Morgunn - 01.06.1965, Qupperneq 35

MORGUNN
29
lýst þannig: „Öviðjafnanlega fögur, mild og dálítið þung-
lyndisleg, eins og bergmál af annari tónlist lengra í burtu.“
Oft var leikið eitthvað sérstakt, sem um var beðið, oftast
voru það einhver þekkt sönglög, sem voru fegruð í með-
ferðinni með ýmsum tilbrigðum og titringi á hljóðfærinu,
svo aðdáanlegt var á að hlýða.
Ekki féll Home ætíð í dásvefn, en ekki virtist það þó
hindra, að hin líkamlegu fyrirbrigði gerðust eftir sem áður.
Stundum leið honum mjög illa, þegar hann var í dásvefni,
sá þá og lýsti hræðilegum sýnum, grét og skalf. Hinn frægi
þýzki rithöfundur Thomas Mann, sem þekktur var að var-
færni, gaf mjög sterka lýsingu af Home í bók sinni „Reynsla
frá dularheimum“, þar sem miðillinn er í ægilegum umbrot-
um, löðursveittur, og gat rithöfundurinn ekki líkt þessu við
neitt annað en fæðingarhríðir. Stundum var hins vegar allt
annað yfirbragð á Home, hann var þá eins og einhver æðri
vera, rödd hans mild, ákveðin og róleg. Venjulega var hann
með aftur augun, en gat auðveldlega hreyft sig, líkt og hon-
um væri stjórnað af einhverjum ósýnilegum leiðsögumanni.
1 dásvefni töluðu stjórnendur hans ætíð um hann í þriðju
persónu sem Daniel eða Dan (en hann hafði engan aðal-
stjóranda, eins og flestir aðrir miðlar). Stjórnendur þessir
voru dálítið sérkennilegir. Þeir vildu til dæmis ekki að hund-
ur væri inni í herberginu, ekki þoldu þeir heldur tóbaksreyk,
kvörtuðu um, að það drægi úr krafti Daniels, og af einhverj-
um ástæðum vildu þeir ekki að Daniel sæti á silkisessum.
Stundum bar við, að handleggur hans varð stirður eða
jafnvel stjarfur, og stundum gat hann ekki opnað munninn.
Eftir að hann vaknaði úr dásvefni, gat hann oft ekki hreyft
sig í nokkrar mínútur, og átti þá til að mótmæla því að
koma til baka, óskaði þá eftir að mega vera kyrr, þar sem
bjart væri og fagurt.
Það, sem gerði miðilsstarf Homes áhrifamest, átti rætur
sínar að rekja til tveggja orsaka, sem aðgreindu hann al-
gjörlega frá öðrum miðlum. önnur var sú, að allan tímann,
sem hann starfaði, sat hann ófrávíkjanlega með í hringn-