Morgunn - 01.06.1944, Blaðsíða 82
78
MORGUNN
Framtíð trúarinnar.
Nýlega hefur Englendingur nokkur, að nafni Percy
Colson, gefið út bók, er all mikla athygli hefur vakið, og
nefnir hana „Framtíð trúarinnar“ (The Future of Faith).
Þeim, sem horft hafa með nokkurri athygli á gang and-
legra mála í Englandi, kemur flestum saman um, að nú
á síðustu árum sé um sýnilega hnignun að ræða í ensku
kirkjulífi, og meira fráhvarf frá hinum kirkjulega kristin-
dómi hafi átt sé stað síðustu árin, en áður séu dæmi til.
Percy Colson er útgefandi bókar þeirrar, sem hér er
getið, en í hana skrifa all margir þekktir menn í Englandi,
hver frá sínu sjónarmiði, nokkrir kirkjunnar menn, vís-
indamenn, blaðamenn, sálfræðingar og fjármálamenn.
Útgefandinn stendur í rauninni sem spyrjandi andspænis
þeim, sem hánn hefur fengið til að skrifa bókina. Hann
segist sjálfur vera efasemdarmaður, en vill komast að
sannleikanum. ,,Ég öfunda kaþólska menn“, segir hann,
„þótt ég viti hins vegar, að kaþólskur get ég aldrei oi’ðið“,
— ekki einu sinni þótt honum stæði til boða sú ríka hugg-
un, sem öryggi þeirra veitir þeim. Einnig kveðst hann öf-
unda kirkjuna af hinu'fastmótaða kenningakerfi hennar,
sem byggt er á hinum trausta hornsteini: GUÐ ER TIL.
Hann mótmælir algerleika-hugtaki kirknanna, og einnig
þeirri fullyrðing þeirra, að kristindómurinn sé hinn eini
sannleikur og Kristur hinn eini endurlausnari. Hann er
þægilega víðsýnn maður.
Kristnir trúvarnarmenn. Einn hinna kirkjulegu trú-
varnarmanna, sem þarna koma fram á sjónarsvið, er dr.
Matthews. Hann er frjálslyndur maður og víðsýnn. Hann
bendir á, að kristnu trúarvarnamönnunum skjátilst, þegar
þeir telji opinberun kristindómsins vera hið raunverulega