Morgunn - 01.06.1960, Blaðsíða 86

80
MORGUNN
lauslega. En hér er maður, sem gæddur er óvenjulega
mikilli siðferðisalvöru og mikilli mannást, og segir frjáls-
lega og skýrt frá reynslu sinni og niðurstöðum.
„Vertu ekki þreyttur á morgun”, er kafli ,sem segir frá
vandamáli, sem margir eiga við að stríða, og hinni sál-
fræðilegu lausn á því. Og þar næst kemur merkilegur og
viturlegur kafli um bölvun óhreinna hugsana og leiðina
til þess að yfirvinna þær. Hér er leiðsögn, sem ótal menn
gætu haft mikið gagn af og á erindi til margra. Hér er
sagt frá alvarlegri baráttu, sem margir berjast í einrúmi,
og allir menn þurfa að berjast í einhverjum mæli, og bar-
áttu, sem þrásinnis endar í sálartruflun og jafnvel geð-
veiki. Hér bendir vitur maður, lífsreyndur og lærður, á
leiðir, sem kennimenn og raunar uppalendur allir ættu að
kynna sér og þekkja. Þá er kafli um óttann og loks er loka-
kaflinn um hið innra hungur mannsins eftir að geta verið
heill.
Þessi stutta greinargerð gefur mjög ófullkomna hug-
mynd um þessa ágætu bók, sem geysimikið hefir selzt og
frábærar viðtökur hefir fengið. Lærdómur, þrá eftir að
hjálpa þeim, sem út á vegleysur hafa ratað með sálarlíf
sitt, og rík ábyrgðartilfinning göfugs manns haldast hér
í hendur og stýra pennanum.
Þessi bók kenndi mér margt, sem ég vissi ekki áður. Ég
veit, að ekki aðeins prestinum, sálusorgaranum, heldur
einnig öðrum mönnum getur hún orðið til mikillar hjálp-
ar, skýrt fyrir honum margt, sem hann þarf að skilja,
og bent honum á leiðir, sem hann vissi ekki áður að voru
til. Þessvegna langar mig að láta MORGUNN segja laus-
lega frá henni. Hér er á ferðinni mál, sem margir lesendur
MORGUNS munu vissulega hafa hinn mesta áhuga fyrir.
Jón Auffuns.