Morgunn - 01.06.1960, Blaðsíða 72

H. H. Price:
Hvernig er annar heimur?
★
Ef við eigum að rökræða af skynsemi um framhalds-
lífið, verðum við að reyna að gera okkur einhverja hug-
mynd um, hvernig lífið eftir dauðann muni sennilega vera.
Ef við getum ekki gert okkur neina slíka hugmynd, hvað
óljós sem hún kann að vera, þá er gjörsamlega tilgangs-
laust að ræða um sannanir með eða á móti framhaldslífinu.
Þegar við tölum um lífið eftir dauðann, þá er það ekki
líf í lífeðlisfræðilegum skilningi, því það endar með dauð-
anum. Líf táknar hér meðvitund eða reynslu, og með-
vitundin hlýtur að vera meðvitund um eitthvað, um ein-
hverja hluti. Á þennan hátt er hugmyndin um framhalds-
lífið nátengd hugmyndinni um annan heim. Þessi annar
heimur er veröld, sem maður er sér meðvitandi um. Hug-
myndin um lífið eftir dauðann er algjörlega innihalds-
laus, ef við gerum okkur ekki einhverja hugmynd um
það, hvernig eðli annars heims sé.
Það er hægt að hugsa sér annan heim á tvennan hátt,
eftir því hvernig maður lítur á framhaldslífið. Á annan
bóginn má ímynda sér annað líf líkamlegt, út frá þeirri
skoðun, að sálin geti ekki verið til án líkama. 1 dauðanum
missir maður efnislíkamann, og það er því almenn skoðun,
að eftir dauðann fái maður annan líkama úr æðra efni,
— líkama, sem við höfum reyndar þegar í þessu lífi, þó
við vitum ekki af því að jafnaði.
Á hinn bóginn má hugsa sér framhaldslífið líkama-