Morgunn - 01.06.1936, Blaðsíða 12

6
MORGUNN
liggja að deyja, sem svo er kallað. En það kemur líka
til af fleiru. Þetta líf er verulegt í vorum augum, og þó
að það geymi margar sorgir og raunir, þá er óteljandi
margt hér, sem er oss hugnæmt. f samanburði við það
er framhaldslífið óþekt og þokukent, og þeir sem inn í
það fara skilja ekki eingöngu eftir þrautir sínar, heldur
líka áhugamál sín og þá gleði, sem lífið kann að hafa
veitt. Hér njótum við líka félagsskapar annara manna
og þurfum aldrei að vera einir. Fyrir vorum sjónum er
eitthvað mjög einmanalegt við dauðann, og enginn veit,
hvern félagsskap vér hljótum á leiðinni, sem framund-
an er, ef sá félagsskapur er nokkur. Þekkjum vér hver
annan eftir andlátið? Iiittum vér þá tafarlaust, sem
vér höfum unnað og mist, eða eigum vér að bíða sam-
fundanna til enda veraldar? Eða bíður vor draumlaus
svefn þangað til á dómsdegi? Fræðsla kirkjunnar um
þessi efni hefir mörgum manninum reynst ófullnægj-
andi. Hún hefir lengstum sagt oss, að eftir andlátið
fari góðir menn í eilífa sælu og vondir menn í eilífar
kvalir. Hverjir eru góðir og hverjir eru vondir? Allir
erum við vitanlega ófullkomnir. Er það trúin á verð-
skuldun Krists, sem ríður baggamuninn? Sé svo, hvað
er þá um þá mörgu menn, sem ekki hefir auðnast að
eignast þá trú? Mennina hefir ávalt hrylt við að eiga
að svara því, og þeir hafa staðið ráðalausir.
Það er .ekkert undarlegt, að menn hafi verið til-
tölulega fúsir á að veita viðtöku boðskap spiritismans
um þessi efni. Hann boðar oss skipulagt framhaldslíf,
víðtækan félagsskap og að enginn þurfi að vera ein-
mana; hann boðar oss að hverjum sé falið sitt verk, og
að honum sé leiðbeint og hjálpað af æðri vei-um, eftir
því sem hann er fær um að veita leiðsögninni viðtöku.
Spiritisminn boðar jafnframt, að framliðnir menn séu
,ekki sviftir burt frá áhugamálum sínum í þessu lífi,
heldur séu þeir mikið riðnir við alt, sem hér gerist; sér-
hver mannleg vera sé, eða geti orðið, starfandi þátt-