Morgunn - 01.06.1924, Blaðsíða 118
112
M O R G U N N
tíina ganga að því vísu, að sem miðill sé B. N. ekkert annað en
svikari og miðilsgáfa hans ekkert annað en hégómi! Eftir einum
landa hans hér í bæ er það haft, að B. N. sé ekki eingöngu lodd-
ari og ekkert annað, heldur sé hann líka svo klaufskur loddari, að
engum sé vorkunn að átta sig á öðru eins. pað væri fróðlegt að vita,
hvað prófessor Heiberg mundi finnast um þau ummæli, ef liann væri
enn á lífi!
í vorum augum er þessi rakalausi mótþrói álíka óskiljanlegur
og fyrirbrigðin sjálf.
Yér bendum á aðra hlið á rnálinu, sem oss er ekki mikið
skiljanlegiá.
E. N. fer 1922 til Kristjaníu til rannsóknar. pá eru bornar á
hann miklar sakir. pær eru gersamlega ósannaðar, og öll framkoma
rannsóknarmannanna er fávísleg og fljótfæmisleg. Vér hyggjum
ekki, að neinn reyndur sálarrannsóltnamaður í veröldinni mundi vilja
mæla henni bót. Að hinu leytinu er gengin á undan sú reynsla, sem
mjög merkir menn í Danmörku hafa af þesstím miðli. Hvernig stendur
á því, að enginn þeirra tekur til máls, þegar hér um bil öll blöð
landsins ráðast á E. N., taka afdráttarlaust gilda irmsögn Kristjaníu-
mannanna, en láta þess að engu getið, sem gerst hefir í þeirra eig-
in landi. Hvers vegna segja ekki dönsku rannsóknamennimir þá
frá því, sem þeir hafa séð? Og hvers vegna benda þeir ekki á veil-
urnar í rannsókn Kristjaníumannanna? Hvers vegna láta þeir dóm-
prófastinn í Hróarskeldu, sem ekkert hefir séð sjálfur, að eins
hefir orðið að fara eftir frásögnum annara, verða einan til þess
að andmæla áfellisdómnum, sem kveðinn hafði verið upp yfir E. N. ?
Auðvitað er drengilega bætt úr þessu með bók hr. Bonnes. En hún
hefði, að því er oss virðist, helzt átt að hafa kotnið út fyrir tveimur
ámm.
Að lokum skal hér bent á þá hliðina á málinu, sem að okkur
snýr hér heima. Einstöku menn hafa látið uppi rmdmn sína út af
því, að Sálarrannsóknafélagið hér skyldi vera að £á E. N. hingað,
þar sem svo dökkur skuggi hefði fallið á hann í Kristjaníu. Hver
sem les bók hr. Bonnes, mun geta skilið það, að það tiltæki S. R.
F. f. var ekki ástæðulaust. Og þó er ekki í þessari bók neitt getið
um fyrirbrigðin í Hróarskeldu, sem dómprófasturinn þar skýrir svo
rækilega frá. Hr. Bonne segir eingöngu frá þeim fyrirbrigðum, sem
hann hefir sjálfur séð.