Morgunn - 01.12.1931, Blaðsíða 89

MORGUNN
215
Draumur Ólafs Hjartarsonar.
Tómas hreppstjóri Guðbrandsson var fæddur og upp-
alinn í Auðsholti og bjó þar allan sinn búskap. Hann dó
þar að síðustu, og var þá kominn á níræðis aldur, 1914.
Nokkru áður en hann dó, dreymdi Ólaf Hjartarson á Drumb-
oddsstöðum, að honum þótti Tómas koma þar, heilsa hon-
um glaðlega og segja: »Nú ætla ég að fara að flytja frá
Auðsholti«. »Og hvert ætlarðu?«, þykist Ólafur segja. »Eg
ætla að Skálholti«, svarar Tómas. Þegar Ólafur vaknaði,
þótti honum draumurinn auðráðinn, því að hann vissi að
heilsa Tómasar var farin að bila. Tómas dó nokkru síðar
og var jarðaður í Skálholti.
Signmndur í Iðu.
Sigmundur hét maður Friðriksson, er lengi bjó að Iðu
í Biskupstungum, og dó þar að síðustu, þá þrotinn að
heilsu og kröftum. Þá bjó á Eiríksbakka, næsta bæ við Iðu,
Lýður Þórðarson. Siðasta haustið, sem Sigmundur lifði, seldi
Lýður kvígu, og keypti hana bóndi uppi i Biskupstungum.
Svo kemur að því að bóndi sækir kvíguna og lánar Lýð-
ur honum Ragnhildi dóttur sína að reka á eftir henni að
Iðu-ferju. Þegar þangað var komið, fór bóndi heim að
biðja um ferjumann, en Ragnhildur beið og hélt í kvíguna.
Þegar bóndi er kominn heim að bænum, sér Ragnhildur,
hvar maður kemur heiman að og stefnir að ferjunni, og
telur hún víst að þetta sé ferjumaður, en furðar sig þó á
því, er hún þekkir að þetta er Sigmundur, þvi að hann
var búinn að liggja lengi rúmfastur og taldar meiri líkur
til að hann dæi, heldur en hann gæti lengur verið ferju-
maður. Svo er háttað við Iðu-ferju, að hóll allhár er að
sunnanverðu við ána og sat Ragnhildur austan í honum,
og sézt þaðan ekki til bátanna. Sigmundur yrðir ekki á
hana, en gengur yfir hólinn og hverfur til bátanna, og sá
hún hann ekki framar. En á sama tíma sér Ragnhildur til
bónda að heiman, með ferjumanninn. Sigmundur dó daginn
eftir. Hann hafði verið ferjumaður á Iðu allan sinn búskap.
[Eftir sögn Arnleifar Lýðsdóttur.]
f