Morgunn - 01.06.1944, Blaðsíða 18

14
M O R G U N N
á spaugi við efasemdamennina. Hann reyndi þá til að rifja
upp fyrir sér gleymd nöfn og atvik. Og til að sýna vald
Patsys yfir lögmálum, sem ennþá eru vísindunum ókunn,
lék hann lag á munnhörpu, sem var ofan í einum af
vösunum mínum. Þetta gerði hann á meðan ég hélt hend-
inni fyrir opið á vasanum, svo að Patsy gat ekki snert
hana, á neinn eðlilegan hátt. Líkamlegu fyrirbrigðin, sem
komu fram á þessum fundi, voru mjög margvísleg. Seinna
sýndi Patsy okkur andaljós sitt, daufan Ijóshnött með
fosfórlit, sem þaut um herbergið með undursamlegun.
hraða. Einu sinni, þegar miðillinn svaf í næsta herbergi,
líkamaðist Patsy svo fullkomlega, að hann talaði í síma
við nokkra jarðneska vini sína. Þetta gerði hann í. viður-
vist herra Josephs de Wykoffs, þekkts amerísks kaupsýslu-
manns. Sagan af þessu merkilega atviki hefir verið skráð
af dr. E. F. Bowers, einum þeirra manna, sem töluðu við
Patsy í símann. „Þessi atburður er einstæður i sögu sál-
rænna fyrirbrigða", segir læknirinn í Pshychic News. “Það
er ómögulegt að skýra þetta undraverða fyrirbrigði, nema
með því að segja — með hinu vanalega hugrekki þeirra,
sem ekki trúa, hafa andúð á eða neita fyrirbrigðum spir-
itismans — að þrjár manneskjur segi vísvitandi ósatt, eða
að þær séu allar háðar samskonar skynvillum — sem er
algjörlega óþekkt fyrirbrigði í sálsýkifræði. ÞesSar þrjár
manneskjur eru konan mín, Joseph de Wykoff og ég sjálf-
ur, sem öll erum heiðarlegt og guðhrætt fólk. Já, ég
gleymdi nærri því öðrum þátttakendum í þessum viðburð-
um — stúlkunni á miðstöð hjá ameríska land- og ritsíma-
félaginu, sem tók á móti þessari einkennilegu upphring-
ingu og gaf sambandið. Hún mundi sjálfsagt hafa orðið
mállaus af undrun eða máttlaus af ótta, ef hún hefði vitað
hverskonar maður það var, sem hún var að gefa símasam-
band. Þar að auki var brytinn, sem kom í símann heima
hjá de Wykoff, í Ramsey, New Jersey og var þrumu lost-
inn, þegar de Wykoff sagði honum daginn eftir, við hvern
hann hefði verið að tala.“