Morgunn - 01.12.1957, Blaðsíða 70

Úr sálrænni reynslu Ed. Morrells
★
í bók sinni: „The Twenty-Fifth Man“ segir Ed. Morrell
mjög nákvæmlega frá sálrænni reynslu sinni, meðal ann-
ars fyrirbrigðum, sem að dómi hans sönnuðu honum ótví-
rætt vitaða tilvist utan jarðnesks líkama síns, með fullri
meðvitund. í hinni furðulegu og óvenjulegu reynslu hans
felast traust og óvefengjanleg rök fyrir veruleik þessa
fyrirbrigðis, sem ekki verður hnekkt. Landstjórinn í Ari-
zona, George W. P. Hunt, hefir staðfest, að hann segi
satt og rétt frá reynslu sinni. Jack London þekkti hann
ágætlega og bók hans: „The Star Rover“, er byggð á
reynslu Ed. Morrells. Meginatriðin í reynslu hans eru á
þessa leið:
Ed. Morrell var lokaður inni í ríkisfangelsi og varð að
þola þar harðar og ægilegar pyntingar. Eitt píslartækið,
sem iðulega var notað, var spennitreyja. Sú, sem notuð
var að þessu sinni, var tvöföld og hin ytri féll fast að
hinni. Píslartreyja þessi var gerð úr segldúk. f þessum
stellingum var öll hreyfing óhugsanleg og vöðvastarfsem-
in heft. En þetta þótti ekki nóg. Þegar hún hafði verið
reyrð utan um hann, var vatni dælt á hana, en við það
herptist segldúkurinn enn meir saman og þrengdi þá enn
meir að líkama hans. Að fám mínútum liðnum fannst
Morrell sem hann væri stunginn með glóandi járnum um
líkamann og sársaukinn varð að ægilegum kvölum, óbæri-
legri og sárari en unnt er að ímynda sér. Fáir lifðu slíkar
pyntingar lengi........Hægt og hægt var fórnarlambið
kramið til dauða. Sá, sem hefur séð kyrkislöngu kremja
bráð sína til dauða, getur máske gert sér í hugarlund þær