Morgunn - 01.06.1952, Blaðsíða 43

MORGUNN
37
öryggisleysi um framtíðina og úrræðaleysi í aðsteðjandi
vandamálum en nokkru sinni fyrr, er hætta á að ýmsum
fatist hið rétta mat bæði á sjálfum sér, tilgangi lífsins og
hinum raunverulegu verðmætum þess. En í hverskonar
vanda og raunum mannlegs lífs er eitt — og einkum eitt
— sem vér aldrei megum gleyma, og sem þessi bók minnir
oss alveg sérstaklega á: Mannsál, mundu, að þú ert eilíf.“
1 öðrum löndum er mönnum ljóst, hve stórkostlega
merkilegan skerf próf. Haraldur Níelsson lagði til sálar-
rannsóknanna, t. d. mun vera í undirbúningi sænsk útgáfa
af nokkurum erindum hans, en enn síður megum vér land-
ar hans gleyma, hvern skerf hann lagði til menningar
þjóðar vorrar.
Erindasafnið kom út í sæmilegri útgáfu og kostar í góðu
bandi aðeins kr. 37,00 og óbundin kr. 30,00.
Þá kom út fyrir jólin bókin FurÖuleg fyrirbæri eftir
ensku skáldkonuna Margaret Gordon Moore, í þýðingu
séra Sveins Víkings, en Bókaútgáfan Fróði, Rvik, gaf út.
Frú Gordon Moore er orðin kunn fyrir bækur sínar,
m. a. um sálræn efni, og seljast bækur hennar vel. Hún
segir mjög skemmtilega frá morgskonar furðulegum fyrir-
bærum, reynir lítt að skýra þau, en lætur lesandanum eftir
að draga sínar ályktanir af sögunum. Er bók þessi í senn
fræðandi og prýðilega skemmtileg aflestrar, enda var
henni óðara vel tekið og seldist hún vel. Þýðing séra Sveins
er eins og vænta mátti hin ágætasta. Bókin ber með sér,
að höf. er ritfær með ágætum. Frú Gordon Moore er gædd
skyggni- og dulheymargáfu.
„Furðuleg fyrirbæri" kosta í vandaðri útgáfu og í góðu
bandi kr. 60,00.
Þá kom eftir nýárið þriðja bókin um sálarrannsókna-
málið: Könnun andaheima eftir John Butler, ágætan sálar-
rannsóknamann, í þýðingu frú Ágústu Björnsdóttur. Hefur
frúin ekki fengizt við þýðingar fyrr, en tekst prýðilega.