Morgunn - 01.12.1929, Qupperneq 55

M OliGU N N
181
lega er hann ekki lengur eins stæltur í þeirri trú og
hann var áður, að allar þær iðkanir fari fram með full-
tingi djöfulsins og illra anda. Eins og áður er sagt
hefir hann játað að framliðnir muni stundum senda
skeyti yfir til vor með guðs fulltingi. En hann vill setja
mörkin á milli þess, sem hann kallar „sjálfkrafa sam-
band“ við andaheiminn og hins sambandsins, sem menn-
irnir framkalli með miðlum og rannsókn. Hann kveðst
hafa meira traust á því sambandi, sem myndast án vors
eigin tilverknaðar, eins og þegar augu vor uppljúkast
og vér sjáum dýrðlegar sýnir eða fáum sjálfkrafa ást-
úðlegt samband við framliðna ættingja. Jafnvel hin
skuggalegri sjálfkrafa fyrirbrigði, svo sem svipsýnir
og draugagangur, hafi sinn sannleik að segja oss til að-
vörunar. — En það eru rannsóknar fyrirbrigðin sem
hann hefir vantrú á, þar er guð ekki með í verki og
engu trúandi af því sem þar kemur fram!
Eg vil hér sem dæmi tilfæra það sem höf. segir um
skýrslu, sem forseti Sálarrannsóknarfélagsins Einar H.
Kvaran gaf í fyrirlestri sem prentaður er í blaðinu
„Dagens Nyheder“ í Khöfn um heimsókn hans hjá
hinum fræga enska miðli í London Mrs. Brittain. —
Höfundur segir svo frá skýrslunni:
— „Kvaran heimsækir miðilinn frú Br. án þess
að láta getið nafns síns eða hver hann sé. Frúin
situr í byrjun þögul og með lokuð augu, svo sem
eina mínútu. Þá segir hún að komnar séu handan
úr öðrum heimi tvær konur mjög ástúðlegar ásýnd-
um. Þeim lýsir hún svo að Kvaran þekkir þar látna
tengdamóður og fyrri konu sína. Og nú gengur alt
fyrirstöðulaust. Frú Br. gefur upp nöfn þeirra og
fleiri annara lífs og liðinna rétt eða því sem næst.
Hún sér börn með ungu konunni og segir nöfn á
látnum börnum hennar og Kvarans o. s. frv. Á svo
sem eins klukkutíma fundi telur Kvaran sig hafa
fengið rétt sögð 70 atriði, sem aðeins hafi getað
borist frú Br. með yfirnáttúrlegum hætti“. —