Morgunn - 01.06.1944, Blaðsíða 36
32
M O R G U N N
likamans, þannig að persónuleg sérkenni mannsins njóti
sín til fulls, eða að samleikur þeirra komi skýrt fram.
Vandinn er einkum fólginn í því að ná hinum sönnu lit- og
blæbrigðum sálrænnar geislunar, en aðalörðugleikarnir
liggja einkum í því að sveiflustig þeirra eru ólík, annað
yfirskyggir eða útilokar hitt.
Hjá sumum mönnum er aðskilnaður líkamanna svo ófull-
kominn, að skyggnir menn sjá þá alls ekki aðgreinda, held-
ur sem samofna og óaðskiljanlega, og stundum getur verið
ýmsum örðugleikum bundið að aðskilja þá eða greina
hvorn frá öðrum, ekki sízt vegna þess að form og lögun
eterlíkamans er ekki eins ákveðið eða fast mótað sem
efnislíkamans. En þetta heppnast um síðir og jafnframt
því sem uppgötvun þessi sannar tilveru eterlíkamans opnar
hún mönnunum ný og dásamleg þekkingarsvið, sannkall-
aða undraheima er vísindamennina er ekki enn farið að
dreyma um.
Eterlíkami mannsins er svo fíngerður, að hinar minnstu
breytingar á ástandi gufuhvolfsins hafa áhrif á sveiflustig
hans, og suma daga mundi með öllu ókleift að ná mynd
hans á ljósmyndaplötu, þó að öll nauðsynleg skilyrði væru
fyrir hendi til þess að tryggja jákvæðan árangur. Við er-
um ennfremur að leitast við að koma vitneskju til ykkar
um það, hvernig unnt sé að búa til nýja gerð af ljósmynda-
plötum, er stilla megi samkvæmt sérstöku mælitæki í sam-
bandi við hana, er sýni þrýsting, rakastig og hita gufu-
hvolfsins o. s. frv.
Það er einnig mjög örðugt að finna viðeigandi skilyrði
til ljósmyndunar eterlíkamans sökum mismunandi og
breytilegs þéttleikaástands hans, er orsakast af sveiflu-
starfsemi hinna kemisku einda hans, er snúast hver um
aðra, rekast á og tvístrast og sameinast að nýju, en slík
starfsemi efniseinda hans veldur mismunandi þéttleika
hans og er meginorsökin til þess, hve erfitt er að skapa
jafnvægi í sveiflum líkamanna.