Morgunn - 01.12.1953, Blaðsíða 67

MORGUNN
145
leik. En þegar þeir spurðu mann nokkurn, sem bjó þarna
við veginn, kvaðst hann ekki hafa séð neina hermenn.
En óhjákvæmilegt var, að hann hefði séð þá, ef þeir hefðu
raunverulega farið eftir veginum.
Þá er spurningin: urðu þessir tveir vísindamenn raun-
verulega fyrir skynvillum? Vér vitum, að fjarhrifin eru
staðreynd, og gat þá þessi sýn stafað frá einhvers konar
fjarhrifum. Ef maður verður fyrir skynvillu, er hugsan-
legt, að annar maður, honum náinn, geti fengið hlutdeild
í þeim með honum. Það skal játað, að erfitt er að hugsa
sér svo náið samband milli tveggja manna. En ennþá
erfiðara er þó að hugsa sér, að hér hafi eitthvað efnis-
rænt verið á ferðinni, sem tók við og endurvarpaði frá
sér ljósgeislum, svo að það varð sýnilegt.
Reimleikar framkallaðir með dáleiðslu.
Dr. John Björkhem, sænski sálfræðingurinn, sem gert
hefur fleiri tilraunir en nokkur annar maður með að fram-
kalla reimleika, hefur heimsótt okkur. Dr. Björkhem er
lærður prestur, sálfræðingur og læknir, og með hjálp dá-
leiðslu hefur hann leyst af hendi merkilegt verk í þessum
efnum. Einhverju sinni kom 17 ára gömul stúlka frá Upp-
sala til hans. Hann dáleiddi hana — hún hafði aldrei verið
dáleidd fyrr — og bað hana því næst að heimsækja fjöl-
skyldu sína, sem átti heima í 400 kílómetra fjarlægð. Án
þess að hreyfa sig úr stólnum, lýsti hún fyrir dávaldinum,
hvað fyrir sig bæri. Hún sagðist vera stödd í eldhúsinu
heima hjá sér og standa með annan fótinn uppi á stól,
móðir hennar væri að búa til mat, en faðir hennar væri
að lesa í blaði. Hún sagði, hver yfirskriftin væri á blað-
síðunni, sem hann væri að lesa. Fáeinum klukkustundum
síðar var hringt að heiman frá stúlkunni til einnar vin-
konu hennar og spurt, hvort nokkuð gengi að henni. Fólkið
heima í eldhúsinu hefði séð hana þar, standa með annan
10