Fréttablaðið - 28.10.2010, Blaðsíða 32
28. október 2010 FIMMTUDAGUR4
„Við ætlum að sýna það sem er
helst í tísku fyrir dömur og herra,
til dæmis rokkaðar hárgreiðslur,
ýktar og framsæknar klippingar
og fleira til,“ segir Rakel Jensdóttir
sem er, ásamt samnemendum sínum
við hársnyrtiskóla Tækniskólans, að
leggja lokahönd á undirbúning hár-
greiðslusýningar sem fer fram á
skemmtistaðnum Spot í kvöld.
Sýningin er hluti af árlegu
útskriftarverkefni hárgreiðslunema
við Tækniskólann þar sem þeim
gefst færi á að sýna afraksturinn
af fjögurra ára námi. „Þarna fáum
við að sýna hvað við höfum lært á
þessum árum, bæði í skólanum og á
stofum, allt frá litun upp í perman-
ent,“ segir Rakel og getur þess að
nemendur úr Airbrush and Make Up
School annist förðun.
Rakel viðurkennir að mikill-
ar eftirvæntingar gæti meðal hár-
greiðslunemanna tólf, ellefu kvenna
og eins karls, í tenglsum við sýning-
una í kvöld enda bera þau sjálf hit-
ann og þungann af skipulaginu. „Við
erum öll búin að vera á haus enda
gegnir hvert og eitt okkar mikil-
vægu hlutverki í að hanna og búa
til sýninguna. Ég sé til dæmis um
fjölmiðla og er þess vegna meðal
annars að tala við þig,“ segir hún
og hlær. Bætir við að gaman sé að
sjá sýninguna smám saman smella
saman. „Þetta á eftir að verða flott
og líka skemmtilegt, en við höfum
fengið til liðs við okkur plötusnúð,
Danna Deluxe, sem mun halda uppi
stuðinu.“
Spot verður opnað í kvöld klukk-
an 19 og hefst hárgreiðslusýning-
in klukkan 20.30. Að henni lokinni
hefst venjuleg dagskrá á staðnum.
roald@frettabladid.is
Framsækin og nútímaleg
Allt það nýjasta úr heimi hártískunnar verður til sýnis á skemmtistaðnum Spot í kvöld. Sýningin er hluti
af útkriftarverkefni nema við hársnyrtiskóla Tækniskólans sem bera hitann og þungann af skipulaginu.
Jóhann Eymundsson að prófa sig áfram
með vöfflur í hári.
Skemmtileg útgáfa af afrókrullum í
meðförum Tinnu Bjarkar Guðjónsdóttur.
„Stundum ýkjum við veruleikann, annars væri þetta ekki sýning,“ segir Rakel. Það
gildir um hárgreiðsluna sem Hanna Khyzhnyak vinnur að. FRÉTTABLAÐIÐ/STEFÁN
Nýju fötin keisarans er heiti
sjónvarpsþátta sem fara brátt í
loftið á sjónvarpsstöðinni ÍNN.
Skyggnst er inn í heim fatahönn-
unar þar sem nýgræðingar og
reynsluboltar segja frá því sem á
daga þeirra drífur.
Ný þáttaröð um íslenska fatahönn-
un, Nýju fötin keisarans, fer í loftið
á sjónvarpsstöðinni ÍNN mánudag-
inn 1. nóvember. Steinunn Ketils-
dóttir er þáttastjórnandi, en sjálf
hefur hún hannað og selt vörur
undir merkinu Volcano-Iceland.
„Þegar ég hóf sjálf að hanna föt
uppgötvaði ég hvað það vantaði
tilfinnanlega einhvers konar vett-
vang sem fjallaði um allt það sem
er að gerast í fatahönnun hérlend-
is,“ segir Steinunn. „Eftir að hafa
fylgst með sjónvarpsstöðinni ÍNN
sem var að gera svolítið öðruvísi
hluti hafði ég samband við Ingva
Hrafn og í september var fyrsti
prufuþátturinn tekinn upp.“
Alls verða sex þættir á dagskrá
fram að jólum en auk Steinunnar
sér Arnar Jónsson um upptöku og
klippingu og Ásdís María Grétars-
dóttir aðstoðar við upptöku þátt-
anna. „Við eigum enn eftir að taka
það fyrir sem gerist úti á landi og
vonumst til að komast í að gera
framhaldsþætti af þessum sex.
Gróskan er svo mikil í þessum
heimi að við náðum aðeins að gera
broti af því sem er í gangi hér á
höfuðborgarsvæðinu skil. Við ein-
blíndum líka á hönnuði sem hafa
fagið að lífsviðurværi.“
Í þáttunum eru viðtöl við hönn-
uði sem hafa mismunandi reynslu
að baki, allt frá þeim sem eru
nýbúnir að opna verslun og svo
reynsluboltar sem eru sumir hverj-
ir komnir í útflutning. „Við skoð-
um einnig aðra þætti er viðkemur
þessum heimi svo sem skóla í boði,
birgja, efnisöflun og markaðssetn-
ingu á vörum. Við gengum ekki út
frá neinum stöðluðum spurningum
heldur eru viðtölin persónuleg og
margir sem deila skemmtilegum
sögum. Viðtölin eru því allt öðru
vísi en við bjuggumst við og veita
fróðlega og skemmtilega innsýn í
alls kyns króka og kima fatahönn-
unar auk þess að veita praktískar
upplýsingar.“
Þættirnir verða sem fyrr segir á
dagskrá á mánudögum og hefjast
klukkan 20.30. „Upphaflega hug-
myndin að þáttunum var að miðla
minni reynslu en sjálf hef ég lært
ótrúlega margt af gerð þessara
þátta,“ segir Steinunn.
Nýir þættir um fatahönnun
Steinunn Ketilsdóttir, þáttastjórnandi á sjónvarpsstöðinni ÍNN, ásamt Arnari Jónssyni,
sem sá um upptöku og klippingu þáttanna. FRÉTTABLAÐIÐ/GVA
teg. 98880 létt fylltur, mjúkur og æðislegur
í BC skálum á kr. 4.350,-
buxur í stíl á kr. 1.990,-
Laugavegi 178 - Sími: 551 3366
Opið mán.-fös. 10-18. Lau. 10-14.
Góð þjónusta - fagleg ráðgjöf.
www.misty.is
teg. 100161 - létt fylltur og flottur
í BC skálum á kr. 4.350,-
vænar buxur í stíl á kr. 1.990,-
TVEIR ALVEG
SPLÚNKUNÝIR
FULL BÚÐ
af flottum
fötum fyrir
flottar konur
Stærðir 40-60
vertu vinur á facebook
Firði Hafnarfirði S: 555-4420
S K Ó H Ö L L I N
Mikið úrval af kuldaskóm
kr. 9.995 st. 24-32
kr. 10.995 st. 31-39
Þú færð Fréttablaðið á kostnaðarverði á 90 stöðum
um land allt. Nánari upplýsingar á visir.is/dreifing
einn
barnaís
eða
Stöð 2, Stöð 2 Bíó og Stöð 2 Extra kosta
aðeins 229 krónur á dag í Stöð 2 Vild.
Tryggðu þér áskrift í dag!
FYRIR
229 KRÓNUR
FÆRÐ ÞÚ:
frábæra skemmtun í
heilan sólarhring fyrir
alla fjölskylduna