Fréttablaðið - 28.10.2010, Blaðsíða 2

2 28. október 2010 FIMMTUDAGUR
HESTAMENNSKA „Þetta eru ekk-
ert annað en hamfarir fyrir mér
í minni hrossarækt,“ segir Rík-
harður Flemming Jensen hrossa-
ræktandi. Hann missti nýverið tvö
folöld af þremur, sem hann átti,
úr hóstapestinni, að því er hann
telur.
„Þetta voru stórættuð folöld,
undan fyrstu verðlauna hryss-
um og stóðhestunum Kappa frá
Kommu og Álfi frá Selfossi,“ bætir
Ríkharður við.
Hann er ósáttur við tilrauna-
stöðina á Keldum, þar sem honum
var hafnað um ókeypis krufningu
á því folaldinu er síðar drapst. Rík-
harður bendir á að þetta sé ekki
í samræmi við þau skilaboð til
hestaeigenda sem birt voru á vef
Matvælastofnunar, þar sem segir
að Keldur kryfji nú hross eigend-
um að kostnaðarlausu, ef líkur séu
á að hóstinn hafi orðið hrossinu að
fjörtjóni. „Hestaeigendur eru því
hvattir til að láta dýralækni vita
um grunsamleg tilvik, með því
móti leggja þeir sitt af mörkum til
aukinnar þekkingar á sjúkdómin-
um,“ segir enn fremur.
„Ég gat fengið folaldið krufið, en
það átti að kosta mig tæpar fjöru-
tíu þúsund krónur,“ segir Ríkharð-
ur.„Ég hefði talið að þeir sem eru
að rannsaka hóstaveikina þyrftu á
öllum þeim upplýsingum um hana
að halda sem fyrir hendi væru.
Þeir segjast vera komnir með
skýra mynd af ástandinu með því
að kryfja sautján folöld. Mér finnst
það allt of lítið úrtak af landinu
öllu eins og staðan er núna.“
Ríkharður segir að veikindin í
fyrra folaldinu, Kappadótturinni,
hafi uppgötvast um mánaðamótin
ágúst-september.
„Ég tók mæðgurnar heim í hest-
hús, þar sem dýralæknir með-
höndlaði folaldið í þrjár vikur. Það
var allt reynt, öll hugsanleg fúkka-
lyf, auk þess sem ég var kominn
með góðan vin minn, sérfræðing
í háls,- nef- og eyrnalækningum
í málið. Við gáfum því asmabúst,
stera og annað sem að gagni gæti
komið, því það var með svo mikla
öndunarerfiðleika. Það eru engin
lyf til í landinu fyrir hross með
þannig einkenni, svo að við urðum
að nota mannalyf.“
En litla hryssan lifði ekki af.
Hún hafði fengið blóðeitrun í kjöl-
far veikinnar. Eftir krufningu
á Keldum var úrskurðað að hún
hefði drepist úr eitruninni, en ekki
veikinni.
„Fagmenn segja mér að blóð-
eitrunin hafi verið kjölfarssýk-
ing þegar ónæmiskerfi folaldsins
veiktist vegna hóstaveikinnar. Ég
spyr mig hvort þær staðhæfingar
sem Matvælastofnun gefur út um
lítinn folaldadauða af völdum veik-
innar séu fengnar á svipaðan hátt.“
jss@frettabladid.is
Einar, sérðu bara stjörnur
þegar þú dansar?
„Nei, og ég ætla að reyna að vera
ekki með stjörnur í augunum.“
Einar Aðalsteinsson leikari tekur þátt í
hópdansatriði við upptökur á myndinni
Sherlock Holmes 2. Guy Ritchie leikstýrir
myndinni. Aðalhlutverkin leika sem fyrr
þeir Robert Downey Jr. og Jude Law.
Mjög ósáttur vegna
krufningar folalda
Ríkharður Flemming Jensen er ósáttur við Keldur eftir að hann missti tvö fol-
öld. Hann segir rannsóknarstöðina hafa hafnað krufningu á öðru folaldinu og
efast um þær niðurstöður að hitt folaldið hafi drepist úr blóðeitrun.
ÁLFSSONURINN Skjótta hestfolaldið hafði þroskast mjög vel þegar það drapst, að
sögn eiganda þess. Hann segir Keldur hafa neitað að kryfja það, eins og MAST hafi
þó hvatt menn til.
KAPPADÓTTIRIN Úrskurðað var að litla
brúna hryssan hefði drepist vegna
blóðeitrunar en ekki af völdum hósta-
veikinnar.
SKOTVEIÐI Rjúpnaveiðitímabilið í ár hefst á morgun
og stendur til sunnudagsins 5. desember.
Að því er kemur fram á vef Umhverfisstofnunar
er áfram friðað fyrir veiði á ákveðnu svæði á Suð-
vesturlandi og enn er í gildi sölubann á rjúpu og
rjúpnaafurðum. Samtals verður leyft að veiða í
átján daga sem bundnir eru við föstudaga, laugar-
daga og sunnudaga á tímabilinu.
„Rjúpnaskyttur eru sem fyrr hvattar til að
stunda hófsamar og ábyrgar veiðar. Virkt eftirlit
verður með veiðunum á landi og úr lofti,“ segir í
frétt Umhverfisstofnunar sem hvetur veiðimenn til
að ganga vel um náttúruna og kynna sér hvar þeir
mega veiða.
Þá eru rjúpnaveiðimenn hvattir til notkunar á
rafrænni veiðibók þar sem hægt er að skrá afla,
tíma og koma á framfæri athugasemdum. „Þegar
veiðimaður skráir afla getur hann séð ýmsar upp-
lýsingar, svo sem hve margir skrá veiði þann dag,
samtals veiði þann dag, samtals fjölda kukku-
stunda og meðalveiði svo eitthvað sé nefnt,“ segir
Umhverfisstofnun. - gar / sjá síðu 50
Rjúpnaveiðin hefst á morgun og má veiða í samtals 18 daga og ekkert selja:
Suðvesturhornið áfram friðað
FRIÐUNARSVÆÐI RJÚPUNNAR Umhverfisstofnun lokar á
rjúpnaveiðimenn á öllum Reykjanesskaga og að vesturbakka
Ölfusár og Sogs og yfir í Hvalfjörð eins og sést á kortinu.
MYND/UMHVERFISSTOFNUN
FJARSKIPTI Ögmundur Jónasson,
samgöngu- og sveitarstjórnarráð-
herra, ætlar að kynna tillögur um
viðbrögð og vinnulag vegna net-
öryggis á fundi ríkisstjórnarinnar
á föstudag. Verið er að leggja loka-
hönd á málið í ráðuneytinu, sam-
kvæmt upplýsingum þaðan.
Eins og Fréttablaðið hefur fjallað
um undanfarið eru stjórnvöld illa
búin undir hvers konar tölvuárás-
ir og tölvuvandamál sem upp gætu
komið. Ekki hafa fengist nákvæm-
ar upplýsingar frá ráðuneytinu um
stöðu mála þrátt fyrir að eftir því
hafi verið leitað.
Unnið hefur verið að net-
öryggismálum innan Póst- og
fjarskiptastofnunar. Í skýrslu
stofnunar innar frá árinu 2008
er bent á að veruleg ógn stafi að
íslenskum netkerfum vegna tölvu-
árása, netglæpa og skemmdar-
verka. Þar er hvatt til þess að
stjórnvöld stofni sérstakan við-
bragðshóp. Í fjarskiptaáætlun fyrir
árin 2005 til 2010, sem samþykkt
var á Alþingi, er kveðið á um stofn-
un slíks hóps.
Viðbragðshópar hafa verið starf-
andi lengi í nágrannalöndunum.
Starfsemi viðbragðshóps norskra
stjórnvalda hófst til að mynda í
ársbyrjun 2003. - bj
Tillögur ráðuneytis vegna netöryggismála verða ræddar á ríkisstjórnarfundi:
Ríkisstjórnin ræðir netöryggi
ÖRYGGI Ekki hafa fengist nákvæmar
upplýsingar hjá samgönguráðuneytinu
um stöðu mála. NORDICPHOTOS/AFP
DÓMSMÁL Karlmaður hefur verið
dæmdur í tólf mánaða fangelsi,
þar af tíu mánuði á skilorði, fyrir
stórfellda líkmsárás. Þá var hann
dæmdur til að greiða fórnarlamb-
inu rúmlega 630 þúsund krónur í
skaðabætur.
Maðurinn var ákærður fyrir
að hafa slegið annan mann í and-
litið við Lækjargötu í Reykjavík.
Sá síðarnefndi skall með höfuðið
í götuna. Við árásina hlaut hann
mikil höfuðmeiðsl, þar á meðal
höfuðkúpubrot, mar á heila, nef-
brot og heyrnartap.
Árásarmaðurinn játaði brot sitt
skýlaust fyrir dóminum eins og
því var lýst í ákæru. - jss
Tólf mánaða fangelsi:
Höfuðkúpu-
braut mann
FRAKKLAND, AP Franska þingið
samþykkti í gær frumvarpið
umdeilda sem felur í sér hækkun
eftirlaunaaldurs í Frakklandi um
tvö ár. Nánast stanslaus mótmæli
gegn frumvarpinu vikum saman
hafa sett þjóðlíf í Frakklandi úr
skorðum.
Nicolas Sarkozy forseti hafði
því sitt fram þrátt fyrir mótmæl-
in, en vinsældir hans eru fyrir
vikið í algjöru lágmarki meðal
landsmanna.
Mótmælendur ætla þó ekki að
gefast upp og vonast enn til að
Sarkozy hætti við að staðfesta
lögin með undirskrift sinni. Efnt
verður enn á ný til mótmæla og
verkfalla um land allt í dag. - gb
Franska þingið:
Eftirlaunafrum-
varp samþykkt
OLÍUSKIP BÍÐA Fyrir utan olíubirgðastöð
í Frakkklandi. NORDICPHOTOS/AFP
DÝRALÍF Vísindamenn á ferð um
frumskóga Búrma hafa upp-
götvað nýja apategund í norður-
hluta landsins. Heimamenn hafa
reyndar vitað af öpunum lengi,
og því sérkennilega einkenni
þeirra að hnerra þegar rignir.
Skýringin á hnerrunum er ein-
föld, nef apanna er afar uppbrett,
svo mjög að það beinlínis rignir
upp í nefið á þeim. Þeir eiga það
því til að sitja með höfuðið milli
lappanna í rigningu.
Aparnir eru smávaxnir en með
langt skott. Feldurinn er svartur
að mestu en hvítur á eyrum og
höku. Talið er að stofninn sé
aðeins um 300 dýr. - bj
Ný apategund finnst í Búrma:
Aparnir hnerra
í rigningunni
FUNDNIR Heimamenn kalla apateg-
undina „nwoah“, sem þýðir „api með
andlitið á hvolfi“. MYND/DR. THOMAS GEISSMANN
HEILBRIGÐISMÁL Ung stúlka sem
leitaði til Heilbrigðisstofnunar
Vestmannaeyja (HSV) í kjölfar
nauðgunar í ágúst síðastliðnum
fékk nýlega senda rukkun í pósti
vegna aðstoðar sem hún hlaut í
kjölfar nauðgunarinnar. Heil-
brigðisstofnanir skulu ekki rukka
einstaklinga sem leita eftir aðstoð
vegna nauðgunar um komugjald.
„Væntanlega var um mistök að
ræða ef því er rétt lýst að þessi
einstaklingur hafi leitað hingað
vegna nauðgunar. Ef svo var þá
er um mistök að ræða og þá verð-
ur það leiðrétt,“ segir Gunnar K.
Gunnarsson, framkvæmdastjóri
HSV. - mþl
Fékk aðstoð eftir nauðgun:
Mistök voru að
rukka konuna
SJÁVARÚTVEGUR Afli smábáta á síð-
asta fiskveiðiári var 75.966 tonn.
Það er 2.500 tonna aukning á milli
ára. Verðmæti upp úr sjó sló fyrri
met, 19,1 milljarður króna sem
jafngildir útflutningsverðmætum
upp á rúma 38 milljarða, að því
kemur fram á heimasíðu Lands-
sambands smábátaeigenda.
Af heildaraflanum var um
helmingur þorskur sem jafngildir
22,8 prósentum af heildar þorsk-
aflanum. Ýsuafli smábáta varð
16.923 tonn sem er 24,7 prósent af
ýsuaflanum á fiskveiðiárinu. - shá
Verðmætið 38 milljarðar:
Veiði smábáta
76 þúsund tonn
SPURNING DAGSINS
Fjölbreytt og gott
veganesti fyrir lífið
Kjarngóð næring
Ósaltað
Ósykrað
Engin aukaefni
www.barnamatur.is
Lífrænn
barnamatu
r