Fréttablaðið - 26.10.2010, Side 19
ÞRIÐJUDAGUR 26. október 2010 3
„Ég hef ekki áður verið með eigin
stöð, bara sali hjá öðrum,“ segir
Guðrún sem sérhæfir sig í kunda-
lini-jóga og er að mennta fleiri kenn-
ara í þeirri grein á hinni nýju stöð
sinni, Andartaki, í Skipholti 29 A.
Ein af nýjungum starfseminnar
hjá Guðrúnu er morgunjóga frá 7
til 8.15 á þriðjudögum og fimmtu-
dögum. „Best er að hugleiða áður
en sólin rís,“ segir hún og mælir
með morgunjóga til að byggja upp
viljastyrk, sjálfstraust og einbeit-
ingu. Orka og gleði er yfirskrift
hádegistímanna sem eru sömu
daga milli klukkan 12 og 13. Auk
þess eru bæði byrjendatímar og
framhaldsnámskeið í boði. En hvað
einkennir kundalini-jóga frá öðrum
tegundum þessara fornu austur-
lensku fræða? „Kundalini-jóga er
meira andlegt en annað jóga og
það er það sem fólk sækir í,“ segir
Guðrún og útskýrir það nánar. „Í
því er mikil hreyfing og dýnamík
en ekki eins mikill fókus á teygj-
ur og í ýmsum öðrum afbrigðum
af jóga. Því fylgir samt útrás og
áreynsla og menn svitna gjarnan
þannig að kundalini-jóga er góð
leið til að halda sér í formi.“
Guðrún segir kundlini-jóga
byggja mikið á takti. „Fólk gerir
sömu hreyfinguna aftur og aftur
í ákveðnum takti við öndunina og
það hjálpar því að fara inn á við,
þannig að æfingarnar verða að
hugleiðslu. Svo er falleg tónlist
sem hjálpar til. Nemendur mínir
hafa oft sóst eftir að eiga diska
með kundalini-jógatónlist til að
tengja sig inn á við. Það nýtist
þeim heima.“
Annað sem Guðrún segir ein-
kenna kundalini-jóga er kröftug
öndun. „Það er alltaf hugleiðsla
í lok hvers tíma hjá mér og hún
byggir á einhverri öndun eða því
að fólk segir eða syngur einhverja
möntru í huganum. Það hjálpar
því við að ná innri fókus.“
Fyrir þann sem er undir álagi
í vinnunni segir Guðrún kunda-
lini-jóga góða leið til að leita inn
á við og öðlast jafnvægi. „Það er
talað um að þetta jóga sé hann-
að fyrir fólk sem býr við álag og
streitu. Með iðkun þess nær það
að hefja sig upp yfir álagið og
hafa orku og úthald til að takast
á við það sem bíður,“ segir hún.
„Þetta kemur manni í form bæði
líkamlega og andlega.“
gun@frettabladid.is
Hefja sig upp yfir álagið
Guðrún Arnalds er mörgum jógaiðkendum á Íslandi að góðu kunn. Nú hefur hún opnað nýja jógastöð í
Skipholti 29 A undir merki fyrirtækis síns Andartaks og er með margs konar tíma í boði.
„Þetta kemur manni í form bæði líkamlega og andlega,“ segir Guðrún Arnalds jógakennari. FRÉTTABLAÐIÐ/ANTON
Kundalini-jóga styrkir ónæmis- og taugakerfið að sögn Guðrúnar Arnalds sem segir
alla velkomna í ókeypis prufutíma.
Vísindamenn við Princeton-háskóla
telja að illa læsilegt letur auðveldi fólki
að muna staðreyndir úr texta.
Sjálfboðaliðar í rannsókn vísinda-
manna við Princeton-háskóla fengu 90
sekúndur til að læra uppdiktaðar upp-
lýsingar um nokkrar tegundir geim-
vera. Annar hópurinn fékk listann í
venjulegu letri en hinn í illa læsilegu
letri. Eftir þetta voru sjálfboðalið-
arnir truflaðir með einhverjum
hætti í fimmtán mínútur og að
því loknu lagt fyrir próf til að
athuga hve mikið þeir mundu.
Niðurstaðan var sú að þeir
sem fengu illa læsilegt letur
mundu að meðaltali 14
prósentum meira en þeir
sem fengu upplýsing-
arnar í venjulegu letri.
Töldu rannsak-
endur að með því
að bera upplýs-
ingarnar fram
á flókinn hátt
neyði það manninn til að einbeita
sér meira. Frá þessu er greint á frétta-
vef BBC en rannsóknin verður birt í
alþjóðlega tímaritinu Cognition.
Með þessu er talið sýnt fram á að
sálfræðin geti vísað leiðina að mörg-
um hlutum sem geti hjálpað til við
menntun enda geta þættir sem þykja
lítilfjörlegir haft mikil áhrif á hvernig
við vinnum úr og varðveitum
upplýsingar.
Rannsakendur telja þó
ítarlegri rannsókna þörf
og setja þann varnagla við
þessa rannsókn að sjálf-
boðaliðar fengu greitt fyrir
þátttöku, og gætu þannig
hafa lagt meira á sig,
auk þess sem
nemendur
í skólarann-
sókninni
voru í
úrvalsskóla.
- sg
Illa læsilegt letur auðveldar lærdóm
VÍSINDAMENN VIÐ PRINCETON-HÁSKÓLA TELJA AÐ ILLA LÆSILEGT LETUR AUÐVELDI
FÓLKI AÐ MUNA STAÐREYNDIR ÚR TEXTA.
Draumfarir geta bætt minnið og
aukið sköpunar- og skipulags-
hæfileika, samkvæmt rannsókn í
tímaritinu National Geographic.
Niðurstöður rannsóknar sem birt
var í nýjasta hefti tímaritsins
National Geographic þykja gefa
góða hugmynd um mikilvægi REM-
svefns, sem er aðeins um 20 pró-
sent af heildarsvefni fólks. Rann-
sóknin byggðist á því að fólki var
skipt í þrjá hópa. Einn hópurinn var
látinn leggja sig, nógu lengi til að
ná hinum svokallaða REM-svefni,
sem kemur fyrir með reglulegu
bili á um það bil 90 mínútna fresti
yfir svefntímann. Annar hópur var
einnig látinn blunda, nógu stutt til
að hann næði ekki REM-svefnstigi
og þriðji hópurinn hvíldist í rólegu
umhverfi án svefns.
Allir hóparnir voru látnir leysa
ákveðin verkefni og í ljós kom að
hópnum sem náði REM-svefnstig-
inu gekk betur með verkefni er
tengdust ímyndunarafli og minni
og átti auðveldara með að sjá sam-
hengi milli óskyldra hluta. - jma
Draumfarir
bæta minnið
REM-svefn er mun mikilvægari en áður
var talið, samkvæmt niðurstöðum rann-
sóknar er birt var í National Geographic.
teg. 98880 létt fylltur, mjúkur og æðislegur
í BC skálum á kr. 4.350,-
buxur í stíl á kr. 1.990,-
Laugavegi 178 - Sími: 551 3366
Opið mán.-fös. 10-18. Lau. 10-14.
Góð þjónusta - fagleg ráðgjöf.
www.misty.is
Vertu vinur
teg. 100161 - létt fylltur og flottur
í BC skálum á kr. 4.350,-
vænar buxur í stíl á kr. 1.990,-
TVEIR ALVEG
SPLÚNKUNÝIR
www.heilsuhusid.is
Viltu breyta mataræðinu
til batnaðar á einfaldan og öfgalausan hátt?
INGA KRISTJÁNSDÓTTIR næringarþerapisti D.E.T.
kennir ykkur hve einfalt það getur verið að bæta mataræðið
og hvaða ráð hún hefur til þess.
FARIÐ VERÐUR MEÐ EINFÖLDUM HÆTTI YFIR:
• Hverju er hægt að skipta út og hvað kemur þá í staðinn
• Hvernig hægt er að þekkja muninn á hollri og skaðlegri fitu
• Hvernig þú getur haldið fullri orku allan daginn og losnað
við sykurþörf og þreytuköst
ÞETTA ER EKKI FLÓKIÐ! Inga er búin að halda yfir
40 fyrirlestra um efnið enda nálgunin einföld, skýr og
hentar öllum sem áhuga hafa á breyttum lífsháttum.
Staður og stund: Heilsuhúsið Lágmúla 5, kl.19:30 - 22:00
Innifalið í námskeiðinu er
mappa með uppskriftum
og fróðleik. Verð: 4.400.-
Nánari upplýsingar og skráning
í síma 8995020 eða á eig@heima.is
www.dao.is
Næstu námskeið byrja
1. nóvember og 10. janúar 2011
VILTU HÆTTA Á
NIKÓTÍNI?
MEÐ EYRNANÁLASTUNGU
OG SLÖKUNARÆFINGUM
Upplýsingar hjá Ólöfu í síma 699-8410
eða Gunnari í síma 822-0727.
Nánari upplýsingar er að finna á www.dao.is