Fréttablaðið - 28.10.2010, Blaðsíða 6

6 28. október 2010 FIMMTUDAGUR
INDÓNESÍA, AP Síðdegis í gær var
vitað um rúmlega 270 manns sem
látist höfðu af völdum flóðbylgj-
unnar sem lenti á Indónesíu. Eld-
gosið, sem hófst á þriðjudag ann-
ars staðar í eyjaklasanum, hafði
kostað um þrjátíu manns lífið.
Susilo Bambang Yudhoyono,
forseti Indónesíu, flýtti sér heim
frá Víetnam, þar sem hann var í
opinberri heimsókn.
Í gær tókst loks að lenda
þyrlum með hjálpargögn á Ment-
awai-eyjum, þar sem mikið tjón
varð af völdum flóðbylgjunnar
aðfaranótt þriðjudags. Flóðbylgj-
unni var hrundið af stað af jarð-
skjálfta, sem mældist 7,2 stig, og
varð skammt undan strönd Súm-
ötru, sem er ein af stærstu eyjum
Indónesíu.
Á þriðjudaginn, aðeins fáeinum
klukkustundum eftir jarðskjálft-
ann, hófst síðan gosið í eldfjall-
inu Merapi á eyjunni Jövu. Ekki
er þó talið að jarðskjálftinn teng-
ist eldgosinu neitt, enda er langt
á milli.
Vísindamenn höfðu hins vegar
varað við gosinu fyrir fram og
íbúar í hlíðum fjallsins höfðu
verið fluttir burt. Nokkuð létti á
þrýstingi í fjallinu eftir að gosið
hófst, en enn er þó hætta á að
mikið sprengigos hefjist sem gæti
valdið miklu tjóni.
Meðal þeirra sem fundust
látnir í hlíðum fjallsins var Mar-
idjan, aldraður maður sem hefur
gegnt því hlutverki að gæta anda
fjallsins. Hann hefur stjórnað
helgi athöfnum sem felast í því
að kasta hrísgrjónum og blómum
niður í gíg fjallsins í því skyni
að friða andana. Hann neitaði að
yfirgefa svæðið þegar það var
rýmt, og sagðist vera fastbund-
inn þessu starfi sínu og geta því
hvergi farið.
Nafn fjallsins, Merapi, þýðir
„eldfjall“ á íslensku. Þetta er eitt
virkasta eldfjall heims og hefur
gosið margoft síðustu tvær aldirn-
ar, síðast árið 2006. Árið 1994 kost-
aði gos úr fjallinu 60 manns lífið en
árið 1930 létust nærri 1.300 manns
vegna hamfaranna í fjallinu.
Á Indónesíu eru nærri 130 virk
eldfjöll, sem grannt er fylgst
með.
Meira en ellefu þúsund manns
búa í hlíðum fjallsins. Flestir
þeirra höfðu verið fluttir á örugg-
ari slóðir, en í gær voru marg-
ir þeirra á leiðinni til baka til að
huga að eignum sínum, þrátt fyrir
að hættan hafi engan veginn verið
liðin hjá. gudsteinn@frettabladid.is Heimild: OCHA © Graphic news
Hamfarir í Indónesíu
Eldgos í fjallinu Merapi á eyjunni Jövu
hófst stuttu eftir harðan jarðskjálfta úti af
strönd Súmötru sem hratt af stað stórri
flóðbylgju
Mentawai-eyjar, 25. október:
Þriggja metra há flóðbylgja eyddi að
minnsta kosti sex afskekktum þorpum
og kostaði nokkur hundruð manns lífið.
Singapúr
I N D Ó N E S Í A
Djakarta
JAVA
Indlandshaf
Merapi,
26. október:
Eldgos hófst
með drunum
og öskufalli
Fjögur héruð
rýmd
Magelang
Sleman
Bojolali
Klaten
JAVA
Jogjakarta
Leit að fólki á tveim-
ur hamfarasvæðum
Eldgos og flóðbylgja á Indónesíu hafa kostað að minnsta kosti þrjú hundruð
manns lífið. Að auki er að minnsta kosti 400 manns saknað. Eldfjallið er enn
óútreiknanlegt, en sumir íbúanna í hlíðum þess hafa samt snúið heim aftur.
“Estelle” bastsófasett
Listaverð kr. 299.900,-
Helgartilboð kr. 149.950,-
Opið:
Má. - Fö. 12 - 18 - Lau. 12 - 16 - Sun. 13 - 16
Kauptúni 3 • 210 Garðabær • S 771 3800 • www.signature.is
50% afsláttur
Helgartilboð!
Á fundinum verða stutt ávörp og góður tími gefi nn til um-
ræðna. Komið og takið þátt í lífl egum skoðanaskiptum.
Frummælendur:
Jóhanna Sigurðardóttir
Össur Skarphéðinsson
Fundarstjóri:
Kjartan Valgarðsson
Þingmenn Samfylkingarinnar í Reykjavík þakka borgarbúum
góðar móttökur á vinnustaðafundum í kjördæmavikunni.
Verkefnin
framundan
Allir velkomnir á opinn fund Samfylkingarinnar
á Grand Hótel kl. 20 í kvöld, fi mmtudagskvöld.
www.xs.is
VINNUMARKAÐUR Síminn sagði í
gær upp 29 starfsmönnum. Upp-
sagnirnar eru hluti af skipulags-
breytingum hjá fyrirtækinu,
segir Margrét Stefánsdóttir, upp-
lýsingafulltrúi Símans.
„Við erum að sníða fyrirtækið
að breyttum aðstæðum,“ segir
Margrét.
Hún segir efnahagsástandið
koma við Símann eins og önnur
fyrirtæki, einkaneysla hafi dreg-
ist saman og fá teikn á lofti um að
það sé að breytast. Sömuleiðis hafi
markaðshlutdeild fyrirtækisins
dregist saman og þar með tekj-
urnar.
Starfsmenn Símans verða 597
eftir uppsagnirnar, en voru áður
626 talsins. Margrét segir að ekki
verði gerð krafa um að starfs-
mennirnir vinni út uppsagnar-
frestinn. Starfsmennirnir sem
sagt var upp störfuðu á ýmsum
sviðum fyrirtækisins.
Samhliða uppsögnunum verður
markaðssvið Símans lagt niður
og starfsemi þess, þar með talið
markaðsdeildin, færð undir önnur
svið, segir Margrét.
Lögð er áhersla á að breyting-
arnar hafi ekki áhrif á þjónustu
við viðskiptavini. - bj
Skipulagsbreytingar og uppsagnir hjá Símanum vegna efnahagsástandsins:
Síminn segir 29 upp störfum
UPPSAGNIR Starfsmönnum var tilkynnt
um skipulagsbreytingarnar á fundi í
hádeginu í gær. FRÉTTABLAÐIÐ/PJETUR
ASKA YFIR ÖLLU Björgunarfólk leitar í nágrenni eldfjallsins Merapi. NORDICPHOTOS/AFP
DÓMSMÁL Kona hefur verið úrskurð-
uð í gæsluvarðhald til 19. nóvem-
ber. Hún er grunuð um fjölmörg
brot, þar á meðal að hafa ekið bíl
inn um glugga á hárgreiðslustofu,
þar sem hún síðan stal fjármunum
og snyrtivörum.
Ofangreint atvik átti sér stað í
síðasta mánuði. Konan er grunuð
um að hafa stolið um fjögur þúsund
krónum úr peningakassa hár-
greiðslustofunnar, svo og snyrti-
vörum fyrir rúmlega tuttugu þús-
und krónur.
Í skýrslutökum hjá lögreglu
viður kenndi konan að hafa farið
inn á hárgreiðslustofuna, en kvaðst
muna lítið eftir því sökum ölvun-
ar. Hún kvaðst einungis hafa tekið
þaðan einn brúsa af hársápu.
Hún sagðist neyta morfíns dag-
lega og hafa gert það í rúm tuttugu
ár, með hléum þó. Þá kvaðst hún
vera hjartveik og HIV-smituð.
Auk þessa er konan grunuð um
fimmtán önnur brot frá því í byrjun
júní og fram til 1. október á þessu
ári. Er þar aðallega um að ræða
innbrot, þjófnaði og eignaspjöll.
Konan hefur fengið þrjá fang-
elsisdóma. Í júlí var hún svo enn
ákærrð fyrir fjölmörg brot. - jss
HANDTEKIN Handtökuskipun var gefin
út á konuna þegar hún mætti ekki fyrir
dómi.
Kona í gæsluvarðhald vegna fjölmargra þjófnaðarbrota:
Ók bíl inn á hárgreiðslustofu
VIÐSKIPTI Innflutningur á nauta-
kjöti hefur aukist umtalsvert milli
ára, um 27 prósent. Á fyrstu átta
mánuðum ársins voru flutt inn
95 tonn af kjöti en á sama tíma-
bili í fyrra nam innflutningur 74
tonnum. Þetta kemur fram á vef
Landssambands kúabænda.
Heildarinnflutningur á kjöti
hefur hins vegar dregist saman
um tvö prósent frá árinu 2009.
Enn er langmest flutt inn af ali-
fuglakjöti, sem nemur 52 prósent-
um alls kjötinnflutnings. Hlutfall
nautakjöts er 23 prósent. - mþl
Heildarinnflutningur minni:
Meira flutt inn
af nautakjöti
Vilt þú að sett verði upp víkinga-
þorp í Engey?
Já 49,5%
Nei 50,5%
SPURNING DAGSINS Í DAG
Hefur þú neytt fæðubótarefna?
Segðu skoðun þína á visir.is
KJÖRKASSINN