Morgunn - 01.12.1933, Blaðsíða 26
152
MORGUNN
verið nefnt Sumarlandið. Myers telur það nafn hentugt
og réttnefni; því að þar líður mönnum vel — að minsta
kosti um langan eða skamman tíma. En hann lítur á þetta
tilverustig frá sjónarmiði manns með vísindalegt hugar-
far, sem kominn er upp af þessu stigi. Þess vegna gefur
hann því annað nafn; og eg er ekki óhræddur um, að sum-
um kunni að hnykkja við því nafni. Hann nefnir það Blekk-
ingar-sviðið.
Menn láta sér að líkindum síður verða bilt við þetta
nafn, þegar það er athugað, að hér á jörðinni lifum vér
líka á blekkingarsviði. Vér skynjum vort umhverfi alt
annan veg en það er í raun og veru. Eitthvað samsvar-
andi er ástatt um oss á þriðja sviðinu, eftir því sem Myers
segist frá.
Áður en sálin fer úr Hades inn á þriðja sviðið varpar
hún af sér tvífara-líkamanum og fer að nota eterlíkam-
ann. Þann líkama notar hún meðan hún vill dveljast í
Blekkingarlandinu. Þar er friður og ánægja. Menn lifa
í umhverfi, er líkist því, sem þeir þektu á jörðinni. Samt
eru menn lausir við peningaáhyggjur, þurfa ekki að vinna
fyrir daglegu brauði. Eterlíkaminn fær næringu frá ljósi,
sem er ekki ljós sólarinnar. Hann hefir orku og fjör.
Hann þarf ekki neinar þrautir að þola og ekkert á sig að
leggja. En sá tími kemur fyr eða síðar, að þessi friður
og ró verður þreytandi; menn finna ekki til þess, að nein
veruleg framför verði, eða nein breyting, niður á við eða
upp á við. Myers líkir þessu ástandi við draum. Samt er
það enginn svefn, ekki fremur, að mér skilst, en jarðlífið
er svefn. En verum á æðri sviðum finst vort líf á jörðinni
ærið draumkent og óverulegt. Þetta draumlíf á þriðja
sviðinu er mjög þægilegt og jafnframt takmarkað. Að
lokum kemur að því, að menn fara að þrá það að beita
kröftum sínum, að fá æðri gleði og stærri sjóndeildar-
hring. Menn vilja í stuttu máli fara að komast eitthvað
áfram, annaðhvort upp á við eða niður á við.
Þær sálir, sem eru það, er Myers kallar dýrsmenn,