klukkan eitt, en þær fara fram í Listasafni Íslands að Fríkirkju-
vegi 7. Pallborð skipa Rakel Pétursdóttir safnafræðingur, Gísli Már
Gíslason, prófessor við Háskóla Íslands, Pétur Thomsen myndlist-
armaður, Ómar Ragnarsson fréttamaður og Guðbjörn Guðbjörns-
son stjórnsýslufræðingur. Stjórnandi umræðu verður Rakel Péturs-
dóttir. Aðgangur er ókeypis og eru allir boðnir velkomnir til þátt-
töku.
Málþing í kjölfar myndlistarsýninga
LISTASAFN ÍSLANDS EFNIR TIL UMRÆÐNA UM VERK ÓLAFS ELÍAS-
SONAR OG PÉTURS THOMSEN.
Í Listasafni Íslands verður meðal annars rætt um
pólitísk áhrif myndlistar.
Tilboð í 3 vikur
Vorrúllur með súrsætri sósu
Steiktar rækjur með súrsætri sósu
Nautakjöt og grænmeti í ostrusósu
Kjúklingur með grænmeti í karrísósu
Allt þetta fyrir 1.590 á mann
Tekið heim 1.450 á mann
www.kinahofid.is
MÍN SKOÐUN
ALLA VIRKA DAGA
KL. 13 – 15
Verð til ellilífeyrisþega
gegn framvísun skírteinis
er 4.900 kr.
M y S e c r e t D i g r a n e s v e g i 1 0 , 2 0 0 K ó p a v o g i
S . 5 2 7 2 7 7 7 w w w. m y s e c r e t . i s
Fyrir Ellilífeyrisþega
Frí heimsendingarþjónusta þriðjudaga og
fimmtudaga. (Heimsendingarþjónustan er eingöngu
á höfuðborgarsvæðinu).
Virk efni í engifer ásamt reynslusögum viðskiptavina
okkar hafa sýnt að engiferdrykkurinn aada hefur
virkað vel á:
> Bólgur
> Gigt
> Magasýrur
> Meltinguna
> Orkuna
> Magavandamál
> Astma
> Depurð
> Mígreni/Höfuðverk
> Flensu og hálsbólgu
> Ristilvandamál
> Sykurfíkn
> Eykur grunnbrennslu
líkamans
> Ýmis húðvandamál
> Ýmis ofnæmi
5L aada
Öflugastur í fjölskyldunni – Styrkleiki 100%