Morgunn - 01.06.1952, Blaðsíða 54

48
MORGUNN
fyrir stafni, leit að hentugu viðfangsefni, og vék ekki úr
draumum hans næturlangt, sýndi honum eitt atriði eftir
annað á litla, upplýsta leiksviðinu sínu. Allan tímann með-
an hann horfði á rás viðburðanna á leiksviði „litla fólks-
ins“, kvað hann sér hafa verið ómögulegt að geta til um,
hvernig myndi fara, hver leikslokin yrðu, mér var alger-
lega hulið, hvernig greiðast mundi úr örlagaflækju þátt-
takendanna í sýningunum. Hann segir, að hátterni einn-
ar kvenpersónunnar hafi verið þannig, að sér hafi verið
ómögulegt að ráða í, hvað fyrir henni hefði vakað, að
hverju hún stefndi. ,,En að lokum varð mér þetta skiljan-
legt, er hún skýrði tilgang sinn í snjallri ræðu.“ Hvað er
litla fólkið mitt?“ spyr hann. „Það sýnist vera í nánum
tengslum við mig, en ég held hins vegar, að það sé meiri
gáfum búið og fjölþættari hæfileikum, heldur en ég veit
mig eiga“, segir Stevenson. Það getur sagt honum sögur,
einn kapítula eftir annan, án þess að samhengið í rás
viðburðanna slitni nokkurn tíma í sundur, og án þess að
hann fái rennt nokkurn grun í, hvernig muni fara um
leikslokin, hvað fyrir persónunum vaki. „En hvað eru
þessir litlu gestir mínir þá, hvað á ég að segja um „álfana“
mína, já, ég get aðeins sagt, þeir eru bara „álfamir mín-
ir“, guð blessi þá! Þeir vinna helminginn af starfi mínu,
meðan ég hvíli í værum svefni, og sennilega fylgjast þeir
með mér í vökunni og vinna í raun og veru það, sem
ég stundum hugsa með hrifningu að ég hafi sjálfur af-
rekað. Það er að minnsta kosti hafið yfir allan efa, að
það, sem gerist í draumum mínum, er þeirra verk, og
það er engan veginn sjálfsagt, að sá þáttur, sem fer
fram í vökunni, sé eingöngu minn. Allt hnígur fremur
að því, að það hafi þá líka hönd í bagga með.“ Þér hafið
sennilega flest eða öll lesið hina frægu skáldsögu hans:
„Dr. Jekyll og Mr. Hyde“, sem hefur verið þýdd á ís-
lenzku. Hann segir í áðurgreindri ritgerð sinni, hvernig
þessi saga sín hafi orðið til. 1 tvo daga hafði hann verið
að velta fyrir sér, hvaða efni hann gæti fundið í nýja