Morgunn - 01.06.1937, Blaðsíða 52
46
MORGUNN
að hjálpa einhverjum til þess að gera sér grein fyrir þeim
mætti, sem er fólginn í þessari tegund lækninga. Mér skal
verða ánægja að gera það sem eg get til þess að hjálpa
hverjum, sem kynni að langa til að nota okkur. Ef þeir
vilja skrifa mér, og láta bréfinu fylgja frímerki fyrir
svarið, til London Spiritualist Alliance, 16 Queensberry
Place, London, S. W. 7, skal eg með ánægju senda þeim
ráðleggingar. Engrar borgunar er krafist, en þóknun geta
þeir sent af frjálsum vilja.
Sálarrannsóknirnar
og spíritisminn.
Eftir J. Arthur Findlay.
Ritgjörð þessi er samin út af ágreiningi, sem komið hefir upp
í Englandi milli miðlanna og þeirra, sem þeirra málstað halda fram,
á aðra hliðina, og vísindalegra sálarrannsóknamanna á hina hliðina.
Því hefir verið haldið fram, að þessir rannsóknamenn skipti illa Við
miðlana, og að miðlarnir ættu að afsegja alla samvinnu við þá. Mr.
Findlay er formaður rannsóknarstofnunar, sem rekin er eftir vís-
indalegum reglum, en leggur stund á að sýna miðlunum alla nær-
gætni. Þó að slik deila hafi ekki komið upp hér á landi, þykir rétt
að birta ritgjörðina í Morgrvi. í henni er svo mikill fróðleikur, sem
ritstjóri Morguns telur víst, að verði lesendum ritsins til ánægju
og gagns.
Hver er sú afstaða, sem spiritistar eiga að hafa til
sálarrannsóknanna ?
Allir spiritistar, sem hafa komist að ákveðinni álykt-
un um sannindi þess sem spiritisminn heldur fram, hafa
verið sálarrannsóknamenn, og eru það ef til vill enn. Það
er engin ástæða til þess, að spiritistar geti ekki verið sál-
arrannsóknamenn né til hins, að sálarrannsóknamenn geti
ekki verið spiritistar.
Eg mundi skilgreina sálarrannsóknamann á þá leið,