Morgunn - 01.06.1924, Blaðsíða 54
48
MORGUNN
um. Þegar E. H. Kvaran var kominn inn í byrgi-ð, segir
„bróðir Mika“ við þá E. H. Kvaran og Harald Níelsson, að
í tilefni af efasemdum þeim, sem komiS hafi fram, á fund-
inum, óski hann þess, að leitað sé á miðlinum vandlega. Stakk
E. H. Kvaran þá upp á því, að þriðji maður sé fenginn
sem vitni, og spurði, hvort „bróðir Mika“ hefði nokkuð á
móti því. Hann kvað það velkomið. E. H. Kvaran fer ])á
fram, en H. N. heldur áfram að standa yfir miðlinum.
E. H. Kvaran kom aftur með Jósef Björnsson frá Svarf-
hóli. Nú færðu þeir þrír miðilinn frammi í stofunni úr öll-
um fötum, skóm og sokkum, unz hann sat allsnakinn í stól
í stofunni, en lögðu yfir hann „slobrok“, er E. H. Kvaran
sótt.i inn í svefnherbergi sitt. Því næst rannsökuðu þeir föt-
in innan og utan, fóru ofan í alla vasa og gættu að rifum
(þ. e. hvort nokkurs staðar væri rifa á fóðri eða slíkt) og
saummn; rannsökuðu þeir fóðrin svo vel, sem þeir höfSu vit
á. Þá rannsökuðu þeir byrgiS og tjöldin og það dyratjald,
sein var rétt við byrgið; sömuleiðis lyftu þeir upp tepp-
inu á gólfinu góðan spöl út fyrir byrgið ; enn fremur rann-
sökuSu þeir stólinn í byrginu og stólinn, sem stóð næstur sæti
miðilsins í byr.ginu, þann er frú Kvaran hafði setið á og
hugsanlegt var, aS miðillinn hefði getað náS til með hendinni
úr byrginu.
Árangur af þessari rannsólcn var, að í vösum miðilsins
fanst hnífur, lítil naglaskæri og tveir velktir, livítir vasa-
klútar af mismunandi gerð, annar í brjóstvestisvasa, frem-
ur lítill, hinn í buxnavasa, vanalegur léreftsklútur1.
Því næst klæddu þeir hann aftur í fötin, þótt það væri
allerfitt, af þvá af miðillinn var svo máttlaus; sama sem
ekkert var mælt af vörum lians. Að eins kvaSst „Mika“ sjálfur
verSa að hafa vald á miðlinum um liríð, og meðan rann-
sóknin færi fram, því aS hann væri of veikur til þess að
hann mætti fá meðvitund, meðan hann væri í þessu þrauta-
ástandi. Hve nær sem „trancinn“ virtist verða léttari stundi
miðillinn sárt og kiptist við, ef nokkurt liljóð heyrðist.
E. H. Kvaran gekk því næst fram til fundarmanna.