Morgunn - 01.12.1960, Blaðsíða 69
MORGUNN
147
jarðveginn með annarri bók um dáleiðslur, en hafði ekki
meiri þekking enn á þessum málum en svo, að þegar
sjúklingurinn frú Hauffé var flutt til hans, ákvað hann
að beita við hana læknisaðgerðum þeirra tíma, sem við-
urkenndar voru af læknisfræðinni, en þær „lækningar“
voru nærri búnar að ríða henni að fullu, þegar hann
hætti þeim.
Frederica Hauffé var fædd árið 1801. Faðir hennar
var skógarvörður héraðsins, velmetinn maður, og í móð-
urætt hennar voru sálrænar gáfur. Hún var fjörmikið
barn, en vegna þess að snemma bar á dularhæfileikum
hennar, var hún send frá Prevorst til afa síns í Löwen-
stein. Hún var ákaflega næm fyrir hvers konar áhrifum,
hafði ríka hneigð til sumra staða en óbeit á öðrum, og
eðlilega skildi fólk þetta ástand ungu stúlkunnar ekki.
Loks fór hún að sjá anda framliðinna. Tvítug að aldri
giftist hún og fluttist til Kurnbach. Dulhneigð hennar og
dulskynjanir fóru ört vaxandi, en hún faldi þetta vand-
lega fyrir öðrum. Það varð hinni viðkvæmu, ungu konu
slík raun, að hún veiktist alvarlega. Hún þjáðist mikið
af fráleitri meðferð læknanna, sem engan skilning höfðu
á ástandi hennar. Hún fékk krampa í brjóstið og fannst
sem hefði hún stein inni í höfðinu. Hún fór nú að sjá
alls konar myndir í kristal eða spegli og ef hún horfði í
vatnsglas sá hún myndir af fólki og vögnum, sem hún
lýsti löngu áður en þetta fólk og vagnarnir komu í aug-
sýn. Henni fóru að birtast ókomnir atburðir í draumum,
varð skyggn og sagði oft fyrir óvænt andlát fólks, sem
þá var enn við beztu heilsu. Andar framliðinna fóru að
birtast henni oftar og oftar og urðu æ greinilegri. Hún
talaði stundum í ljóðum dögum saman og eftir að hún ól
frumgetið barn sitt lá hún lengi hættulega veik. Ástand
hennar var orðið mjög ískyggilegt, þegar loks var leitað
til Kerners. Hinar furðulegustu sögur af henni bárust út
til almennings, ættingjar hennar töldu þennan undarlega
sjúkleika hennar eintóma ímyndun og sjálfur Kerner