Morgunn - 01.12.1920, Blaðsíða 40

118
MORGUNN
með þeim. Frú Leonard hafði þá verið tvö ár í hjóna-
bandi og hún bar þetta undir manninn sinn. Hann var
þes8 fýsandi, og systurnar komu heim til hennar til borð-
tilrauna. Tuttugu og sex tilraunir gerðu þær, án þess að
nokkuð gerðist. Þá var önnur systirin orðin þreytt á
þessu, sem ekki var heldur nein furða, og sagði: »Við
fáum aldrei neitt«. Jafnskjótt sem hún hafði slept orð-
inu, fór borðið að hreyfast. Þær fengu skeyti frá ýmsum
vinum sínum, þar á meðal frá mæðrum sínum. Og þar
á eftir kom nafn, sem þær skildu ekkert í, iangt nafn
með upphafsstafnum F, og 10 stafir í því. Þær gátu ekki
kveðið að því, svo að þær sögðu við gestinn : »Hver sem
þú ert, þá ættum við að geta valið úr þessu fáeina stafi
og nefnt þig því nafni«. Borðið stafaði »já«, og þær
völdu úr stafina F-E-D-A. Þann veg er til orðið nafnið
á verunni, sem stjórnar frú Leonard í sambandsástandi,
og nú er heimsfræg orðin.
Feda sagðist hafa verið Hindúa-stúlka og gifst 13
ára gömul manni, sem hefði heitið Hamilton; og hún
sagðist lika hafa verið langömmumóðir frú Leonard. Frú-
in kannaðist þá við hana, þvi að móðir hennar hafði
sagt henni frá þessari langömmu smni. Feda sagði henni,
að hún ætlaði sér að koma henni í sambandsástand og
tala gegnum hana. Frúin sagði henni, að það vildi hún
ekki. Hún vildi verða skygn, fá sýnir í venjulegu ástandi.
Feda svaraði, að í sambandsástand yrði hún að fara, því
að heila hennar væri svo kynlega háttað, að ef hún gei'ði
það ekki, mundi hún sjálf rugla alt, sem reynt yrði að
koma gegnum hana. Og frúin yrði að gera sérstakar til-
tilraunir til þess að lofa henni að koma þessu fram. Hún
fór þá að gera þetta fyrir Fedu. En 18 mánuðir liðu frá
því er þær tilraunir byrjuðu, þangað til Feda náði stjórn-
inni. Það tókst ekki fyr en frúin var hætt að reyna að
hjáipa neitt til og var orðin þreytt á þessu þófi. Feda
sagði henni síðar, að örðugleikinn hefði einmitt verið i