Morgunn - 01.12.1932, Blaðsíða 70
196
M 0 11 G U N N
göfgi, svo unun var á að horfa. Var líkast því, sem hún
væri alt í einú orðin að- einhverjum orkugjafa samúð-
ar og kærleika, er sendi lífgandi kraft út frá sér.
Jafnframt þessu virtust stjórnendur ungfrúarinn-
ar gera tilraun til þess að búa til sjálfstæð andlit þeirra
gestar er með hæfileika hennar reyndu til að sanna við-
stöddum nærveru sína. Fundarmenn sáu þá oft, áður
en slík andlit mynduðust, eins og þoku eða ljósleita
móðu utan um ungfrúna, einkum um höfuð hennar.
Smámsaman virtist efni þetta dragast saman og þétt-
ast, utan um höfuð hennar. Skyndilega virtist sem ung-
frúin væri algerlega horfin, eða öllu heldur andlit henn-
ar, en fundarmenn sáu þá oft ýms andlit, ólík og sér-
kennileg, andlit kvenna og karla, er viðstaddir kváðust
geta þekt. En stundum sáu fundarmenn andlit, er þeir
gátu ekki þekt, þó að þau væru eigi síður skýr og greini-
leg. Var líkast því, sem útfrymisefni það, er fundar-
menn sáu utan um höfuð hennar, væri lagt yfir andlit
hennar, og andlit þeirra sýnd á þann hátt. Á meðan
slík fyrirbrigði gerðust, virtist svefndáið mjög djúpt.
Á einum fundinum, er hún hafði um hríð setið
hreyfingarlaus í stólnum, settist hún alt í einu upp.
tJtfrymishjúpurinn, er einatt sást utan um höfuð henn-
ar, hafði alt í einu dregist saman, og sást nú greinilegt
og skýrt karlmannsandlit við hlið hennar. Líkan þetta
var mjög skýrt .og sást móta greinilega fyi’ir hálsi og
herðum. Jafnframt sást andlit ungfrúarinnar greinilega,
en þó virtist sem nokkurn skugga bæri á það af höfði
þess, er sást vera við hlið hennar. í þetta sinni sat eg
beint framundan miðlinum; var því mjög gott tækifæri
til að virða þetta fyrir sér. Ennið, hárið, nefið og augun
var mjög skýrt mótað; einnig sást mjög greinilega mik-
ið efrivararskegg. Eg var í engum vafa um, hver þarna
var að verki; eg þekti andlitið vel. Gestur þessi horfði
fast og stöðugt til okkar, einkum til frúarinnar, er sat
vinstra megin við mig. Stundum hefir það komið fyrir