Fréttablaðið - 30.10.2010, Blaðsíða 40
30. október 2010 LAUGARDAGUR2
„Ég hef eðlilega lítinn tíma
fyrir sjálfa mig en sakna þess ekki
heldur. Amma kenndi mér að sníða
stakk eftir vexti og nú nýt ég þess
að fylgjast með börnunum vaxa og
þroskast. Maður á að njóta þess
sem maður hefur og ekki hollt
að bíða þess alltaf að losna til að
komast annað. Þá gengur líka allt
svo miklu betur,“ segir Ósk sem er
oftast ein með börnin því ekkert
þeirra fer að heiman um pabba-
helgar. „Pabbarnir hitta krakkana
eins og kostur er, en það bitnar á
börnum að taka þau úr sinni rút-
ínu því hér er þeirra líf, fótbolti,
afmæli og fleira um helgar. Þau
fara því frekar til lengri tíma í
vetrar- og sumarfríum sínum.“
Ósk vekur hvarvetna athygli
fyrir glæsilegt fas og útlit. „Það
segir sig sjálft að maður safnar
ekki holdum á hlaupum eftir fimm
börnum allan daginn, en holda-
far er líka bundið erfðum og ég
er heppin þar. Ég reyni að borða
hollt og fer varlega í Hraunkass-
ann á kvöldin; passa að klára ekki
upp úr honum en fá mér minna
til að upplifa bragðið. Þá varð að
lífsstíl hjá mér fyrir nokkrum
árum að hreyfa mig daglega eftir
að ég lenti í slæmum árekstrum
því annars lægi ég rúmliggjandi í
kör,“ segir Ósk sem fer í ræktina á
hverjum degi. „Ég á alltaf epli því
þau eru algjör galdur fyrir konur
sem eru að taka sig á, sker þau
niður og narta í á kvöldin.“
Ósk viðurkennir að hlutverk
einstæðrar móður geti vissulega
orðið yfirþyrmandi og ekki ganga
upp nema með góðu skipulagi.
„Þvottavélin stoppar ekki en ég
brýt saman þvott yfir sjónvarpinu
á kvöldin. Mamma kenndi mér að
leyfa engin leikföng frammi í stofu
nema í undantekningartilfellum,
en börnin eru með þrjú herbergi
til að leika sér í. Þá hef ég fyrir
reglu að taka fram eina leikfanga-
körfu í einu en til að það virki þarf
maður að setjast niður með þeim
í upphafi leiks því þá eykst áhug-
inn og eirðarleysið víkur. Börnum
líður best ef þau vita sín mörk, því
annars vaða þau yfir mörk ann-
arra og allir verða vansælir.“
Ósk kveðst nú hætt barneign-
um. „Ég lifi fyrir börnin og ekk-
ert betra í heiminum en að eiga
þau mörg. Að eiga þrjú eða fimm
er ekki svo mikill munur því
strákarnir eru orðnir svo stórir
að maður er orðinn meiri vinur en
mamma. Ég get ekki beðið eftir að
allir krakkarnir verði kominn á
þennan aldur því það er svo gaman
að eiga samfélag við börnin sín og
sjá þau verða að manneskjum. Þá
breytist hlutverkið úr umönnun í
vináttu,“ segir Ósk sem veit hvað
hún syngur um móðurhlutverkið.
„Mikilvægasta gjöfin er tím-
inn sem maður eyðir með börnum
sínum. Að setjast niður með þeim
og spila við þau í korter gerir
þau að vinum manns. Ég ólst upp
hjá ömmu sem spilaði við mig og
afa sem kenndi mér á píanó, og
það gaf mér mikið fyrir sálina.
Við þurfum líka að muna að gefa
börnum hvatningarorð því ef við
gerum það ekki getum við ekki
ætlast til að heimurinn geri það
seinna meir. Sú vinna skilar sér
líka í miklu betri krökkum.“
thordis@frettabladid.is
Ósk segir epli galdur fyrir konur í átaki.
FRÉTTABLAÐIÐ/VALLI
Töfrahurð, tónleikaröð sem hóf göngu sína í Salnum í fyrra, hefur annað starfsár sitt með hrekkjavöku-
efnisskrá fyrir krakka í Salnum á sunnudag. Dagskráin byrjar klukkan 13 og mun draugurinn Tíbri birtast
og segja sögur af vinum sínum. Kammerhópurinn Sheherazade mætir ásamt dönsurum úr Listdansskóla
Íslands og fjöllistamenn frá Götuleikhúsinu verða á staðnum. Krakkar eru hvattir til að mæta í búningum.
Hin vinsælu byrjendanámskeið í
Yogastöðinni Heilsubót
Síðumúla 15, sími 588 5711 og 691 8565
Nýtt námskeið helgina 6. og 8. nóvember
Innritun hafin á www.yogastodinheilsubot.is
Vanir yogaiðkenndur eru hjartanlega velkomnir
í hádegis og kvöldtíma
Garnbúðin Gauja • Álfabakki 14a • Sími: 571-2288
mánudagskvöldið 1. nóvember frá kl.
19.00 til 21.30 í Garnbúðinni Gauju
í Mjódd
Margar nýjungar framundan
Persónuleg þjónusta í notalegu umhverfi
Mikið úrval af garni og prjónavörum.
ALLT ÞAÐ FÍNA FRÁ KÍNA
Gott úrval af lömpum, vösum og
glæsilegri gjafavöru á frábæru verði
HEILSUVÖRUR - HEILSUTE
Sími: 553 8282 ¦ Skeifan 3j ¦ www.heilsudrekinn.is
FJÖLBREYTT ÚRVAL AF
FENG-SHUI VÖRUM
Þú færð Fréttablaðið á kostnaðarverði
á 90 stöðum um land allt.
Nánari upplýsingar á
visir.is/dreifing
Bæði námskeiðin hefjast 8. nóvember
Fyrirlestur 6. nóvember
Verð kr. 34.900
Skráning er hafin í síma 444-5090
eða nordicaspa@nordicaspa.is
Fimm tímar í viku – hreinsun, liðleiki og styrkur
3 tímar – jóga, liðleiki og öndun
2 tímar – léttar styrktaræfingar í tækjasal
Tímar: 17:20 mán/mið/fös.
Þjálfari er Sigríður Guðjohnsen
NORDICASPA
28 daga
hreinsun
með mataræði
og hreyfingu
WWW.NORDICASPA.IS
Hjá okkur nærðu árangri!
Fimm tímar í viku – Brennsla og styrkur
3 öflugir brennslutímar
2 styrktartímar í sal
Vikulegar mælingar
Ítarleg næringarráðgjöf
Fyrirlestur – Borðaðu til að léttast og auka orkuna
Slökun og herðanudd eftir hverja æfingu
Takmarkaður fjöldi
6:30, 7:30, 10:00, 16:30 og 18:30
Þjálfari er Gunnar Már Sigfússon
1. vika – Orkuhleðsla
Í fyrstu vikunni byggir þú upp orku og kemur líkamanum í jafnvægi.
2. vika – Öflug melting – Aukin brennsla
Í viku tvö er verið að efla og bæta meltinguna til að þú fáir sem mest
út úr holla matnum sem þú ert að borða.
3. vika – Hormóna jafnvægi – Hreinsun
Þriðja vikan mun koma jafnvægi á hormónaflæði líkamanns sem mun hafa áhrif á skap þitt, lífsorku og
kraft.
4. vika – Ónæmiskerfi eflt – Jafnvægi
Í viku fjögur byggjum við upp ónæmiskerfið og hjálpum því að verja líkamann á náttúrulegan hátt.
Lúxusnámskeið
NORDICASPA
fyrir konur og karla
4 vikna
Á námskeiðinu hreinsum við líkamann af
óæskilegum eiturefnum, aukum getu hans til að
vinna rétt úr fæðunni, aukum liðleika og styrk og
komum þér af stað í nýjan lífsstíl!
Ertu að glíma við:
Mataróþol
Matarfíkn og sykurlöngun
Maga- og ristilvandamál
Verki og bólgur í liðum
Streitu, þreytu og svefnleysi
Þunglyndi
Aðra lífsstílssjúkdóma
Síðasta námskeið fyrir jól
Ríó tríóið heldur tón-
leika í Salnum í kvöld
og annað kvöld klukk-
an 20. Á tónleikun-
um flytur tríóið sín
þekktustu lög. Tríóið
skipa Helgi Pétursson,
Ágúst Atlason og Ólaf-
ur Þórðarson. Þeim til
halds og trausts verða
gítarleikararnir Björn
Thoroddsen og Gunn-
ar Þórðarson.