Morgunn - 01.12.1966, Page 14

92
MORGUNN
þar sem hann smátt og smátt útilokar blekkingamöguleik-
ana. Á þann hátt er vísindalegur sannleikur fundinn og
sannaður.
Það er þetta, sem dulsálfræðivísindin eru að gera og vinna
að. Þannig hefur þeim nú þegar tekizt að sanna, að hin svo
nefndu fjarhrif (telepathy) á milli lifandi manna eigi sér
stað, þótt órafjarlægðir séu á milli þeirra. 1 því sambandi
hafa ýmsir haldið því fram, að þrátt fyrir þetta, sé um
enga sönnun að ræða fyrir því, að það sem við köllum sál
eða anda, sé til, heldur geti hér verið um að ræða eins kon-
ar geislun eða rafeindabylgjur, sem berist frá frumum eins
mannsheila til annars um langan veg, líkt og útvarpsbylgja,
og því geti þetta verið algerlega efnislegt fyrirbæri, og sé
engin sönnun þess, að maður hafi sál.
Til þess að reyna að ganga úr skugga um þetta, hafa
menn, sem þegar höfðu verið reyndir að því að geta senzt á
hugsunum um langan veg, verið lokaðir inni í rambyggileg-
um skápum, gerðum úr þvílíkum efnum, sem sannprófað
var, að ekki gátu hleypt í gegnum um sig neinum þeim
bylgjum eða geislum, sem menn þekkja. Niðurstaða þessara
tilrauna varð sú, að enda þótt mennirnir væru þannig inni
byrgðir, gátu hugsanir hindrunarlaust borizt á milli þeirra.
I öðru lagi er þess að geta, að reynsla sýnir, að fjarlægðir
draga úr áhrifum hvers konar sveifina. Þess vegna heyrist
verr í útvarpi í mikilli fjarlægð frá sendistöð. Hins vegar
sýna tilraunir um hugsanaflutning eða telepathy, að fjar-
lægðir hafa þar ekkert að segja. Bendir það til þess, að ekki
sé hér um efnisbylgjur að ræða.
Eins og mörgum er kunnugt, hefur hinn heimskunni dul-
sálfræðingur dr. J. B. Rhine, prófessor við Dukeháskóla í
Carolina í Bandaríkjunum, meðal annars gert afar víðtæk-
ar tilraunir á mörgum þúsundum manna, er blátt áfram
sýna og sanna vald sálarinnar eða hugans yfir efninu og
orku hennar til þess að ráða að meiru eða minna leyti hreyf-
ingu efniskenndra hluta. Við þessar tilraunir notar hann
sérstaka vél eða rafknúið hjól, sem hann lætur í teninga,