Fréttablaðið - 26.10.2010, Blaðsíða 8
26. október 2010 ÞRIÐJUDAGUR
RÚSSLAND, AP Rússnesk stjórnvöld
þurfa að greiða þeim, sem skipu-
lögðu gleðigöngu samkynhneigðra
í Moskvu árin 2006, 2007 og 2008,
vel á fimmtu milljón króna í skaða-
bætur og málskostnað.
Þetta er niðurstaða mannrétt-
indadómstóls Evrópu, sem fordæm-
ir það að borgarstjórn Moskvu hafi
komist upp með að banna göngurnar
bara vegna þess að embættismönn-
um var illa við samkynhneigða.
„Borgarstjórinn í Moskvu hefur
margoft sagst staðráðinn í að koma
í veg fyrir fjöldagöngur samkyn-
hneigðra, af því honum finnst þær
ósæmilegar,“ segir í dómsúrskurð-
inum.
Ekki er hægt að áfrýja niður-
stöðu dómstólsins, og það þýðir
að rússneskum stjórnvöldum ber
skylda til að gera samkynhneigð-
um kleift að koma hindrunarlaust
saman í borgum landsins.
Umræddur borgarstjóri, Júrí
Lúsjkov, var reyndar rekinn úr
embætti í síðasta mánuði eftir
átján ár í starfinu.
Sergei Sobjanín, náinn sam-
starfsmaður Vladimírs Pútín for-
sætisráðherra, mun taka við emb-
ættinu. - gb
Mannréttindadómstóll Evrópu fordæmir framkomu Moskvuborgar:
Skylt að leyfa gleðigöngur
NÝI BORGARSTJÓRINN Dmitrí Medvedev
forseti, Kirill patríarki og Sergei Sobjanín
að lokinni vígsluathöfn borgarstjórans.
NORDICPHOTOS/AFP
HEILBRIGÐISMÁL Björn Zoëga, forstjóri Landspítala
– háskólasjúkrahúss, segist ekki hafa áhyggjur af því
að missa starfsfólk yfir til fyrirhugaðs einkasjúkra-
húss á Ásbrú. Í viðtali við Fréttablaðið fyrir helgi var-
aði landlæknir við því að þess háttar starfsemi gæti
grafið undan sérfræðiþekkingu á Landspítala þar sem
ýmsar stéttir gætu sótt í störf syðra.
Björn segir í viðtali við Fréttablaðið að Landspít-
ali hafi verið að skera niður síðustu tvö árin líkt og
fleiri stofnanir. Þeir hafi fækkað starfsfólki og sjúkra-
hús á Ásbrú gæti aukið möguleika fólks í heilbrigðis-
geiranum á því að fá vinnu, eða jafnvel að auka við sig.
„Mér finnst eðlilegt að menn reyni að finna ný verk-
efni og atvinnutækifæri í íslensku atvinnulífi,“ segir
Björn. „Ef allt fer á versta veg getur það haft neikvæð
áhrif, en miðað við það sem ég veit um þetta verkefni
hef ég ekki áhyggjur eins og er.“
Björn sagðist vonast til þess að fyrirhugað verkefni
muni hafa í för með sér betri nýtingu á á því vinnuafli
sem er fyrir í landinu. „Svo er jafnvel möguleiki á því
að Íslendingar sem eru búsendir erlendis sjái þetta
sem tækifæri til að koma heim og vinna.“ - þj
Forstjóri Landspítala - háskólasjúkrahúss óttast ekki sjúkrahús á Ásbrú:
Fjölgar atvinnutækifærum
TRÚMÁL Ásatrúarfélagið og Rétt-
trúnaðarkirkjan hafa ekki enn
hafið byggingu á lóðum sínum
þrátt fyrir að hafa fengið úthlut-
að lóðum í lok árs 2006. Þá fengu
ásatrúarmenn lóð við Leynihlíð
sem síðar varð Menntasveigur,
undir Öskjuhlíð, og Rétttrúnað-
arkirkjan fékk lóð við Nýlendu-
götu.
Ásatrúarmenn höfðu þá beðið
í áraraðir eftir að fá lóð undir
nýbyggingu hofs.
Félag múslima á Íslandi bíður
enn eftir að fá lóð undir mosku,
en fulltrúar skipulagsyfirvalda
fullyrða að hreyfing sé komin á
þau mál og þau muni skýrast á
næstunni.
Rétttrúnaðarkirkjan bíður þess
enn að undirrita lóðaleigusamn-
ing við Reykjavíkurborg, en að
sögn Timur Zolotuskiy, prests
kirkjunnar, eru þeir vongóðir um
að málin fari að skýrast í haust.
„Þetta veltur á mörgum þáttum
en við erum einnig að þróa verk-
efnið, hvað varðar kirkjuna og
safnaðarheimilið, og svo erum við
líka að ræða við okkar stuðnings-
aðila, en það mun skýrast þegar
leigusamningar og kostnaðar-
áætlun er komin á hreint.“
Timur segir um 600 félaga í
rússnesku og serbnesku rétttrún-
aðarkirkjunum hér á landi. Þeir
séu nú að vinna að hönnun bygg-
inga ásamt arkitektum og leit-
ast verður við að finna lausn sem
hentar við íslenskar aðstæður.
„Við byrjuðum á táknrænan
hátt á sumardaginn fyrsta þegar
við vígðum minnisvarða á lóð-
inni,“ sagði Hilmar Örn Hilm-
arsson, allsherjargoði í samtali
við Fréttablaðið, en það var til
minningar um Sveinbjörn Bein-
teinsson, sem var allsherjargoði
um árabil.
Hilmar bætir því við að nú séu
að hefjast prufanir á klöpp undir
lóðinni. Þegar því er lokið, senni-
lega eftir nokkrar vikur, verður
farið út í nánari útfærslu á bygg-
ingunni.
Hilmar bætir því við að enn
eigi eftir að leggja veg, lagnir og
þess háttar að lóðinni, en efna-
hagshrunið hafi einnig spilað inn
í og tafið framkvæmdir.
„Við þurfum að sníða okkur
stakk eftir vexti því að við fórum
illa út úr bankahruninu. Við
þurftum því að fara út í praktísk-
ari lausnir.“
Hilmar Örn segist ekki viss
um hvenær framkvæmdum verði
lokið, „en í bjartsýniskasti vonast
ég til þess að hofið, eða helgidóm-
urinn, verði tilbúinn á árunum
2012 til 2013.“ thorgils@frettabladid.is
Trúfélög ekki enn
byrjuð að byggja
Ásatrúarfélagið og Rétttrúnaðarkirkjan hafa ekki enn hafið framkvæmdir á lóð-
um sem þau fengu úthlutað frá Reykjavíkurborg. Rétttrúnaðarfólk mun ljúka
samningum við borgina í haust, en ásatrúarmenn vonast til að klára árið 2012.
BLÓT Ásatrúarmenn vonast til þess að bygging hofs komist á rekspöl á næstunni.
FRÉTTABLAÐIÐ/DANÍEL
RÉTTTRÚNAÐARKIRKJA VIÐ NÝLENDU-
GÖTU Frumhugmyndir að fyrirhugaðri
rétttrúnaðarkirkju.
Bjóðum heildarlausnir, þegar endurnýja á góleppi
í stigagöngum í ölbýlis- og sambýlishúsum.
Aðeins ei símtal og málið er komið í gang.
Á rmú l a 32 · 108 Reyk j a v í k · S ím i 533 5060 · F a x 533 5061 · www . s t epp . i s
Teppalagt
tækifæri
fyrir stigaganga.
Verð frá 5.980 kr. per m2 ákomið.
Vönduð og slitsterk, þéofin teppi sem auðvelt er að þrífa.
Nýtið ykkur
virðisauka-
skattinn!
GOÐSAGNIR UM
SPARPERUR
„... mynda kalt ljós“
Hversu „hlýtt“ eða „kalt“ ljós er, ákvarðast af
litahitastigi perunnar. OSRAM DULUX®
SUPERSTAR og OSRAM DULUXSTAR® perur
eru fáanlegar í hinum hefðbundna hlýhvíta lit
sem gefur svipaða birtu og venjuleg ljósapera
og eru því tilvaldar til nota innan heimila.
Endursöluaðilar um land allt osram.is
Jóh
an
n Ó
laf
sso
n &
C
o
Kínversk fræði við HÁSKÓLA ÍSLANDS
konfusius@hi.is | www.konfusius.hi.is
Konfúsíusarstofnunin Norðurljós sýnir:
Rauðiklettur eftir John Woo :
Askja, stofa 132, fimmtudagur 28. október, kl: 17:30 - 19:20
Kvikmyndin Rauðiklettur fjallar um
örlagaþrungna stórorrustu sem átti sér stað
við endalok Han tímans (208-209 e.kr.) og
var upphaf sundrungartímabils í Kína.
Leikstjórinn John Woo er þekktur fyrir
stílmiklar og sjónrænar spennumyndir.
Sýningin er öllum opin og án endur-
gjalds. Sýningartími 140 mín.
Myndin er í tveimur hlutum og verður seinni hluti
sýndur á sama tíma fimmtudaginn 4. nóvember.
Þú færð Fréttablaðið
á kostnaðarverði á 90 stöðum
um land allt.
Nánari upplýsingar á
visir.is/dreifing