Morgunn - 01.12.1932, Blaðsíða 18
144
M 0 R G U N N
öfga, misskilning og afbakanir, en þrátt fyrir það hafa þau
„gert það að verkum, að almenningi gengur betur að fall-
-ast á niðurstöður sálarrannsóknanna og skilja þær. —
Og annað gott mun einnig af þessu leiða.
Af og til rísa upp herkonungar, sem segja stríð á
hendur öllu því, sem snertir trúna á annað líf, eilífa til-
veru og tilgang mannsins. Segjum nú svo, að þeim tak-
ist að veikja áhrif kirkjunnar, svo að hún yrði tekin lítt
trúanleg. Þá mundi þeim þó aldrei takast að gera reynslu
alþýðunnar að engu. Yið og við halda þau áfram að koma
fyrir, þau atvik, sem vekja aftur trú á annað líf, og þann-
ig mun það, sem grunnfær efnishyggjan nefnir „hjátrú“,
vísa að nýju veginn inn í musteri sannleikans.
»Leyfilegt kristnum mönnum«.
í ,,Guardian“, blaði ensku biskupakirkjunnar, hefir
í sumar verið haldið uppi umræðum um spiritismann.
Meðal mótmælanna hafa þau mótmæli komið, að samband
tfið' framliðna menn sé bannað í ritningunni. Þessu svar-
ar einn af nafnkunnum merkisprestum biskupakirkjunn-
ar svo: „Ofurlítil þekking sýnir mönnum fljótlega, hve
veigamikil sú mótbára sé. Þrátt fyrir 3. og 5. bók Móse,
höfðu allir spámennirnir samband við andlegan heim;
þrátt fyrir Jesaja YIII., 19, hafði Jesaja sjálfur stöðugt
samband við andlegan heim; og þrátt fyrir allar þessar
þrjár bækur samanlagðar, hafði Kristur sjálfur samband
við Móse og Elía, og eftir andlát hans höfðu postularnir
samband við hann sjálfan og hann við þá. Með því er
ótvíræðlega yfir því lýst, að samband við framliðna menn
sé leyfilegt kristnum mönnum". Með þessari afdráttar-
lausu athugasemd prestsins lét ristjórnin þessum um-
ræðum í blaðinu vera lokið.