Morgunn - 01.12.1944, Blaðsíða 56
150
M O R G U N N
sálirnar en ekki andana. Andinn notar efnisheilann sem
starfstæki, á meðan sálin er íklæddefnislíkamanum.enhann
er óháður hinu gráa, jarðneska efni heilans og er annars
eðlis en hann. Þess vegna þurfum vér ekki að hafa neinar
áhyggjur af því, að sjúkdómar eða truflun heilans fylgi
oss yfir á næsta tilverusvið. Þeir sjúkdómar eða truflanir
snertu aðeins hið jarðneska starfstæki, sem andinn notaði
um stundarsakir.
Ef vér gerum ráð fyrir, að framhaldslífið sé staðreynd,
verður það augljóst mál, að það er jarðneski líkaminn, en
ekki sálarlíkaminn, sem er lagður í gröfina. Maðurinn er
raunverulega sál og andi. Og ef það verður sannað, að mað-
urinn sé andi, nú þegar í þessu lifi og um alla eilífð, þá er
það einnig bert, að hann er raunverulega ekki takmark-
aður við þá vitund, sem er bundin við hinar þrjár víddir,
heldur er hann yfirskilvitleg vera, sem hefir í sér fólgna
þá vitund, sem einhvern tíma á fyrir sér að verða alheims-
vitund (cosmic consciousness).
Vér hljótum að gera oss ljóst, að ef viðurkenning al-
mennings á þessum staðreyndum fæst, hlýtur því að fylgja
að vér lærum að leggja annan mælikvarða á ýmsa hluti
en vér gerum nú, meta þá öðruvísi, en vér gerum nú. Því
að ef spíritisminn er sannleikur, þá er maðurinn nú þegar
í eðli sínu guð og mun ná rétti sinum þegar næsta tjaldi
vitundarinnar verður lyft frá. Er þetta tjald e. t. v. nauð-
synlegt nú? Það er mögulegt að svo sé. En ef þetta tjald,
sem kann að vera nauðsynlegt nú, verður aldrei dregið
frá, missir það marks og verður að vegg, sem lokar fyrir
oss allri útsýn yfir sviðið, sem að baki þess liggur.
En hvað sjá þeir bak við tjaldið, sem hafa dirfsku og
þekking til að draga það til hliðar? Þeir sjá ný þekkingar-
svið, sem oss dreymir ekki um, á meðan vér erum f jötraðii'
efnishyggjunni, hluti, sem engum dauðlegum manni er leyft
að mæla, eins og Páll postuli sagði. Vissulega gerðu vís-
indamennirnir, sem eru að rýna inn i fortíð vora og rekja
skyldleika vorn við apa og önnur dýr, betur í, að rýna inn